यर्मिया 50:14 - नेवाः बाइबल

¹⁴ “हे धनुष वाण चले याइपिं सकलें बेबिलोनया प्‍यखेरं लडाइँया लागि तयार जुयाच्‍वँ! छपु नं वाण मल्‍यंक वयात कय्‌कि! छाय्‌धाःसा वं परमप्रभुया विरोधय् पाप याःगु दु।

यर्मिया 50:14 ပူးပေါင်းရင်းမြစ်များ

२ शमूएल 10:9

योआबं थःगु न्‍ह्यःने व ल्‍युने लडाइँया लागि शत्रुया सिपाइँत तयार जुयाच्‍वंगु खनाः वं इस्राएलयापिं ल्‍ययातःपिं सिपाइँतय् पुचःयात अरामीतय् चुलिंचू तल।

भजनसंग्रहया सफू 51:4

हे परमेश्‍वर, छिं मभिं धकाः धयादीगु ज्‍या हे जिं यानागु दु, जिं छिगु विरोधय् जक पाप यानागु दु, उकिं छिं जिगु न्‍याय यानादीगु पाय्‌छि जू अले जितः दोषी ठहरय् यानादीगु पाय्‌छि ताय्‌के।

यशैया 13:4

न्‍यँ, पर्वतय् तःसलं हाला हःगु सः, हूल हूल मनूतय्‌गु सः अले जाति जाति व राज्‍य राज्‍यत मुनाः हाला हःगु थें च्‍वं। दक्‍व शक्ति दुम्‍ह परमप्रभुं लडाइँया निंतिं सिपाइँत मुंकूगु दु।

यशैया 5:28

इमिगु तीर तसकं च्‍वामु अले व धनुलय् तया कय्‌केत मिलय् याना तइ। इमिगु सलया तुतिख्‍वः च्‍वल्‍वहं थें छाः अले रथया घःचात ग्‍वःफय् वःगु थें चाःहिलीगु खः।

यर्मिया 46:9

अय् सल, न्‍ह्यज्‍या! अय् सारथीत, रथ याकनं ब्‍वाकि! अय् सिपाइँत, न्‍ह्यज्‍या! ढाल क्‍वबिपिं कूश व पूतयापिं मनूत, वाण बांलाक कय्‌के सःपिं लूदयापिं मनूत, वनाछ्व!

यर्मिया 49:14

जिमिसं परमप्रभुपाखें थ्‍व बुखँ न्‍यनागु दु। छम्‍ह दूतयात जाति जातितय्‌थाय् थथे धाय्‌के छ्वःगु खः, “दँ, झीपिं वनापं लडाइँ याः वनेनु।”

यर्मिया 49:35

दक्‍व शक्ति दुम्‍ह परमप्रभुं थथे धयादी, “स्‍व! जिं थःम्‍ह हे एलामया धनु, इमिगु शक्तिया मू लिधंसा त्‍वथुलाबी।

यर्मिया 50:11

“जिगु सर्बययात लुटपाट याःम्‍ह छ न्‍ह्यइपुकाः लय्‌ताःगुलिं, छ अन्‍न दाःबलय् लय्‌तायाः तिंन्‍हूम्‍ह साचा थें जूगुलिं अले बल्‍लाःपिं सलत थें हाःगुलिं,

यर्मिया 50:29

“धनुष वाणं कय्‌किपिं सकलें मनूतय्‌त बेबिलोनया विरोधय् सःता हजि। वया प्‍यखेरं छाउनी तयाः घेरय् या, सुं नं बिस्‍युं वने मफयेमा। वयागु ज्‍या स्‍वयाः वयात बदला ब्‍यु! वं गथे याःगु दु, वयात अथे हे या! छाय्‌धाःसा वं इस्राएलया पवित्र परमेश्‍वरयात मभिंका खँ ल्‍हाःगु दु।

यर्मिया 50:42

इमिसं धनुष व भाला घानातःगु दु। इपिं तसकं नुगः छाःपिं, इमिके दयामाया धाःसा मदु। इपिं सल गयाः वइबलय् इमिगु सः समुद्रयागु थ्‍वःसः थें च्‍वं। हे बेबिलोन! इपिं छन्‍त हमला यायेत लडाइँया लागिं झ्‍वःलिंक वःपिं मनूत थें वइ।

यर्मिया 50:7

इमित नापलाकूपिन्‍सं इमित नयाबिल। इमि शत्रुतय्‌सं धाल, ‘थुकी जिमिगु छुं दोष मदु, छाय्‌धाःसा इमिसं इमिगु खःगु च्‍वनेगु थाय् परमप्रभु, इमि पुर्खातय्‌गु आशा, परमप्रभुया विरोधय् पापयात।’

यर्मिया 50:9

छाय्‌धाःसा स्‍व! जिं उत्तरयागु देशं ततःधंगु जातियात ग्‍वाकाः इमिगु पुचःयात बेबिलोनया विरोधय् हये। इमिसं बेबिलोनया विरोधय् लडाइँया लागि तयारी याइ, अले वयात उत्तरपाखें कब्‍जा याइ। इमिगु वाण बहादुर सिपाइँतय्‌गु थें जुइ, गुगु अथें लिहांवनी मखु।

यर्मिया 51:2

वयात हासां हायेत व वयागु देश नाश यायेत बेबिलोनय् जिं विदेशीत छ्वये। वयागु नाशया दिनय् वयागु विरोध याइपिं विदेशीत वया प्‍यखेंपाखें वइ।

यर्मिया 51:27

“छिमिगु देशय् झण्‍डा धस्‍वाकी! जाति जातितय् दथुइ तुरही पु! वयागु विरोधय् लडाइँ यायेत जातितय्‌त तयार या! आरारात, मिन्‍नी व अशकनजयात वयागु विरोधय् सःती! वयागु विरोधय् छम्‍ह सेनापति ल्‍यः! क्‍वःबुइँचाया बथां थें सलत छ्व!

यर्मिया 51:3

धनुष वाणं कय्‌कीम्‍हय्‌सिनं थःगु धनुषय् वाण मतयेमाः। अले व थःगु नँपाता फिनाः मदनेमाः। वया ल्‍याय्‌म्‍हपिं मनूतय्‌त त्‍वःते मते! वया फुक्‍क सेनायात भज्‍यंक नाश यानाब्‍यु।

हबकूक 2:17

छं लेबनानया जंगलयात पालाः स्‍यंकल, आः छन्‍त पाला स्‍याइ। छं अन च्‍वंपिं गुँपशुतय्‌त भज्‍यंक नाश याःगुलिं हे छंके तसकं भय वइ। छाय्‌धाःसा छं मनूतय्‌गु हिबाः वय्‌कल, छं देशत व शहरत व उकी च्‍वंपि दक्‍वं भज्‍यंक नाश यात।

हबकूक 2:8

छं जात जातितय्‌त लुतय् याःगु दु, अथे जुयाः ल्‍यंदुपिं मनूतय्‌सं छन्‍त लुतय् याइ। छं मनूतय्‌गु हि हाय्‌कूगु दु, अले छं देशत व शहरत व उकी च्‍वंपिं दक्‍वसित भज्‍यंक नाश याःगु दु।

प्रकाश 17:5

वयागु कपालय् गुप्‍त अर्थ दुगु नां च्‍वयातःगु दु – “तःधंगु बेबिलोन, वेश्‍यातय् मां, अले पृथ्‍वीइ घच्‍चायापुसे च्‍वंगु ज्‍याखँ यानाजुइपिनि मां।”

१ शमूएल 17:20

दाऊद कन्‍हय् खुन्‍हु सुथ न्‍हापां दनाः फैत मेम्‍ह मनूयात स्‍वयाच्‍वँ धकाः धाल, नयेगु नसा ज्‍वनाः यिशैनं धाथें बिदा जुयाः वन। उबलय् इस्राएलीत पालं पिहां वयाः लडाइँया निंतिं ततःसलं हालाः लडाइँ यायेगु ख्‍यलय् वनाच्‍वंबलय् व अन हे थ्यन।