यर्मिया 50:25 - नेवाः बाइबल

²⁵ परमप्रभुं थःगु ल्‍वाभःया धुकू चाय्‌कादीगु दु, अले थःगु तंया ल्‍वाभः पिकयादीगु दु। छाय्‌धाःसा दक्‍व शक्ति दुम्‍ह परमप्रभु परमेश्‍वरं बेबिलोनीतय्‌गु देशय् यायेमाःगु ज्‍या दु।

यर्मिया 50:25 ပူးပေါင်းရင်းမြစ်များ

भजनसंग्रहया सफू 45:3

हे दकले बल्‍लाःम्‍ह जुजु! थःगु महिमा व प्रतापनापं थःगु तरवार जँय् घानादिसँ।

भजनसंग्रहया सफू 45:5

छिगु च्‍वामुगु वाणं छिकपिनि शत्रुतय्‌गु नुगलय् सुइ मा! जाति जातियापिन्‍सं छिगु तुतिइ भ्‍वपुइमा!

यशैया 13:15

नापलाक्‍व फुक्‍क मनूतय्‌त भालां सुयाः स्‍याइगु जुइ अले ज्‍वंपिं फुक्‍कसित तरवारं पाला स्‍याइगु जुइ।

यर्मिया 50:15

वयागु प्‍यखेरं च्‍वनाः तःसलं हा! वं थःत लःल्‍हाइ। वयागु धरहरात क्‍वःदली, वयागु पःखाःयात थुनाबी। वयात बदला का, छाय्‌धाःसा परमप्रभुया बदला थ्‍व हे खः। वं मेपिन्‍त गथे यात वयात नं अथे हे या।

यर्मिया 51:20

“हे बेबिलोन, छ जिगु लडाइँया कथि, जिगु लडाइँया ल्‍वाभः जुइमा। छपाखें जिं जातितय्‌त चुंचुं याये। छपाखें हे जिं राज्‍य राज्‍ययात नाश याये।

यर्मिया 51:25

“हे नाश याइगु पहाड, गुगु फुक्‍क पृथ्‍वीयात नाश याइगु खः, स्‍व! जि हे छंगु विरोधय् दु,” परमप्रभुं धयादी, “अले जिं थःगु ल्‍हाः छंगु विरोधय् न्‍ह्यज्‍याके। छन्‍त भीरं क्‍वय् क्‍वफानाबी, अले छन्‍त मिं नःगु पहाड यानाबी।

यर्मिया 51:55

परमप्रभुं बेबिलोनयात नाश यानादीत्‍यंगु दु, वय्‌कलं वयागु हाःसःयात बन्‍द यानादी। शत्रुतय्‌गु लबुतय्‌सं समुद्रं थें तं क्‍यनी। इपिं गर्जय् जूगु सः लिथ्‍वयाच्‍वंगु दु।

आमोस 3:6

गुगुं शहरय् लडाइँया तुरही पुइबलय् मनूत मग्‍याइ ला? परमप्रभुं मछ्वतले छु गुगुं शहरय् विपत्ति वइ ला?

प्रकाश 18:8

उकिं छन्‍हुं हे वयात ल्‍वय्, दुःख, आपत, अले अनिकाल वइ। अले वयात मिइ उनाछ्वइ, छाय्‌धाःसा वयात न्‍याय यानादीम्‍ह परमप्रभु परमेश्‍वर शक्ति दुम्‍ह खः।”