यर्मिया 50:18 - नेवाः बाइबल

¹⁸ उकिं, दक्‍व शक्ति दुम्‍ह परमप्रभु, इस्राएलया परमेश्‍वरं थथे धयादी, “जिं थःम्‍हं हे अश्‍शूरयाम्‍ह जुजुयात सजाँय बियागु थें बेबिलोनयाम्‍ह जुजु व वयागु देशयात सजाँय बी।

यर्मिया 50:18 ပူးပေါင်းရင်းမြစ်များ

यशैया 10:12

परमप्रभुं सियोन पर्वत व यरूशलेमया विरोधय् थःगु फुक्‍क ज्‍या यानादी धुंकाः वय्‌कलं धयादी, “जिं अश्‍शूरया जुजुया नुगःया तःधंसू व घमण्‍डी मिखाया निंतिं सजाँय बी।

यर्मिया 27:7

वयागु थःगु जाति पतन जुइगु ई मवतले थ्‍व फुक्‍क जातिं वयागु, वया काय्‌यागु व वया छय्‌यागु सेवा याइ। अनंलि यक्‍व जाति व ततःधंपिं जुजुपिन्‍सं वयात थःगु बसय् तइ।

यर्मिया 46:10

तर व दिं प्रभु, दक्‍व शक्ति दुम्‍ह परमप्रभुया दिं खः, बदला काइगु दिं, थः शत्रुतय्‌त बदला काइगु दिं। लुमधंतले तरवारं नाश याइ, हि त्‍वनाः वं प्‍याःचाः लंकी। छाय्‌धाःसा उत्तरयागु देशय्, यूफ्रेटिस खुसि सिथय्, प्रभु, दक्‍व शक्ति दुम्‍ह परमप्रभुं बलि छानादी।

नहूम 3:18

अय् अश्‍शूरया जुजु, छं फैजवाःत ला न्‍ह्यः वय्‌काच्‍वंगु दु, छं भारदारत ला आराम यानाच्‍वनी, छं मनूत ला पहाड पर्वतय् थुखेला उखेला जुइ धुंकल, इमित छथाय् मुंकीम्‍ह सुं हे मदु।

नहूम 3:7

छन्‍त खंपिं मनूत छपाखें बिस्‍युं वनी अले धाइ, ‘निनवे ला नाश जुइ धुंकल। वयागु निंतिं सु दुखं च्‍वनी?’ छन्‍त सान्‍त्‍वना बिइम्‍ह गन दु?”

हबकूक 2:8

छं जात जातितय्‌त लुतय् याःगु दु, अथे जुयाः ल्‍यंदुपिं मनूतय्‌सं छन्‍त लुतय् याइ। छं मनूतय्‌गु हि हाय्‌कूगु दु, अले छं देशत व शहरत व उकी च्‍वंपिं दक्‍वसित भज्‍यंक नाश याःगु दु।

व्‍यवस्‍था 32:41

जिं थःगु थीगु तरवार ज्‍वय्‌केबलय् अले न्‍यायया लागि जिगु ल्‍हातिं ज्‍वनीबलय् जिं थः शत्रुतय्‌त बदला काये, अले जितः मयय्‌कीपिन्‍त बदला बिये।