यर्मिया 50:13 - नेवाः बाइबल

¹³ परमप्रभुया तमं यानाः अन सुं च्‍वने खनी मखु, तर व झिजांमिजां दंगुथाय् जुइ। बेबिलोन जुयाः वनीपिं सकलें अजू चाइ, अले घाः खनाः इपिं ग्‍याइ।

यर्मिया 50:13 ပူးပေါင်းရင်းမြစ်များ

अय्‍यूब 27:23

फसं व खनाः ल्‍हाःपा थाइ अले सुलि पुयाः वयात वयागु थासं बिसिकेछ्वइ।”

यर्मिया 18:16

थुकथं इमिसं थःगु देशयात घच्‍चाइपुगु न्‍ह्याबलेंया निंतिं न्‍हिइकीगु खँ दय्‌कल। अनं जुयाः वये वने याइपिं सकलें वातां जुइ अले थःगु छ्यं संकी।

यर्मिया 19:8

अले जिं थ्‍व शहरयात तहसनहस यानाः हेस्‍याइगु खँ यानाबी। शहर तहसनहस जूगु खनाः अनं जुयाः वये वने याइपिं सकलें वातां जुइ अले हेस्‍याइ।

यर्मिया 25:12

“तर न्‍हयेदँ फुइ धुंकाः जिं बेबिलोनया जुजु व वयागु जातियापिं मनूत व बेबिलोनीतय्‌त इमिगु दोषया निंतिं सजाँय बी अले व देशयात न्‍ह्याबलेंया निंतिं झिजांमिजां दंगुथाय् यानाबी,” परमप्रभुं धयादी।

यर्मिया 34:22

परमप्रभुं धयादी, ‘जिं थःम्‍हं हे आज्ञा बी, अले इमित थ्‍व शहरय् लित हये। इमिसं लडाइँ यानाः थ्‍व शहरयात त्‍याकाकाइ, अले थुकियात मिं नकाबी। अले जिं यहूदाया शहरयात मनू मदुगु सुनसान थाय् यानाबी।’”

यर्मिया 49:17

“एदोम भयया खँ जुइ, अन जूगु नाश खनाः उकिया लिक्‍क जुयाः वनीपिं सकलें वातां जुइ, अले सकसिनं उकियात हेस्‍याइ।”

यर्मिया 50:3

छाय्‌धाःसा उत्तरपाखें छगू जातिं वयात हमला याइ, अले वयागु देशयात झिजांमिजां दंगुथाय् यानाबी। अन सुं च्‍वनी मखु, मनूत व पशुत निथिं बिस्‍युं वनी।”

यर्मिया 51:26

इमिसं छंकेनं छेँया कुन्‍चाय् तयेत व जग तयेत छगः मू ल्‍वहं नं काइ मखु। छाय्‌धाःसा व थाय् न्‍ह्याबलेंया लागि सुनसान जुयाच्‍वनी,” परमप्रभुं धयादी।

यर्मिया 51:29

देश थुरथुर खाइ, अले तसकं नुगः मछिंकी, छाय्‌धाःसा परमप्रभुं बेबिलोन देशयात सुं मनू मच्‍वनीगु झिजांमिजां दंगुथाय् दय्‌केगु क्‍वःछिनादीगु दु।

यर्मिया 51:37

बेबिलोन छगू नाशया द्वँ जुइ, ध्‍वंचात च्‍वनीगु थाय्, मनूत खनाः व वातां जुइ, व न्‍हीकीगु खँ व सुं मनू मच्‍वनीगु थाय् जुइ।

यर्मिया 51:62

अनंलि धा, ‘हे परमप्रभु, छिं थ्‍व थाय्‌यात नाश याये धयादीगु दु, अले थुकी न मनू च्‍वनी न पशु च्‍वनी, थ्‍व सदांया निंतिं झिजांमिजां दंगुथाय् जुइ।’

इजकिएल 27:36

जाति जातियापिं व्‍यापारीतय्‌सं छन्‍त हेस्‍याइगु, छ हाकनं गुबलें दइ मखुत, आः छंगु ग्‍यानापुक नाश जुइन।’”

सपन्‍याह 2:15

थ्‍व छगू शहर खः, गुगु शहरं थःम्‍हं थःके गर्व यायेगु याइ अले मग्‍यासें च्‍वनाच्‍वनी, सुनां थःत थथे धाइ, “जि जि हे खः, जि बाहेक मेपिं सुं हे मदु।” आः स्‍व, व गज्‍याःगु उजाड जुल, गुँइ पशुत च्‍वनीगु थाय् जुल। व थाय् जुयावनीपिं फुक्‍कसिनं हेस्‍यानाः मुर्की क्‍यना वनी।

जकरिया 1:15

अय्‌नं जि सुरक्षित जुयाः याउँक च्‍वनाच्‍वंपिं मेमेगु जातितलिसे तसकं तंम्‍वयागु दु। जि थः मनूतलिसें भचा जक तम्‍वयागु खः। अय्‌नं जिं सजाँय बीगु यानागु उपिं जातितय्‌सं इमित बांमलाःगु व्‍यवहार यात।’

व्‍यवस्‍था 29:22

छिमि लिपा वइपिं मचाखाचा व यक्‍व तापाःगु देशं वःपिं परदेशीतय्‌सं छिमिगु देशय् वःगु विपत्ति व परमप्रभुं देशय् हयादीगु ल्‍वय् खनी।