यर्मिया 51:10 - नेवाः बाइबल

¹⁰ “‘परमप्रभुं झीत दोष मदुपिं ठहरय् यानादीगु दु। वा, झीसं परमप्रभु झी परमेश्‍वरं छु यानादीगु खः व सियोनय् कं वनेनु।’

यर्मिया 51:10 ပူးပေါင်းရင်းမြစ်များ

भजनसंग्रहया सफू 118:17

जि सी मखु, तर म्‍वानाच्‍वने, अले परमप्रभुं यानादीगु ज्‍याया खँ न्‍यंकाच्‍वने।

भजनसंग्रहया सफू 37:6

वय्‌कलं छंगु विश्‍वासयात जः थें अले छ सत्‍यम्‍ह खः धकाः न्‍हिनय्‌सिया निभाः थें क्‍यनादी।

भजनसंग्रहया सफू 64:9

मनूत सकलें ग्‍याइ। इमिसं परमेश्‍वरं यानादीगु ततःधंगु ज्‍या लुमंकी। अले वय्‌कलं यानादीगु ज्‍या कनाजुइ।

भजनसंग्रहया सफू 66:16

परमेश्‍वरया भय काइपिं फुक्‍कं वयाः न्‍यँ, जिं वय्‌कलं जिगु निंतिं छु छु यानादिल धकाः कने।

भजनसंग्रहया सफू 9:14

अले जिं सियोनया ध्‍वाखाय् च्‍वनाः छिगु प्रशंसाया खँ ल्‍हाये फइ। छिं जितः बचय् यानादीगुलिं जि लय्‌तायाच्‍वने।

यशैया 24:14

बचय्‌जूपिं लसतां म्‍ये हालाच्‍वनी। पच्‍छिमय् च्‍वनीपिन्‍सं परमप्रभुया तःधंगु महिमाया जयजय याइ!

यशैया 40:2

यरूशलेमया मनूतय्‌त साहस ब्‍यु। इमित धा, इमिसं ताःइलंनिसें सास्‍ती नयावयाच्‍वंगु दु। आः इमिगु पाप क्षमा जूगु दु, इमिगु पापया लागिं जिं इमित पूरा सजाँय बियागु दु।

यशैया 51:11

परमप्रभुं मू पुलाः छुत्‍कारा यानादीपिं हाकनं लिहां वइतिनि। इपिं सियोनय् म्‍ये हा हां दुहां वइ, अले इमिगु छ्यंया श्रीपेच न्‍ह्याबलेंया निंतिं लसता जुइ। इमिसं खुसि व लसता कायेखनी। अले दुखं व झसुका इपिंपाखें तापाक हे जुइ।

यर्मिया 50:28

परमप्रभु झी परमेश्‍वरं वय्‌कःया देगःया निंतिं गय् यानाः बदला कयादिल धकाः सियोनय् घोषणा याइपिं बेबिलोन देशं बिस्‍युं वःपिं व शरण काःवपिनिगु खँ न्‍यँ!

यर्मिया 50:45

उकिं बेबिलोनया विरोधय् परमप्रभुं दय्‌कादीगु योजना। अले बेबिलोनीतय्‌गु देशया विरोधय् वय्‌कःया इच्‍छा छु दु न्‍यँ, बथांयापिं चिचीधिकःपिं फैया मस्‍तय्‌त घिसय् यानाः यंकी। इमिसं यानाः वं इमिगु घाँय्‌ख्‍यःयात भज्‍यंक नाश यानाबी।