यर्मिया 51:11 - नेवाः बाइबल

¹¹ “वाण च्‍वामुकि! ढालत का! परमप्रभुं मादीतय् जुजुपिन्‍त ग्‍वाकादीगु दु, छाय्‌धाःसा बेबिलोनयात नाश यायेगु हे वय्‌कःया बिचाः खः। परमप्रभुं बदला कयादी, थःगु देगःया निंतिं बदला।

यर्मिया 51:11 ပူးပေါင်းရင်းမြစ်များ

१ राजा 11:14

अबलय् परमप्रभुं एदोमी जुजु खलःयाम्‍ह एदोमी हददयात सोलोमनया शत्रु दय्‌कादिल।

१ राजा 11:23

हानं परमेश्‍वरं एल्‍यादाया काय् रेसोनयात सोलोमनया शत्रु यानादिल। व थः मालिक सोबाया जुजु हददेजेरपाखें बिस्‍युं वंम्‍ह खः।

१ इतिहास 5:26

उकिं परमेश्‍वरं अश्‍शूरयाम्‍ह जुजु पूलयात (थ्‍वयात तिग्‍लत-पिलेसेर धकाः नं धाः) ग्‍वाकादिल। वं रूबेन, गाद व मनश्‍शेया बच्‍छि कुलयापिं मनूतय्‌त ज्‍वना यंकल। वं इमित हलह, हाबोर, हारा व गोजान खुसिया सिथय् यंकल, अन इपिं थौं तक नं च्‍वनाच्‍वंगु दनि।

२ इतिहास 36:22

फारसया जुजु कोरेसया न्‍हापांगु दँय् यर्मियापाखें वःगु परमप्रभुया वचन पूरा जुइत परमप्रभुं फारस जुजुया नुगःयात ग्‍वाकादिल। अले वं थ्‍व आज्ञा च्‍वयाः देशन्‍यंक छ्वल –

एज्रा 1:1

फारसयाम्‍ह जुजु कोरेसया न्‍हापांगु दँय् यर्मिया अगमवक्तापाखें वःगु परमप्रभुयागु वचन पूवंकेत, परमप्रभुं फारसयाम्‍ह जुजु कोरेसया नुगःयात ग्‍वाकादिल। अथे जुयाः वं च्‍वयाः देशया फुक्‍क थासय् थ्‍व खँ घोषणा याकल।

यशैया 10:26

दक्‍व शक्ति दुम्‍ह परमप्रभुं ओरेबया तग्‍वःगु ल्‍वहं लिक्‍क मिद्यानीतय्‌त कय्‌काः क्‍वदय्‌कू थें वय्‌कलं इमित कोर्रां दाइतिनि। अले वय्‌कलं मिश्र देशय् थें थःगु कथि समुद्र च्‍वय् ल्‍ह्वनादी।

यशैया 21:2

जिं तसकं ग्‍यानापुगु दर्शन खनागु दु तसकं धोखा बीम्‍हं धोखा बी, लुतय् याइम्‍हय्‌सिनं लुतय् याइ। अय् एलाम, हमला या, अय् मादी, शहरयात घेरा लगय् या! बेबिलोनं ब्‍यूगु दुःखकष्‍ट परमप्रभुं दिकादी।

यशैया 21:5

इमिसं तेबिल मिलय् याइ। गलैंचा लाइ। अले नयेगु व त्‍वनेगु नं याइ। “अय् हाकिमत दं, ढालय् चिकं ति।”

यशैया 41:25

“जिं सुं छम्‍हय्‌सित उत्तरपाखें ल्‍ययागु दु अले व वइ। पुर्बं वयाः वं जिगु नां काइ। भ्‍यातनाःयात न्‍हुतुन्‍हू थें अले कुमालं चा न्‍हुतुन्‍हू थें वं शासकतय्‌त न्‍हुइ।

यशैया 45:1

“परमप्रभुं थम्‍हं अभिषेक यानादीम्‍ह कोरेसयात धयादी, जात जातितय्‌त त्‍याकेत, जुजुतय्‌गु ल्‍हातं अधिकार लाकाकायेत, शहर शहरया मू ध्‍वाखात चाय्‌केत व ध्‍वाखात वयागु विरोधय् गुबलें तीमफय्‌मा धकाः जिं वयात शक्ति बियागु दु, जि परमप्रभुं जुजु कोरेसयात थथे धाये,

यशैया 45:5

जि परमप्रभु खः, जि बाहेक मेपिं सुं नं परमेश्‍वर मदु। छं जितः नाला मकाःसां जिं छन्‍त बल्‍लाके।

यशैया 46:11

पुर्बं हमला याइम्‍ह पंक्षी सःते अले ताताःपाःगु देशं जिगु इच्‍छा पूवंकेगु निंतिं जिं छम्‍ह मनूयात सःते। जिं छु धयागु दु व जिं पूवंके। जिं छु योजना दय्‌कागु दु व जिं पूवंके।

यर्मिया 25:25

जिम्रीया, एलामया व मादीया सकलें जुजुपिन्‍त,

यर्मिया 46:3

“तःधंगु व चिधंगु ढालत तयार या! लडाइँया लागि न्‍ह्यज्‍या!

यर्मिया 46:4

सलया म्‍हय् लगाम च्‍यु! हे सलगइपिं, सल गयाः नँयागु तपुलि पुयाः थथःगु थासय् दँ! छिमिगु भाला च्‍वामुकि। छिमिगु म्‍हय् कवच फ्‍यु!

यर्मिया 46:9

अय् सल, न्‍ह्यज्‍या! अय् सारथीत, रथ याकनं ब्‍वाकि! अय् सिपाइँत, न्‍ह्यज्‍या! ढाल क्‍वबिपिं कूश व पूतयापिं मनूत, वाण बांलाक कय्‌के सःपिं लूदयापिं मनूत, वनाछ्व!

यर्मिया 50:25

परमप्रभुं थःगु ल्‍वाभःया धुकू चाय्‌कादीगु दु, अले थःगु तंया ल्‍वाभः पिकयादीगु दु। छाय्‌धाःसा दक्‍व शक्ति दुम्‍ह परमप्रभु परमेश्‍वरं बेबिलोनीतय्‌गु देशय् यायेमाःगु ज्‍या दु।

यर्मिया 50:3

छाय्‌धाःसा उत्तरपाखें छगू जातिं वयात हमला याइ, अले वयागु देशयात झिजांमिजां दंगुथाय् यानाबी। अन सुं च्‍वनी मखु, मनूत व पशुत निथिं बिस्‍युं वनी।”

यर्मिया 50:45

उकिं बेबिलोनया विरोधय् परमप्रभुं दय्‌कादीगु योजना। अले बेबिलोनीतय्‌गु देशया विरोधय् वय्‌कःया इच्‍छा छु दु न्‍यँ, बथांयापिं चिचीधिकःपिं फैया मस्‍तय्‌त घिसय् यानाः यंकी। इमिसं यानाः वं इमिगु घाँय्‌ख्‍यःयात भज्‍यंक नाश यानाबी।

यर्मिया 50:9

छाय्‌धाःसा स्‍व! जिं उत्तरयागु देशं ततःधंगु जातियात ग्‍वाकाः इमिगु पुचःयात बेबिलोनया विरोधय् हये। इमिसं बेबिलोनया विरोधय् लडाइँया लागि तयारी याइ, अले वयात उत्तरपाखें कब्‍जा याइ। इमिगु वाण बहादुर सिपाइँतय्‌गु थें जुइ, गुगु अथें लिहांवनी मखु।

यर्मिया 51:12

बेबिलोनया पःखाःया विरोधय् झण्‍डा ल्‍ह्वँ! पिवाःयात बल्‍लाकि! पिवाः च्‍वनीपिं मनूत ति! हमला यायेत सुला च्‍वनेगु थासय् मनूत ति! बेबिलोनयापिं मनूतय्‌गु विरोधय् परमप्रभुं आज्ञा बियादीगु दु। वय्‌कलं थःगु बिचाः पूवंकादी।

यर्मिया 51:24

“इमिसं सियोनय् याःगु फुक्‍क मभिंगु ज्‍याया कारणं जिं बेबिलोन व बेबिलोनियाय् च्‍वंपिं सकलें मनूतय्‌त छिमिसं खंक हे पलेसा बी,” परमप्रभुं धयादी।

यर्मिया 51:35

जितः व जिगु म्‍हयात गुलि क्‍वत्‍यल बेबिलोनय् च्‍वंपिन्‍त नं अथे हे क्‍वत्‍यलेमा।” “जिथाय् हि बाः वय्‌कूगुया दोष बेबिलोनय् च्‍वंपिन्‍त लायेमा।” यरूशलेमं धाइ।

यर्मिया 51:36

उकिं परमप्रभुं थथे धयादी, “स्‍व! जिं छंगु पंली अले छंगु निंतिं जिं हे बदला काये। जिं वयागु समुद्र सुकाबी, वयागु लःया मूल सुकाबी।

दानिएल 5:30

उखुन्‍हु चान्‍हय् बेबिलोनीतय् जुजु बेलसजरयात स्‍यात।

योएल 3:10

छिमिगु हलोया फालीतय्‌त दायाः तरवार दय्‌कि अले छिमिगु ईंचायात दायाः भाला दय्‌कि। बम्‍लाःपिन्‍सं थथे धायेमा, “जि बल्‍ला।”

योएल 3:9

जाति जातितय्‌गु दथुइ थथे धकाः घोषणा या, लडाइँ यायेत तयार जु! बहादुर सिपाइँतय्‌त न्‍यंकि! दक्‍व सिपाइँतय्‌त मुंकि अले हमला या।

लेवी 26:25

छिमिसं जिगु बाचा त्‍वथूगुलीं जिं धात्‍थें हे छिमित सजाँय बी, अले गुबलय् छिपिं थथःगु शहरय् मुनाच्‍वनी, जिं छिमिगु दथुइ ल्‍वय् छ्वया हये। छिमित शत्रुतय्‌गु ल्‍हातय् बी।

जकरिया 14:12

यरूशलेमलिसें लडाइँ याइपिं जातितय्‌थाय् परमप्रभुं छगू ग्‍यानापुगु ल्‍वय् हयाबी। इपिं दनाच्‍वंबलय् हे इमिगु म्‍हयागु ला ध्‍वग्‍गिनाः वनी। इमिगु मिखा इमिगु मिखा ग्‍वलय् हे ध्‍वग्‍गिनावनी अले इमिगु मे इमिगु म्‍हुतुइ ध्‍वग्‍गिनावनी।

जकरिया 14:2

जिं फुक्‍क जातितय्‌त यरूशलेमलिसे लडाइँ यायेत मुंके, अले व शहरयात काइ, छेँ पतिकं लुतय् याइ। अले मिस्‍तय्‌त बलात्‍कार याइ। शहरयापिं बच्‍छि मनूतय्‌त ज्‍वनाः विदेशय् यंकी। ल्‍यंदुपिं मनूत धाःसा शहरय् हे च्‍वनी।