यर्मिया 50:9 - नेवाः बाइबल

⁹ छाय्‌धाःसा स्‍व! जिं उत्तरयागु देशं ततःधंगु जातियात ग्‍वाकाः इमिगु पुचःयात बेबिलोनया विरोधय् हये। इमिसं बेबिलोनया विरोधय् लडाइँया लागि तयारी याइ, अले वयात उत्तरपाखें कब्‍जा याइ। इमिगु वाण बहादुर सिपाइँतय्‌गु थें जुइ, गुगु अथें लिहांवनी मखु।

यर्मिया 50:9 ပူးပေါင်းရင်းမြစ်များ

२ शमूएल 1:22

“सीधुंकूपिनिगु हिपाखें व बल्‍लाःपिनिगु म्‍हपाखें जोनाथनया धनुष वाण गुबलें लिहां वइ मखु। शाऊलया तरवार मस्‍याय्‌कं गुबलें दापय् लिहां वइ मखु।”

श्रेष्‍ठगीत 3:8

इपिं फुक्‍कसिनं तरवार घानातःगु दु, इपिं तसकं लडाइँ यायेफुपिं खः, इमिगु तरवार सिथय् घानाः तःगु दु, इपिं चान्‍हय्‌या भयनापं सामना यायेत तयार दु।

यशैया 21:2

जिं तसकं ग्‍यानापुगु दर्शन खनागु दु तसकं धोखा बीम्‍हं धोखा बी, लुतय् याइम्‍हय्‌सिनं लुतय् याइ। अय् एलाम, हमला या, अय् मादी, शहरयात घेरा लगय् या! बेबिलोनं ब्‍यूगु दुःखकष्‍ट परमप्रभुं दिकादी।

यशैया 41:25

“जिं सुं छम्‍हय्‌सित उत्तरपाखें ल्‍ययागु दु अले व वइ। पुर्बं वयाः वं जिगु नां काइ। भ्‍यातनाःयात न्‍हुतुन्‍हू थें अले कुमालं चा न्‍हुतुन्‍हू थें वं शासकतय्‌त न्‍हुइ।

यर्मिया 15:14

जिं छिमित छिमिसं म्‍हमस्‍यूगु देशय् छिमि शत्रुतय्‌गु दास यानाबी। छाय्‌धाःसा जिगु तमं छगू मि च्‍याकी, गुगु छंगु विरोधय् च्‍याइ।”

यर्मिया 25:14

छाय्‌धाःसा यक्‍व जातिं व ततःधंपिं जुजुपिन्‍सं इमित दास दय्‌की। जिं इमिगु ज्‍या व ल्‍हाःया ज्‍याकथं इमित फल बी।”

यर्मिया 25:26

अले उत्तरपाखे सत्तीक व तापाक च्‍वंपिं सकलें जुजुपिन्‍त छकलं त्‍वंका, थुकथं पृथ्‍वीइ दुगु फुक्‍क राज्‍यया फुक्‍क मनूतय्‌त त्‍वंके बिया। इमिगु लिपा बेबिलोनयाम्‍ह जुजुं नं त्‍वनी।

यर्मिया 50:14

“हे धनुष वाण चले याइपिं सकलें बेबिलोनया प्‍यखेरं लडाइँया लागि तयार जुयाच्‍वँ! छपु नं वाण मल्‍यंक वयात कय्‌कि! छाय्‌धाःसा वं परमप्रभुया विरोधय् पाप याःगु दु।

यर्मिया 50:21

“मरातैम देश व पकोदय् च्‍वंपिन्‍त हमला या। इमित ल्‍यू, स्‍या अले इमित भज्‍यंक नाश या,” परमप्रभुं धयादी। “जिं छिमित आज्ञा बियागु फुक्‍क या!

यर्मिया 50:26

ताताःपाःगु थासं वयाथाय् वा! वयागु अन्‍नया धुकू तछ्यानाः चाय्‌कि! वयात अन्‍नया द्वँ थें द्वँचिंकाब्‍यु! वयात भज्‍यंक नाश यानाब्‍यु! अले वयागु छुं नं ल्‍यं मदय्‌मा!

यर्मिया 50:29

“धनुष वाणं कय्‌किपिं सकलें मनूतय्‌त बेबिलोनया विरोधय् सःता हजि। वया प्‍यखेरं छाउनी तयाः घेरय् या, सुं नं बिस्‍युं वने मफयेमा। वयागु ज्‍या स्‍वयाः वयात बदला ब्‍यु! वं गथे याःगु दु, वयात अथे हे या! छाय्‌धाःसा वं इस्राएलया पवित्र परमेश्‍वरयात मभिंका खँ ल्‍हाःगु दु।

यर्मिया 50:3

छाय्‌धाःसा उत्तरपाखें छगू जातिं वयात हमला याइ, अले वयागु देशयात झिजांमिजां दंगुथाय् यानाबी। अन सुं च्‍वनी मखु, मनूत व पशुत निथिं बिस्‍युं वनी।”

यर्मिया 51:11

“वाण च्‍वामुकि! ढालत का! परमप्रभुं मादीतय् जुजुपिन्‍त ग्‍वाकादीगु दु, छाय्‌धाःसा बेबिलोनयात नाश यायेगु हे वय्‌कःया बिचाः खः। परमप्रभुं बदला कयादी, थःगु देगःया निंतिं बदला।