यर्मिया 50:20 - नेवाः बाइबल

²⁰ परमप्रभुं धयादी, “उपिं दिनय्, उगु इलय् इस्राएलया अपराधयात माली, तर छगू नं लुइ मखु, अले यहूदाया पाप नं माली तर छगू नं लुइ मखु। छाय्‌धाःसा जिं बचय् यानातयागु ल्‍यं दुगु ब्‍वयात जिं क्षमा याये।”

यर्मिया 50:20 ပူးပေါင်းရင်းမြစ်များ

भजनसंग्रहया सफू 103:12

पच्‍छिमं पुर्ब गुलि तापाः उलि हे तापाक वय्‌कलं झीगु पाप झीपाखें चीकाछ्वयादी।

भजनसंग्रहया सफू 17:3

छिं चान्‍हय् जिगु बिचाःयात वालाः स्‍वयादीगु दु। अले जिगु नुगःयात दुवालादीगु दु। छिं जितः बांलाक जाँचय् यानादीगु दु। अले जिगु छुं दोष मदु धकाः सीकादीगु दु। जिगु म्‍हुतुं मखुगु व मभिंगु खँ पिहां वइ मखु धकाः जितः विश्‍वास दु।

भजनसंग्रहया सफू 85:3

छिं थःगु तं छखे चीकादीगु दु। छि थःगु तःधंगु तंपाखें लिहां झाःगु दु।

यशैया 1:9

“दक्‍व शक्ति दुम्‍ह परमप्रभुं झीत सन्‍तान ल्‍यंका मदीगु जूसा सदोम व गमोरायागु गति जू थें तुं झीगु नं अथे हे गति जुइगु खः।”

यशैया 10:21

इस्राएलया कम मनूत जक दक्‍व शक्ति दुम्‍ह परमेश्‍वरयाथाय् लिहां वइ।

यशैया 33:24

सियोनय् च्‍वनीपिं सुनानं “जि म्‍हंमफु” धकाः धाइ मखु अले अन च्‍वनीपिं मनूतय्‌गु पाप क्षमा याइ।

यशैया 43:25

“जि, जि व हे खः, गुम्‍हय्‌सिनं छंगु अपराध थःगु हे लागिं क्षमा यानाबी, जिं छंगु पाप गुबलें लुमंके मखु।

यशैया 44:22

जिं छंगु अपराधत सुपाँय् थें अले छंगु पाप सुथय्‌या खसु थें चीकाछ्वयागु दु। जिथाय् लिहां वा, छाय्‌धाःसा जिं छन्‍त उद्धार यानागु दु।”

यर्मिया 31:34

‘प्रभुयात म्‍हसीकी’ धकाः इमिसं थः जःलाखःलापिन्‍त व दाजुकिजापिन्‍त नं स्‍यना जुइ माली मखु, छाय्‌धाःसा चिधिकःपिन्‍संनिसें कयाः तःधिकःपिन्‍सं तकं जितः म्‍हसी। इमिसं याःगु मभिंगु बांमलाःगु ज्‍याखँ फुक्‍कं जिं क्षमा यानाबी। अले इमिगु पाप नं जिं लुमंके मखु,” परमप्रभुं धयादी।

यर्मिया 33:15

“‘व दिंखुन्‍हु, जिं दाऊदया वंशपाखें छगू धर्मी कचायात पिकाय्। उम्‍ह जुजुं देशन्‍यंक भिंगु व न्‍याययागु ज्‍या याइ।

यर्मिया 33:8

जिं इमित इमिसं जिगु विरोधय् याःगु फुक्‍क अधर्म व पापपाखें शुद्ध याये। जिगु विरोधय् विद्रोही जुयाः याःगु इमिगु फुक्‍क पाप जिं क्षमा यानाबी।

यर्मिया 44:14

मिश्र देशय् च्‍वंवंपिं यहूदाया ल्‍यनाच्‍वंपिं छम्‍ह नं म्‍वानाच्‍वनी मखु, न बचय् जुइ। इमिसं यहूदा देशय् हे लिहां वयाः अन च्‍वने मास्‍ति वय्‌कूसां छुं शरण काःवपिं बाहेक इपिं छम्‍ह नं लिहां वयेखनी मखु।”

यर्मिया 50:4

“उपिं दिनय्, उगु इलय् इस्राएलया मनूत व यहूदाया मनूत नापनापं ख्‍वख्‍वं थः परमप्रभु परमेश्‍वरयात माःवनी,” परमप्रभुं धयादी।

विलाप 4:22

हे म्‍ह्याय् सियोन, छंगु अधर्मया सजाँय सिधल, हाकनं गुबलें छन्‍त देशं पितिना छ्वयादी मखु। तर हे म्‍ह्याय् एदोम, वय्‌कलं छंगु अधर्मया दण्‍डया सजाँय छन्‍त बियादी, अले छंगु पाप क्‍यनादी।

इजकिएल 18:22

वं याःगु छुं नं अपराध वयागु विरोधय् लुमंकीगु जुइ मखु। वं धर्म याःगुलिं व म्‍वाइ।

मीका 7:19

छिं जिमित हानं दयामाया यानादी, छिं जिमिगु पापयात तुतिं न्‍हुयादी, अले जिमिगु अधर्म तज्‍जाःगु समुद्रय् वान्‍छ्वयादी।

सपन्‍याह 3:12

तर जिं छंगु दथुइ क्‍वमिलु व चिधंपिं मनूत त्‍वःता तये सुनां परमप्रभुया नामय् भलसा काइ।

जकरिया 3:9

यहोशूया न्‍ह्यःने जिं तयागु ल्‍वहंयात स्‍व। उकी न्‍हय्‌गः मिखा दु। आः ला जिं उकी आखः कियाबी।’ दक्‍व शक्ति दुम्‍ह परमप्रभुं धयादी, ‘अले छन्‍हुं हे थ्‍व देशयागु पाप चीकाबी।’”

गन्‍ती 23:21

याकूबय् छुं मभिंगु खने मदु। अले इस्राएलय् छुं दुःख खने मदु। परमप्रभु इमि परमेश्‍वर इपिं नापं दी, इमिसं इमि जुजुया जय जुइमा धकाः च्‍वय्‌काच्‍वंगु दु।

प्रेरित 3:19

अय्‌जूगुलिं पश्‍चाताप यानाः छिकपिं परमेश्‍वरयाथाय् लिहांझासँ, अले वय्‌कलं छिकपिनिगु पाप हुयाछ्‌वयादी।

प्रेरित 3:26

परमेश्‍वरं सी धुंकूम्‍ह थःकाय्‌यात हानं म्‍वाकाः न्‍हापालाक छिकपिन्‍थाय् छ्वयाहयादिल। छिकपिन्‍त पापया ज्‍यां लिचिकाः आशिष बीत थथे यानादीगु खः।”

रोमी 11:6

थथे दया मायां जूगु खः, ज्‍यां मखु, मखुसा दया माया दया माया हे जुइ मखु।

रोमी 5:16

अले हानं सितिं बियादीगु वरदान आदमं याःगु पाप थें मखु। छम्‍ह मनुखं याःगु पापं यानाः यक्‍व मनूतय्‌त दोषी ठहरय् यात धाःसा छम्‍ह मनुखं हःगु उद्धारं नं यक्‍व मनूतय्‌त धर्मी ठहरय् यात।

रोमी 6:13

शरीरय् च्‍वंगु छुनं म्‍हब्‍वयात छिमिसं पापी ज्‍या यायेगु ज्‍याभः याये मते। सिनाः हानं म्‍वाके धुंकूपिं मनूत जूगुलिं छिपिं थथःम्‍ह हे परमेश्‍वरं धाःथें मानय् जुयाच्‍वनेमाः। अले छिमिगु शरीरया म्‍हब्‍वत भिंगु ज्‍याखँ यायेगु ज्‍याभःकथं परमेश्‍वरयात देछाया ब्‍यु।

२ पत्रुस 3:15

थौं तक झाया मदिसे प्रभु पियाच्‍वनादीगु पापी मनूत बचय् जुइमा धकाः खः। झी यःम्‍ह किजा पावलं नं परमेश्‍वरपाखें बुद्धि कयाः थ्‍व हे खँ च्‍वयातःगु खः।