यर्मिया 50:17 - नेवाः बाइबल

¹⁷ “इस्राएल ला सिंहं लिनाः छ्यालब्‍याल जूगु बथां थें खः। वयात न्‍हापा ला अश्‍शूरयाम्‍ह जुजुं नल, लिपतय् बेबिलोनयाम्‍ह जुजु नबूकदनेसरं वयागु क्‍वँय्‌त त्‍वथुलाबिल।”

यर्मिया 50:17 ပူးပေါင်းရင်းမြစ်များ

२ राजा 15:19

अश्‍शूरयाम्‍ह जुजु तिग्‍लत-पिलेसेरं इस्राएलय् हमला यात। अले मनहेमं देशय् थःगु शक्ति बल्‍लाकेत वयागु ग्‍वाहालि कायेगु बिचाः यानाः वयात ३४,००० किलोग्राम वहः बिल।

२ राजा 15:29

इस्राएलया जुजु पेकहया इलय् अश्‍शूरया जुजु तिग्‍लत-पिलेसेर वल। वं इयोन, हाबिल-बेथ-माका, यानोह, केदेश, हासोर, गिलाद, गालील व नप्‍तालीया फुक्‍क लागा त्‍याका काल। अले मनूतय्‌त ज्‍वनाः अश्‍शूर देशय् यंकल।

२ राजा 24:1

यहोयाकीम जुजु जुयाच्‍वंबलय् बेबिलोनयाम्‍ह जुजु नबूकदनेसरं देशय् हमला यात। यहोयाकीम स्‍वदँ तक वयागु अधीनय् च्‍वन। तर स्‍वदँ लिपा वं थःगु मन हीकाः नबूकदनेसरया विरोधय् विद्रोह यात।

२ राजा 24:10

अबलय् बेबिलोनयाम्‍ह जुजु नबूकदनेसरया हाकिमतय्‌सं यरूशलेमय् हमला यानाः उकियात घेरय् यात।

२ राजा 25:1

उकिं सिदकियाहं राज्‍य यानाच्‍वंगु गुंगूगु दँया झिगूगु लाया झिगूगु दुखुन्‍हु बेबिलोनयाम्‍ह जुजु नबूकदनेसरं थः फुक्‍क सेना ज्‍वनाः यरूशलेमय् हमला याः वल। वं शहरया छचाःखेरं चा व ल्‍वहंया द्वम्‍बःचात दय्‌काः शहरयात घेरय् यात।

२ इतिहास 28:20

अश्‍शूरयाम्‍ह जुजु तिग्‍लत-पिलेसेर वयाथाय् वल, वं वयात ग्‍वाहालि यायेगु पलेसा दुःख बिल।

२ इतिहास 33:11

उकिं इमित हमला यायेत परमप्रभुं अश्‍शूरया जुजुया सेनापतित हयादिल। इमिसं मनश्‍शेयात ज्‍वन, वयागु न्‍हासय् हुक तयाबिल। इमिसं वयात कँय्‌यागु सिखलं चिनाः बेबिलोनय् यंकल।

यशैया 15:9

दीबोनया लः हिं जाःगु दु, तर जिं दीबोनय् अझ अप्‍वः कष्‍ट हयाबी। मोआबं बिस्‍युं वंपिं व देशय् ल्‍यनाच्‍वंपिं मनूतय्‌गु विरोधय् जिं छम्‍ह सिंह छ्वयाहये।

यशैया 47:6

जि जिमि प्रजा खनाः तंम्‍वयागु खः, अले जिं थः हे मनूयात अशुद्ध ठहरे याना। जिं इमित छंगु ल्‍हातय् बिया, तर छं इमित दयामाया मयात। बुरातय्‌त नं छं थःगु झ्‍यातुगु ककुसिँ क्‍वबिकल।

यर्मिया 10:25

छितः स्‍वीकार मयाःपिं जाति जातितय्‌के व छिगु नां मकाइपिं मनूतय्‌के थःगु तं प्‍वंकादिसँ! छाय्‌धाःसा इमिसं याकूबयात क्‍वाप्‍प नःगु दु। इमिसं वयात क्‍वाप्‍प नःगु दु अले वयागु देशयात नाश यानाब्‍यूगु दु।

यर्मिया 2:15

सिंहत थ्‍वयेक हाःगु दु, उपिं व पाखे स्‍वयाः थ्‍वयेक हालाच्‍वंगु दु। इमिसं वयागु देशयात भज्‍यंक नाश याःगु दु। वयागु शहरत नाश याःगु दु, अले उपिं शहरय् मनूत मदु।

यर्मिया 21:7

जि, परमप्रभुं धाये, अनंलि यहूदाया जुजु सिदकियाह, वया हाकिमत महामारी, तरवार व अनिकालं बचय्‌जूपिं थ्‍व शहरय् दुपिं मनूतय्‌त बेबिलोनया जुजु नबूकदनेसर व इमित स्‍यायेत स्‍वयाच्‍वंपिं शत्रुतय्‌गु ल्‍हातय् जिं लःल्‍हानाबी। वं इमित तरवारं स्‍याइ, वं इमित त्‍वःती मखु अले दया नं याइ मखु, माया नं याइ मखु।’

यर्मिया 4:7

छम्‍ह सिंह थःगु गुफां पिहां वःगु दु। जातितय्‌त नाश याइम्‍ह पिहां वये धुंकूगु दु। छिमिगु देशयात नाश यायेत व थःगु थासं पिहां वये धुंकूगु दु। छिमिगु शहर मनूत मदयाः नाश जुइ।

यर्मिया 49:19

स्‍व! यर्दनया झालं यक्‍व घाँय्‌ख्‍यः दुगु थासय् सिंह वः थें, जिं एदोमयात पलखं हे वयागु देशं लिनाछ्वये। अले सुयात जिं ल्‍यये वयात हे जिं तये। छाय्‌धाःसा जि थें जाःम्‍ह सु दु? सुनां जितः चुनौती बी फु? जिगु न्‍ह्यःने दनाच्‍वने फुम्‍ह सु फैजवाः दु?”

यर्मिया 5:17

इमिसं छिमिगु बाली व नसा क्‍वाप्‍प नयाबी, छिमि काय् म्‍ह्याय्‌पिन्‍त क्‍वाप्‍प नयाबी, इमिसं छिमि सा द्वहं व फै-च्‍वलय् क्‍वाप्‍प नयाबी, छिमिगु दाख व यःमरिमा क्‍वाप्‍प नयाबी। छिमिसं भलसा याःगु पःखाः ग्‍वयातःगु शहरत इमिसं तरवारं नाश याइ।”

यर्मिया 5:6

उकिं जंगलं छम्‍ह सिंह वयाः इमित स्‍यानाबी, सुख्‍खा इलाकां छम्‍ह गुँखिचा वयाः इमित नाश याइ, छम्‍ह चितुवा इमिगु शहरया लिक्‍क पियाच्‍वनी, अनं सुं पिहां वःसा वयात कुचा कुचा याइ, छाय्‌धाःसा इपिं तसकं विद्रोही जुल, इमिगु अधर्म यक्‍व दु।

यर्मिया 50:6

“जिम्‍ह प्रजा तंपिं फैत थें जूगु दु। इमि जवाःतय्‌सं इमित मखुगु लँय् यंकूगु दु। अले पहाड पहाडय् मखुगु लँय् वंके ब्‍यूगु दु। डाँडा डाँडाय् व पहाड पहाडय् चाःह्यु वँवं इमिसं थः च्‍वनीगु थाय्‌यात ल्‍वःमंकल।

यर्मिया 51:38

वया सकलें मनूत सिंह थें थ्‍वय्‌क हाली, इमिसं सिंहया मस्‍तय्‌सं थें घुर्रघुर्र सः पिकाइ।

यर्मिया 52:1

सिदकियाह निइछदँ दुबलय् जुजु जूगु खः। वं यरूशलेमय् झिंछदँ शासन यात। वया मांया नां हमुतल खः। व लिब्‍नाय् च्‍वंम्‍ह यर्मियाया म्‍ह्याय् खः।

इजकिएल 34:12

गथे थःगु बथां थुखे उखे छ्यालब्‍याल जुइबलय् फैजवालं फैच्‍वलय्‌तय्‌त माःवनी, अथे हे जिं जिम्‍ह फैतय्‌त माले। सुपाँय् व तसकं खिउँगु दिनय् छ्यालब्‍याल जूगु फुक्‍क थासं जिं इमित बचय् याये।

दानिएल 6:24

अनंलि दानिएलयात मखुगु दोष ब्‍यूपिं सकल मनूतय्‌त ज्‍वनेत जुजुं आज्ञा बिल। अले इमि कलाःपिं व मचाखाचातनापं इमित सिंहत तयातःगु तःजाःगु गालय् वांछ्वयाबिल। इपिं सिंहत तयातःगु तःजाःगु गाःया बँय् थ्‍यने न्‍ह्यः हे सिंहतय्‌सं झम्‍तय् यात अले इमिगु फुक्‍व क्‍वँय्‌यात काच्‍या-कुचुक यानाः नयाबिल।

योएल 3:2

उबले जिं सकल जातितय्‌त छथाय् मुंकाः यहोशापातया बेँसीइ यंके। अन हे जिं उपिं जातितय्‌त न्‍याय याये, छाय्‌धाःसा इमिसं जिमि प्रजा, जिगु उत्तराधिकारी इस्राएलयात जाति जातितय् दथुइ छ्यालब्‍याल यानाबिल, अले जिगु देशयात ब्‍वथला बिल।

१ पत्रुस 2:25

न्‍हापा छिपिं तंपिं फैचात थें जुयाच्‍वंगु खः। आः छिपिं थः जवाः व सुसाःकुसाः याइम्‍हय्‌सिथाय् वय्‌कः नाप जुइत लिहां वये धुंकल।