यर्मिया 51:16 - नेवाः बाइबल

¹⁶ वय्‌कः थ्‍वय्‌क हालादीबलय् आकाशय् लः गड्याङ गुडयाङ याइगु, वय्‌कलं पृथ्‍वीया तापाःगु थासं सुपाँय् थकयादी। वय्‌कलं वानापं हाबलासा त्‍वय्‌कादी। थःगु धुकुतिं फय् वय्‌कादी।

यर्मिया 51:16 ပူးပေါင်းရင်းမြစ်များ

उत्‍पत्ति 8:1

अले परमेश्‍वरं नोआ व वलिसे जहाजय् दुपिं फुक्‍क जंगलय् च्‍वनीपिं व छेँय् लहीपिं पशुतय्‌त लुमंकादिल। वय्‌कलं पृथ्‍वीइ फय् वय्‌कादिल। अले लः बुलुहुं सुनावन।

अय्‍यूब 37:13

परमेश्‍वरं मनूतय्‌त नाश यायेत, पृथ्‍वीयात प्‍याकेत व थःगु सदां दयाच्‍वनीगु दयामाया क्‍यनेत नं परमेश्‍वरं वा वय्‌कादी।

अय्‍यूब 38:22

“छ च्‍वापुया धुकुतिइ वनागु दु ला? अथवा प्‍वँ मुंकातःगु थाय् छं खनागु दु ला?

अय्‍यूब 40:9

छंगु लप्‍पा परमेश्‍वरयागु लप्‍पा थें च्‍वं ला? वय्‌कःया सः थें छ तसलं हाले फु ला?

भजनसंग्रहया सफू 104:7

छिं हक्‍केवं लः बाः वन, अले छिं तस्‍सलं उजं बीवं इपिं हथासं चिला वन।

भजनसंग्रहया सफू 135:7

वय्‌कलं पृथ्‍वीया कुन्‍चां सुपाँय् थकयादी, वानापं हाबलासा छ्वयाहयादी, अले थःगु धुकुतिं फय् पिकयादी।

भजनसंग्रहया सफू 147:18

वय्‌कलं थःगु वचन छ्वयादी अले उमित नाय्‌कादी, वय्‌कलं फय् वय्‌कादी अले लः न्‍ह्याइ।

भजनसंग्रहया सफू 18:13

अले स्‍वर्गं परमप्रभु हालाहयादिल, दक्‍वसिबय् तःधंम्‍हय्‌सिगु सः ताये दत।

भजनसंग्रहया सफू 46:6

जाति जातियापिं मनूतय् दथुइ तसकं हल्‍लाखल्‍ला जुल, राज्‍य-राज्‍य लिगिलिगि सनाः क्‍वःदल वय्‌कलं थःगु सः पिकयादिल, पृथ्‍वी नायावन।

भजनसंग्रहया सफू 68:33

न्‍हापांनिसें दुगु आकाशय् जुइम्‍ह परमप्रभुयात तःधंकि। वय्‌कः थःगु शक्तिशाली सलं हाःगु न्‍यँ।

भजनसंग्रहया सफू 78:26

वय्‌कलं आकाशय् पुर्बयागु फय् त्‍वःतादिल, अले थःगु शक्तिं दच्‍छिनयागु फय् संकादिल।

प्रस्‍थान 10:13

मोशां थःगु कथियात मिश्रया च्‍वय् ल्‍ह्वन। अले परमप्रभुं उखुन्‍हु न्‍हिच्‍छि व चच्‍छि देय्‌न्‍यंक पुर्बं फय् वय्‌कादिल। कन्‍हय् सुथय् व फसं क्‍वःबुइँचात हल।

प्रस्‍थान 10:19

अले परमप्रभुं फय्‌यात हीकाः पच्‍छिमं तसकं फय् वय्‌कादिल। व फसं दक्‍व क्‍वःबुइँचातय्‌त लाल समुद्रय् ब्‍वय्‌का यंकल। अले मिश्रया गनं हे छम्‍ह हे क्‍वःबुइँचा ल्‍यं मन्‍त।

प्रस्‍थान 14:21

अले मोशां थःगु ल्‍हाः समुद्रया च्‍वय्‌पाखे न्‍ह्यज्‍याकल। परमप्रभुं चच्‍छिं पुर्बं तसकं फय् वय्‌काः समुद्रय् गंगु बँ दय्‌कादिल। समुद्र निब्‍व जुल।

इजकिएल 10:5

करूबतय्‌गु पपूया सः पिनेया चुकय् तक ताये दु। व सः दक्‍व शक्ति दुम्‍ह परमेश्‍वर नवानादीबलय् ताये दइगु सः थें च्‍वं।

आमोस 9:7

“अय् इस्राएलीत, छिपिं जिगु निंतिं कूशया सन्‍तान थें खः” परमप्रभुं धयादी। “छु जिं इस्राएलीतय्‌त मिश्र देशंनिसें, पलिश्‍तीतय्‌त कप्‍तोरंनिसें, अले अरामीतय्‌त कीरंनिसें लिकानाः हयागु मखु ला?

योना 1:4

अय्‌नं परमप्रभुं समुद्रय् तःधंगु वाफय् वय्‌कादिल। थ्‍व वाफसं यानाः जहाज हे स्‍यनी थें च्‍वन।

योना 4:8

सूर्य लुइधुंकाः परमेश्‍वरं पुर्बया क्‍वाःगु फय् छ्वयाहयादिल। छेनय् निभालं पुनाः योना मूर्च्‍छा हे जुइ थें च्‍वन। अले वं सीगु मनं तुनाः थथे धाल, “आः जि म्‍वानाच्‍वनेगु स्‍वयाः सीगु हे जिल।”