यर्मिया 50:37 - नेवाः बाइबल

³⁷ वया सलत व रथत व वया दथुइ दुपिं विदेशी सिपाइँतय्‌गु विरोधय् छपु तरवार! इपिं मिस्‍त थें बमलाइ। वयागु धन सम्‍पत्तिया विरोधय् छपु तरवार चलय्‌ जुइ, इमित लुतय् याइ।

यर्मिया 50:37 ပူးပေါင်းရင်းမြစ်များ

भजनसंग्रहया सफू 46:9

वय्‌कलं संसारया फुक्‍क थासय् लडाइँ दिकादी। वय्‌कलं धनुष व भाला त्‍वथुलादी। अले ढालयात मिइ छ्वय्‌काबी।

भजनसंग्रहया सफू 76:6

हे याकूबया परमेश्‍वर! छिं छकः हक्‍कूबलय् इमि फुक्‍क सल व सल गयाः वःपिं सीपिं थें जुल।

यशैया 19:16

व दिंखुन्‍हु मिश्रीत मिसात थें कमजोर जुइ। दक्‍व शक्ति दुम्‍ह परमप्रभुं इमित सजाँय बीत ल्‍हाः ल्‍ह्वनादीगु खनाः मिश्रीत तसकं ग्‍यानाः थरथर खाइ।

यशैया 45:3

जिं छन्‍त सुनानं मखंथाय् सुचुका तयागु धन-सम्‍पत्ति बी। अले छन्‍त छंगु नां कयाः सःताम्‍ह परमप्रभु इस्राएलया परमेश्‍वर जि हे खः धकाः छं सी,

यर्मिया 25:20

अले अन दुपिं फुक्‍क विदेशी मनूतय्‌त व ऊज देशयापिं सकलें जुजुपिन्‍त, पलिश्‍तीतय् सकलें जुजुपिन्‍त, (अश्‍कलोन, गाजा व एक्रोन, अले अश्‍दोदया म्‍वानाच्‍वंपिन्‍त),

यर्मिया 25:24

अरब देशयापिं सकलें जुजुपिन्‍त व मरुभूमिइ च्‍वंपिं विदेशीतय् सकलें जुजुपिन्‍त,

यर्मिया 48:41

किर्योतयात कब्‍जा याइ, अले किल्‍लात अधिकार याइ। उखुन्‍हु मोआबया सिपाइँतय्‌गु नुगः मचाबू ब्‍यथा जूम्‍ह मिसाया नुगः थें जुइ।

यर्मिया 50:10

अथे जुयाः बेबिलोनयात लुटपाट याइ, इमित लुतय् याइपिं सकसिके गाक्‍क दइ,” परमप्रभुं धयादी।

यर्मिया 50:26

ताताःपाःगु थासं वयाथाय् वा! वयागु अन्‍नया धुकू तछ्यानाः चाय्‌कि! वयात अन्‍नया द्वँ थें द्वँचिंकाब्‍यु! वयात भज्‍यंक नाश यानाब्‍यु! अले वयागु छुं नं ल्‍यं मदय्‌मा!

यर्मिया 51:21

छपाखें जिं सल व सल गयाः वःम्‍हय्‌सित छपाखें जिं रथ व रथ चलय् याइपिन्‍त चुंचुं याये।

यर्मिया 51:22

छपाखें जिं मिजं व मिसायात चुंचुं याये। छपाखें जिं बुरापिं व ल्‍याय्‌म्‍हपिन्‍त चुंचुं याये। छपाखें जिं ल्‍याय्‌म्‍हपिं व ल्‍यासेपिन्‍त चुंचुं याये।

यर्मिया 51:30

बेबिलोनया सिपाइँतय्‌सं लडाइँ यायेगु त्‍वःतूगु दु। इपिं ला थथःगु किल्‍ला दुने हे च्‍वनीगु। इमिगु बल कम जुइ धुंकल। इपिं मिस्‍त थें जूगु दु। इमिगु च्‍वनीगु थाय् मिं नकाबी धुंकल, उकिया ध्‍वाखाया गजबारत त्‍वथुलाबी धुंकल।

यर्मिया 51:4

इमित बेबिलोनय् स्‍याइ। उकिया गल्‍लि गल्‍लिइ इपिं सी थें च्‍वंक घाःपाः जुइ।

इजकिएल 30:5

“‘कूश, पूत, लूद व सारा अरब देश, कूब व बाचा चिनातःगु देशयापिं मनूतय्‌त मिश्र देशयापिं मनूतनापं तरवारं स्‍याइ।

इजकिएल 39:20

जिगु टेबिलय् सलत व सलगइपिं, बल्‍लाःपिं मनूत व सिपाइँत फुक्‍क कथंयापिं मनूत नयाः छिमिगु प्‍वाः जाइ, परमप्रभु परमेश्‍वरं धयादी।’

नहूम 2:13

दक्‍व शक्ति दुम्‍ह परमप्रभुं धयादी, “जि छंगु विरोधय् दु। जिं छंगु रथतय्‌त च्‍याकाबी अले अन कुँया कुं जुइ, अले ल्‍याय्‌म्‍ह सिंहतय्‌त तरवारं स्‍याइ। जिं छंगु निंतिं पृथ्‍वीइ शिकार त्‍वःते मखु। अले छन्‍त खबर हइम्‍हय्‌सिया सः आवंलि न्‍यनेदइ मखु।”

नहूम 3:13

छंगु सिपाइँत बल्‍लाइ मखु व ग्‍वाहालि मदुपिं मिसात थें जूगु दु। छंगु देशया मू ध्‍वाखात शत्रुतय्‌गु निंतिं चालाच्‍वंगु दु। ध्‍वाखाया गजबारत मिं नःगु दु।

हाग्‍गै 2:22

जिं राज्‍य राज्‍यया गद्दी फातापुइकाबी व देश देशतय्‌गु शक्ति मदय्‌काबी। जिं रथ व उकी च्‍वनावइपिं सिपाइँतय्‌त फातापुइकाबी। सलत क्‍वदइ अले इमि सल गयावइपिन्‍सं छम्‍हय्‌सिनं मेम्‍हय्‌सित स्‍याइ।