यर्मिया 51:13 - नेवाः बाइबल

¹³ हे यक्‍व लः दुगु थासय् च्‍वनीपिं! व धन-सम्‍पत्ति यक्‍व दुपिं! छिपिं खतम जुइगु ई थ्‍यंकः वल, छंगु अन्‍त थ्‍यंकः वल।

यर्मिया 51:13 ပူးပေါင်းရင်းမြစ်များ

उत्‍पत्ति 6:13

अले परमेश्‍वरं नोआयात धयादिल, “पृथ्‍वीइ च्‍वंपिं फुक्‍क मनूतय्‌त जिं न्‍हंकाछ्वयेगु क्‍वःछीधुन। जिं इमित पृथ्‍वी नापं सुचुक न्‍हंकाछ्वये। छाय्‌धाःसा पृथ्‍वी इमिगु ल्‍वापुख्‍यापुं जाये धुंकल।

भजनसंग्रहया सफू 137:1

बेबिलोनया खुसिया सिथय् च्‍वनाः सियोनयात लुमंकाः जिपिं ख्‍वया।

यशैया 43:14

परमप्रभु छिमित उद्धार याइम्‍ह खः। इस्राएलया पवित्र परमेश्‍वरं थथे धयादी, “छिमिगु लागिं हे जिं बेबिलोनया विरोधय् सेना छ्वये। इमिसं हमला याइ अले बेबिलोनीत थःगु जीवन बचय् यायेत बिस्‍युं वनी। इमित इमिसं घमण्‍ड यानाच्‍वंगु इमिगु जहाजय् जबरजस्‍ती बिसिकेछ्वइ।

यशैया 45:3

जिं छन्‍त सुनानं मखंथाय् सुचुका तयागु धन-सम्‍पत्ति बी। अले छन्‍त छंगु नां कयाः सःताम्‍ह परमप्रभु इस्राएलया परमेश्‍वर जि हे खः धकाः छं सी,

यशैया 57:17

जि इमिसं याःगु पाप व लोभया कारणं तंम्‍वयागु खः। जिं इमित सजाँय बिया, अले जिगु ख्‍वाः इपिंपाखें सुचुका। अय्‌नं इमिसं थःगु हे पहःचहलय् जिराहा जुयाच्‍वन।

यर्मिया 17:11

मखुकथं धन कमय् याःम्‍ह मनू, मेपिनिगु खेँचं मचा थ्‍वय्‌कीम्‍ह झंगः थें खः। बच्‍छि आयु वनीबलय् हे उगु धनं वयात त्‍वःताः वनी। लिपतय् व मूर्ख ठहरय् जुइ।

यर्मिया 50:27

वया फुक्‍क द्वहंचात स्‍यानाब्‍यु! उपिं स्‍याइगु थासय् यंकेमाः! इमित धिक्‍कार दु! छाय्‌धाःसा इमिगु दिं वःगु दु। इमित सजाँय बीगु ई थ्‍यंकः वल।

यर्मिया 50:31

“हे घमण्‍डी, स्‍व, जि हे छंगु विरोधय् दु,” प्रभु, दक्‍व शक्ति दुम्‍ह परमप्रभुं धयादी, “छाय्‌धाःसा छंगु दिं वःगु दु, जिं छन्‍त सजाँय बीगु दिं।

यर्मिया 50:37

वया सलत व रथत व वया दथुइ दुपिं विदेशी सिपाइँतय्‌गु विरोधय् छपु तरवार! इपिं मिस्‍त थें बमलाइ। वयागु धन सम्‍पत्तिया विरोधय् छपु तरवार चलय्‌ जुइ, इमित लुतय् याइ।

यर्मिया 51:36

उकिं परमप्रभुं थथे धयादी, “स्‍व! जिं छंगु पंली अले छंगु निंतिं जिं हे बदला काये। जिं वयागु समुद्र सुकाबी, वयागु लःया मूल सुकाबी।

विलाप 4:18

मनूत जिमिगु पला पतिकं लिउलिउ वल, अले जिपिं बांलाक जिमिगु लँय् न्‍यासि जुइ मफुत। जिमिगु अन्‍त लिक्‍क दु, जिमिगु आयु फुइधुंकल। छाय्‌धाःसा जिमिगु अन्‍त वये धुंकल।

दानिएल 5:26

“थुपिं खँग्‍वःतय्‌गु अर्थ थ्‍व हे खः – “मेने – परमेश्‍वरं छःपिनिगु राज्‍यया न्‍हि ल्‍याःखनाः थुकियात क्‍वचाय्‌कादीगु दु।

आमोस 8:2

वय्‌कलं जितः न्‍यनादिल, “आमोस, छं छु खनाच्‍वना?” जिं लिसः बिया, “पाके जूगु फलं जाःगु छगः दाला नयेत तयार दु।” अले परमप्रभुं जितः धयादिल, “जि थः प्रजा इस्राएलयात सजाँय बीत तयार दु। जिं इमिगु पापयात हाकनं मखंछु याये मखुत।”

१ पत्रुस 4:7

थ्‍व संसार याकनं हे मदया वनिन। उकिं मन थातय् लाकाः प्रार्थना याना च्‍वँ।

२ पत्रुस 2:3

अज्‍याःपिं मनूतय्‌सं लोभलालचय् लानाः छिमिके हेय्‌का कायेत मखुगु खँ दय्‌काः स्‍यनी। न्‍हापांनिसें हे अज्‍याःपिं मनूत दोषी खः धकाः परमेश्‍वरं धयादीगु दु। अय्‌जूगुलिं अज्‍याःपिं मनूत याकनं हे हासनास जुयावनी।

प्रकाश 17:1

न्‍हय्‌गः ख्‍वल्‍चा ज्‍वनातःम्‍ह स्‍वर्गदूत मध्‍ये छम्‍ह स्‍वर्गदूतं वयाः जितः थथे धाल – “थन वा, यक्‍व लः दुथाय् च्‍वंम्‍ह नांजाःम्‍ह वेश्‍यायात याःगु न्‍याय जिं छन्‍त क्‍यनाबी।

प्रकाश 17:15

अले स्‍वर्गदूतं जितः हानं धाल – “छं खंगु मिसाया लिक्‍क दुगु लःयागु अर्थ देश देशयापिं मनूत, जात जातियापिं मनूत व थीथी भाषां नवाइपिं मनूतय्‌गु हुल खः।

प्रकाश 18:19

ह्वाँय्‌ह्वाँय् ख्‍वख्‍वं छेनय् धू बुतुबुलाः नुगः मछिंकाः इपिं थथे धकाः हाल – “धिक्‍कार, धिक्‍कार, व तःधंगु शहर! समुद्रय् जहाज चले याइपिं फुक्‍कं वयागु धनं यानाः तःमि जुल। घौछिं हे व शहर नाश जुयाः वन।