यर्मिया 50:35 - नेवाः बाइबल

³⁵ “बेबिलोनीतय्‌गु विरोधय् छपु तरवार!” परमप्रभुं धयादी, “बेबिलोनय् च्‍वंपिनिगु विरोधय् अले वया हाकिमत व बुद्धि दुपिं मनूतय्‌गु विरोधय्।

यर्मिया 50:35 ပူးပေါင်းရင်းမြစ်များ

यर्मिया 47:6

“छिमिसं ख्‍वख्‍वं धाइ, ‘हे परमप्रभुया तरवार, छं गुबलय् आराम कायेगु? छ थःगु दापय् लिहां हुँ, छ सुम्‍क च्‍वँ।’

होशे 11:6

इमिगु शहरय् लडाइँ जुइ, इमिगु मू ध्‍वाखात स्‍यंकाबी, अले इमिगु योजनायात नाश यानाबी।

दानिएल 5:30

उखुन्‍हु चान्‍हय् बेबिलोनीतय् जुजु बेलसजरयात स्‍यात।

यर्मिया 51:57

जिं इमि हाकिमत, अले बुद्धि दुपिं मनूतय्‌त काय्‌काबी, वया बडा-हाकिमत, हाकिमत व सिपाइँतय्‌त नं। इपिं न्‍ह्याबलेंया निंतिं द्यनी अले दनी मखु,” परमप्रभुं धयादी गुम्‍हय्‌सिगु नां दक्‍व शक्ति दुम्‍ह परमप्रभु खः।

जकरिया 11:17

बथां त्‍वःतावंपिं ज्‍यालगय् मजूपिं जवाःतय्‌त धिक्‍कार! वयागु ल्‍हाः व जव मिखाय् तरवार लाइ। वयागु ल्‍हाः गनावनी अले वयागु जव मिखा कां जुइ।

इजकिएल 14:2

परमप्रभुयागु थ्‍व वचन जिथाय् वल,

यर्मिया 51:39

इपिं दने धुंकाः जिं इमिगु निंतिं छगू भ्‍वय् तयार याये। अले इमित काय्‌के, अले इपिं न्‍हिलाः चिल्‍लाय् दनाः हाली अले सदांयात द्यनी। इपिं गुबलें दनी मखु,” परमप्रभुं धयादी।

यर्मिया 50:30

उकिं वया ल्‍याय्‌म्‍हपिं मिजंतय्‌त वयागु लँय् स्‍याइ। वया सकलें सिपाइँत उखुन्‍हु सुम्‍क च्‍वनी,” परमप्रभुं धयादी।

यर्मिया 50:27

वया फुक्‍क द्वहंचात स्‍यानाब्‍यु! उपिं स्‍याइगु थासय् यंकेमाः! इमित धिक्‍कार दु! छाय्‌धाःसा इमिगु दिं वःगु दु। इमित सजाँय बीगु ई थ्‍यंकः वल।

यर्मिया 10:7

हे जाति जातिया जुजु, सुनां छितः हनाबना मयाइ? छाय्‌धाःसा छि हनाबना यायेमाःम्‍ह खः। जाति जातिया बुद्धि दुपिं मनूत वा इमि जुजुपिं मध्‍ये छि थें जाःम्‍ह सुं नं मदु।

यर्मिया 8:9

बुद्धि दुपिं मछालेमाली, इमिगु नुगः क्‍वतुनी, अले इमित ज्‍वनी। इमिसं परमप्रभुया वचनयात त्‍वःतूगु दु, इमिके गज्‍याःगु बुद्धि दु?

यशैया 66:16

मि व तरवारपाखें परमप्रभुं फुक्‍क मनूतय्‌गु न्‍याय यानादी, अले परमप्रभुपाखें सीपिं यक्‍व हे दइ।

यशैया 44:25

“गुम्‍हय्‌सिनं मखुपिं अगमवक्तातय्‌गु चिं स्‍यंकाबी। गुम्‍हय्‌सिनं बुद्धिमानतय्‌गु खँयात ज्‍यालगय् मजुइकाबी। अले इमिगु ज्ञानया मूर्खतायात क्‍यनादी।

यशैया 41:25

“जिं सुं छम्‍हय्‌सित उत्तरपाखें ल्‍ययागु दु अले व वइ। पुर्बं वयाः वं जिगु नां काइ। भ्‍यातनाःयात न्‍हुतुन्‍हू थें अले कुमालं चा न्‍हुतुन्‍हू थें वं शासकतय्‌त न्‍हुइ।

यशैया 29:14

अथे जुयाः जिं हाकनं छकः थ्‍व जातिया दथुइ तसकं अजू चायापुगु ज्‍या यानाः छक्‍क यानाबी, अले जिं ज्ञानीपिनिगु ज्ञानयात नाश यानाबी, अले बुद्धिमानतय्‌गु बुद्धियात ज्‍यालगय् मजुइकाबी।”

लेवी 26:25

छिमिसं जिगु बाचा त्‍वथूगुलीं जिं धात्‍थें हे छिमित सजाँय बी, अले गुबलय् छिपिं थथःगु शहरय् मुनाच्‍वनी, जिं छिमिगु दथुइ ल्‍वय् छ्वया हये। छिमित शत्रुतय्‌गु ल्‍हातय् बी।

यशैया 45:1

“परमप्रभुं थम्‍हं अभिषेक यानादीम्‍ह कोरेसयात धयादी, जात जातितय्‌त त्‍याकेत, जुजुतय्‌गु ल्‍हातं अधिकार लाकाकायेत, शहर शहरया मू ध्‍वाखात चाय्‌केत व ध्‍वाखात वयागु विरोधय् गुबलें तीमफय्‌मा धकाः जिं वयात शक्ति बियागु दु, जि परमप्रभुं जुजु कोरेसयात थथे धाये,

यर्मिया 51:47

छाय्‌धाःसा जिं बेबिलोनया मूर्तितय्‌त सजाँय बीगु ई धात्‍थें वइ, वयागु फुक्‍क देश लज्‍याय् लाइ, अले वया स्‍याःपिं फुक्‍क अन हे लानाच्‍वनी।