यर्मिया 51:15 - नेवाः बाइबल

¹⁵ “परमप्रभुं पृथ्‍वीयात थःगु बलं दय्‌कादिल। वय्‌कलं थःगु बुद्धिं संसारयात थापं यानादिल। थःगु दुग्‍यानं वय्‌कलं आकाशयात चक्‍कंकादिल।

यर्मिया 51:15 ပူးပေါင်းရင်းမြစ်များ

अय्‍यूब 9:8

वय्‌कलं याकःचां हे आकाशयात चकंकादिल। वय्‌कः हे समुद्रया लबुया च्‍वय् न्‍यासि झायादी।

भजनसंग्रहया सफू 104:2

छिं थःत जलं त्‍वपुयादीगु दु। अले आकाशयात पाल थें चक्‍कंकादीगु दु।

भजनसंग्रहया सफू 104:24

परमप्रभु, छिं फुक्‍क दय्‌कादीगु दु, गज्‍याःगु तःधंगु बुद्धिं छिं उपिं फुक्‍क दय्‌कादिल, छिगु सृष्‍टिं थ्‍व पृथ्‍वी जाःगु दु।

भजनसंग्रहया सफू 107:25

वय्‌कलं आज्ञा बियाः ग्‍यानापुक वाफय् वय्‌कादिल। उकिं समुद्रया लबु च्‍वय् तक थाहां वल।

भजनसंग्रहया सफू 136:5

वय्‌कलं थःगु बुद्धिं आकाश दय्‌कादिल, वय्‌कःया दया माया सदां दयाच्‍वनी।

हितोपदेश 3:19

परमप्रभुं थ्‍व पृथ्‍वीयात वय्‌कःयागु बुद्धिं दय्‌कादिल। अले वय्‌कलं आकाशयात वय्‌कःयागु ज्ञानं दय्‌कादिल।

यशैया 40:22

वय्‌कः पृथ्‍वी च्‍वय् आकाश स्‍वयाः नं च्‍वय् थःगु सिंहासनय् च्‍वनादीम्‍हय्‌सिनं व दय्‌कादीगु खः, क्‍वय् पृथ्‍वीइ मनूत बुइँचा थें जक खः। वय्‌कलं आकाशयात इलां थें चक्‍कंकादीगु दु, अले अन बाय् च्‍वनेत पाल थें चक्‍कंकादीगु दु।

यशैया 40:26

च्‍वय् आकाशय् मिखा ब्‍वयाः स्‍व, अनयागु फुक्‍क नगुत सुनां दय्‌कूगु खः? वय्‌कलं हे मखु ला? वय्‌कलं उपिं फुक्‍क नगु व नक्षत्रतय्‌त नां कयाः सःतादी, वय्‌कःया तःधंगु शक्तिया कारणं उपिं छगू नं तनावनी मखु।

यशैया 42:5

परमप्रभु परमेश्‍वरं आकाश दय्‌काः उकियात चकंकादिल, अले पृथ्‍वी व उकी दुगु फुक्‍कयात न्‍यनावंकादिल, अले वय्‌कलं अन दुपिं मनूतय्‌त सासः व थुखे उखे जुइपिन्‍त जीवन बियादी। परमप्रभु परमेश्‍वरं थथे धयादी –

यशैया 44:24

“परमप्रभुं थथे धयादी, छन्‍त उद्धार यानादीम्‍ह अले छन्‍त गर्भय् दय्‌कादीम्‍ह, “जि हे परमप्रभु खः, गुम्‍हय्‌सिनं फुक्‍कं दय्‌कादिल, गुम्‍हय्‌सिनं याकःचां हे आकाशयात चकंकादिल, गुम्‍हय्‌सिनं थम्‍हं हे पृथ्‍वीयात न्‍यनावंकादिल,

यशैया 45:12

पृथ्‍वी जिं हे दय्‌काःगु खः, अले उकी दुपिं मनूत नं जिं हे सृष्‍टि यानागु खः। जिगु हे ल्‍हाःया ज्‍यां आकाशयात चक्‍कंकागु खः। अले उकी दुगु नक्षत्र व नगुत पाय्‌छिकथं मिलय् यानातयागु दु।

यशैया 48:13

जिं थःगु हे ल्‍हातं पृथ्‍वीया जग स्‍वनागु दु, जिगु जव ल्‍हातं आकाशयात चक्‍कंकागु दु। गुबलय् जिं इमित सःते अले इपिं फुक्‍क छथाय् मुं वइ।

यशैया 51:13

आकाशयात चकंकादीम्‍ह पृथ्‍वीया जग तयादीम्‍ह थः सृष्‍टिकर्तायात छाय् ल्‍वःमंकागु? छन्‍त नाश यायेत सनीपिं खनाः अले मभिंगु ज्‍या याइपिनिगु तंया कारणं छाय् छ थःगु जीवनय् भय कयाः म्‍वानाच्‍वनागु? अत्‍याचारीया तं गन वन?

यर्मिया 27:5

थ्‍व पृथ्‍वी, थ्‍व पृथ्‍वीइ च्‍वंपिं मनूत व पशुतय्‌त जिं थःगु तःधंगु बलं व ल्‍हाःया शक्तिं दय्‌कागु दु, अले जिं थुकियात सुयात बी मास्‍ति वः वयात बी।

यर्मिया 32:17

“हे परमप्रभु परमेश्‍वर, छिं थःगु शक्ति व ताहाकःगु ल्‍हातं आकाश व पृथ्‍वी दय्‌कादिल। छिगु निंतिं छुं नं थाकु मजू।

जकरिया 12:1

छगू अगमवाणी– इस्राएलया बारे परमप्रभुया वचन थ्‍व हे खः। आकाशयात चकंकादीम्‍ह, पृथ्‍वीया जग तयादीम्‍ह अले मनूया आकार दय्‌कादीम्‍ह परमप्रभुं थथे धयादीगु दु,

प्रेरित 14:15

“दाजुकिजापिं, छिकपिन्‍सं थ्‍व छु यानादियागु? जिपिं नं ला छिकपिं थें हे थ्‍व संसारयापिं मनूत खः नि। जिमिसं ला छिकपिन्‍त भिंगु खँ कनाः थथे म्‍वाःमदुगु ज्‍यां त्‍वःतकाः स्‍वर्ग, पृथ्‍वी, समुद्र व अन च्‍वंगु दक्‍व फुक्‍कं सृष्‍टि यानादीम्‍ह म्‍वाःम्‍ह परमेश्‍वरपाखे लिफः स्‍वकेत जक स्‍वयाच्‍वनागु खः।

प्रेरित 17:24

“थ्‍व हे परमेश्‍वरं थ्‍व संसार, अले थ्‍व संसारय् दुगु दक्‍वं दय्‌कादीगु खः। थथे स्‍वर्ग व पृथ्‍वीया मालिक जुयादीम्‍ह परमेश्‍वर मनूतय्‌गु ल्‍हातं दय्‌कूगु देगलय् च्‍वनादी मखु।

रोमी 1:20

सृष्‍टिंनिसें परमेश्‍वरयागु खने मदुगु स्‍वभाव, वय्‌कःयाके सदां दयाच्‍वनीगु शक्ति, व दयेमाःगु गुण, वय्‌कःयागु सृष्‍टिं बांलाक हे सी दु। अय्‌जूगुलिं इमिसं त्‍वहः तयेथाय् मदु।

रोमी 11:33

अहो! परमेश्‍वरया धन, ज्ञान व बुद्धि गुलि तःधं! वय्‌कलं यानादीगु न्‍याय थुइकां थुइके मफु। अले वय्‌कःयागु लँपु सीकेत तसकं थाकु।

प्रकाश 4:11

“जिमि प्रभु परमेश्‍वर, छिं हे फुक्‍कं खँ सृष्‍टि यानादीगु खः। छिगु इच्‍छा कथं हे फुक्‍कं दुगु खः, छिं हे सृष्‍टि यानादीगु खः। उकिं परमप्रभु जिमि परमेश्‍वर, छि महिमा, हनाबना व शक्ति दुम्‍ह खः।”