यर्मिया 50:8 - नेवाः बाइबल

⁸ “बेबिलोनं बिस्‍युं हुँ! बेबिलोनीतय्‌गु देश त्‍वःति, अले थःगु बथांयात लँ क्‍यनीपिं दुगुचात थें जु!

यर्मिया 50:8 ပူးပေါင်းရင်းမြစ်များ

हितोपदेश 30:31

फुर्ति दुम्‍ह ग्‍वंगः, दुगुचा व सिपाइँत जवंखवं तयाः जुइम्‍ह जुजु।

यशैया 48:20

बेबिलोनं पिहां वा! बेबिलोनीतय्‌गु दथुं बिस्‍युं वा! लय्‌तातां तसलं थ्‍व खँ घोषणा या! पृथ्‍वीया कुन्‍चाय् थ्‍यंक च्‍वंपिन्‍त थ्‍व खँ न्‍यंकि! छिमिसं थथे धा, “परमप्रभुं थः दास याकूबयात त्‍वःतकादीगु दु।”

यशैया 52:1

दँ, दँ, हे सियोन! छं बल व शक्तियात लं थें फ्‍यु! हे पवित्र शहर, यरूशलेम, थःगु महिमां जाःगु वसः फ्‍यु। थनिंनिसें म्‍हय् चिं मतःपिं व अशुद्धपिं छन्‍थाय् दुहां वइ मखु।

यशैया 52:11

हुँ, थनं हुँ, कैदं पिहां हुँ, छुं नं अशुद्धगु थलबल थी मते! हे परमप्रभुया थल ज्‍वनीपिं, अनं पिहां वा, अले थःत शुद्ध या!

यर्मिया 51:45

“हे जिमि मनूत, वयागु दथुं पिहां वा! सकलें थथःगु ज्‍यान बचय् यायेत ब्‍वाँय् हुँ! परमप्रभुयागु ग्‍यानापुगु तंपाखें बिस्‍युं हुँ!

यर्मिया 51:6

“बेबिलोनं बिस्‍युं हुँ! सकलें थथःगु ज्‍यान बचय् यायेत बिस्‍युं हुँ! वयागु पापया कारणं छिपिं नाश जुइ मते। थ्‍व जिगु बदला कायेगु ई खः, वय्‌कलं वयात वं फयेमाःगु सजाँय बियादी।

जकरिया 2:11

“उखुन्‍हु यक्‍व जातित परमप्रभुलिसे मिलय् जुइ अले जिम्‍ह मनूत जुइ। जि छिमिगु हे दथुइ च्‍वने। थुकिं यानाः छिमिसं दक्‍व शक्ति दुम्‍ह परमप्रभुं हे जितः छिमिथाय् छ्वयाहयादीगु खः धकाः सी।

गन्‍ती 16:26

खलःयात वं ख्‍याच्‍वः बिल, “थुपिं मभिंपिं मनूतय्‌गु पालपाखें तापाक्‍क च्‍वँ। अले इमिगु छुं नं थी मते, मखुसा इमिगु पापया हुनिं छिपिं नं मदयावनी।”

२ कोरिन्‍थी 6:17

अले हानं प्रभुं थथे धयादीगु दु – “छिपिं इमिगु पुचलं पिहां वा, अले छखे च्‍वँ। अशुद्ध खँ थी मते। अले जिं छिमित थः मनू याये।

प्रकाश 18:4

अले जिं स्‍वर्गं थथे धयाहःगु मेगु सः ताल – “जि यःपिं मनूत, वयाथासं पिहां वा। मवल धाःसा छिमिसं नं व नाप व्‍यभिचार याइ। वलिसे पाप याये मते, मखुसा छिमिसं वलिसे तुं सजाँय फयेमाली।