यर्मिया 50:16 - नेवाः बाइबल

¹⁶ पुसा ह्वलिपिं व इँचा ज्‍वनाः छ्व लइपिन्‍त बेबिलोनं नाश या। अत्‍याचारीया तरवारं यानाः सकसितं थथःगु छेँय् लिहां वनेब्‍यु, सकलें थथःगु देशय् लिहां वनेमाः!”

यर्मिया 50:16 ပူးပေါင်းရင်းမြစ်များ

यशैया 13:14

इपिं लिना हःम्‍ह चल्‍ला थें अले जवाः मदुपिं फैत थें, फुक्‍क मनूत थः मनूतय्‌थाय् लिहांवनी अले फुक्‍क मनूत थथःगु हे थासय् बिस्‍युं वनी।

यर्मिया 25:38

सिंहं थें वय्‌कलं थःगु गुफा त्‍वःतादी, अले क्‍वत्‍यलिपिनिगु तरवार व परमप्रभुया तच्‍वःगु तमं यानाः इमिगु देश झिजांमिजां दनी।

यर्मिया 46:16

छिमि सिपाइँत बरोबर थक्‍कर नयाः छम्‍हय्‌सिया च्‍वय् मेम्‍ह दइ। इमिसं धाइ, ‘दँ! अत्‍याचारया तरवारपाखें बिस्‍युं वनाः झीपिं थः हे मनूतय्‌थाय् व थः जन्‍म जूगु देशय् हे लिहां वनेनु।’

यर्मिया 51:23

छपाखें जिं फैजवाः व वयागु बथांयात चुंचुं याये। छपाखें जिं बुँज्‍या याइम्‍हय्‌सित व वया द्वहंयात चुंचुं याये। छपाखें जिं बडाहाकिम व हाकिमतय्‌त चुंचुं याये।

यर्मिया 51:9

“‘जिमिसं बेबिलोनयात लाय्‌केगु खः, तर व लाइ मखु। वयात त्‍वःताब्‍यु। अले झीपिं थथःगु देशय् वना हे छ्वयेनु। छाय्‌धाःसा वयागु इन्‍साफ आकाश तक हे थ्‍यंगु दु। थ्‍व सुपाँय् तक हे तःजाःगु दु।

योएल 1:11

अय् बुँज्‍या याइपिं, निराश जु। अय् दाखमा पीपिं ह्वाँय्‌ह्वाँय् ख्‍व। छ्व व तछ्वया लागिं ह्वाँय्‌ह्वाँय् ख्‍व, छाय्‌धाःसा बुँयागु अन्‍न नष्‍ट जूगु दु।

आमोस 5:16

अथे जुयाः प्रभु, दक्‍व शक्ति दुम्‍ह परमप्रभु परमेश्‍वरं थथे धयादी – “दक्‍व शहरया लँय् लँय् नुगः चेचेतुंक ख्‍वइगु व बिलाप जुइ, दक्‍व चुक चुकय् इमिसं हाय हाय याइ। बुँज्‍यायाइपिन्‍त बिलाप यायेत व मलामीतय्‌त दुखं च्‍वनेत सःती।