यर्मिया 50:11 - नेवाः बाइबल

¹¹ “जिगु सर्बययात लुटपाट याःम्‍ह छ न्‍ह्यइपुकाः लय्‌ताःगुलिं, छ अन्‍न दाःबलय् लय्‌तायाः तिंन्‍हूम्‍ह साचा थें जूगुलिं अले बल्‍लाःपिं सलत थें हाःगुलिं,

यर्मिया 50:11 ပူးပေါင်းရင်းမြစ်များ

भजनसंग्रहया सफू 22:12

द्वहंतय्‌सं थें जितः शत्रुतय्‌सं घेरय् यानातःगु दु। बाशान देशया ग्‍यानापुपिं द्वहंतय्‌सं थें जितः घेरय् यानातःगु दु।

हितोपदेश 17:5

चीमिपिन्‍त क्‍वह्यंकिपिन्‍सं इमित सृष्‍टि याःम्‍हय्‌सित हे क्‍वह्यंकूगु जुइ। मेपिनि मज्‍यूगुलिइ लय्‌ताइपिन्‍त सजाँय जुइ।

यशैया 47:6

जि जिमि प्रजा खनाः तंम्‍वयागु खः, अले जिं थः हे मनूयात अशुद्ध ठहरे याना। जिं इमित छंगु ल्‍हातय् बिया, तर छं इमित दयामाया मयात। बुरातय्‌त नं छं थःगु झ्‍यातुगु ककुसिँ क्‍वबिकल।

यशैया 47:8

“अथे जुयाः हे सुखय् भुलय् जुयाच्‍वंपिं, थःगु रक्षायात वास्‍ता मयासें च्‍वनाच्‍वंपिं, अले थःगु नुगलय् जि हे खः, ‘जि थें ज्‍याःम्‍ह सुं मदु’ धकाः धयाजुइपिं, ‘जि गुबलें भाःत सीम्‍ह थें जुइ मखु, वा काय्‌म्‍ह्याय्‌पिं त्‍वःता च्‍वनेमाली मखु धयागु खँय् ध्‍यान ब्‍यु!’

यर्मिया 12:14

परमप्रभुं थथे धयादी, “जि थः प्रजा इस्राएलयात अधिकार यायेत बियागु देश कब्‍जा याःपिं जिम्‍ह दुष्‍ट जःलाखःलातय्‌त जिं थम्‍हं हे सिमायात थें लिनाकयाः इमिगु देशं पितिनाछ्वये। यहूदाया घरानायात नं जिं इमिगु दथुं लिनाकाये।

यर्मिया 46:20

“मिश्र छम्‍ह बांलाःम्‍ह साचा खः। तर उत्तरपाखें छम्‍ह साभुजिं वयागु विरोधय् वयाच्‍वंगु दु।

यर्मिया 46:21

वया ज्‍यालाय्‌ वःपिं सिपाइँत तग्‍वारापिं साचात थें च्‍वं। इपिं छक्‍वलं फहिलाः बिस्‍युं वनी। इपिं दी मखु, छाय्‌धाःसा इमिके विपत्तिया दिं, इमिगु सजाँयया दिं वयाच्‍वंगु दु।

यर्मिया 5:28

इपिं यक्‍व नयाः ल्‍ह्वंगु दु। इमिसं मभिंगु ज्‍या यायेगु गुबलें त्‍वःती मखु। इमिसं मांबौ मदुपिनिगु हक लाका काइ, मगाःमचाःपिनिगु न्‍याय याइ मखु।

यर्मिया 5:8

इपिं नयाः प्‍वाः जाःपिं येचाःपिं सलत थें च्‍वं, इपिं फुक्‍क थः जःलाखःलाया कलाःया निंतिं येचाःगु दु।

यर्मिया 50:17

“इस्राएल ला सिंहं लिनाः छ्यालब्‍याल जूगु बथां थें खः। वयात न्‍हापा ला अश्‍शूरयाम्‍ह जुजुं नल, लिपतय् बेबिलोनयाम्‍ह जुजु नबूकदनेसरं वयागु क्‍वँय्‌त त्‍वथुलाबिल।”

यर्मिया 50:27

वया फुक्‍क द्वहंचात स्‍यानाब्‍यु! उपिं स्‍याइगु थासय् यंकेमाः! इमित धिक्‍कार दु! छाय्‌धाःसा इमिगु दिं वःगु दु। इमित सजाँय बीगु ई थ्‍यंकः वल।

विलाप 1:21

“मनूतय्‌सं जिगु झसुकाः न्‍यंगु दु, अय्‌नं जितः ह्ययेकीपिं सुं हे मदु। जिमि दक्‍व शत्रुतय्‌सं जिगु दुःखकष्‍टया खँ न्‍यंगु दु। छिं थथे यानादीगुलिं इपिं लय्‌ताःगु दु। छिं धयादीगु दिं हयादिसँ, गुकिं यानाः इपिं नं जि थें जुइमा।

इजकिएल 35:15

इस्राएलया घरानाया सर्बय उजाड जूबलय् छ लय्‌ताल, उकिं जिं नं छन्‍त अथे हे याये। हे सेइर पर्वत, हे एदोमया फुक्‍क लागा, छ उजाड जुइ। अले छिमिसं जि हे परमप्रभु खः धकाः सी।’”

इजकिएल 36:5

जि, परमप्रभु परमेश्‍वर न्‍ववानागु दु – जिगु डाहाया तंम्‍वय् जिं मेगु ल्‍यनाच्‍वंगु जातित व एदोमया विरोधय् बांलाक न्‍ववानागु दु, छाय्‌धाःसा थःगु नुगलय् इस्राएलया निंतिं लय्‌ताः व घृणा तयाः इमिसं जिगु देशयात उकिया घाँय्‌ख्‍यः लुतय्‌ याये फयेमा धकाः थःगु अधिकारय् काल।’

होशे 10:11

एफ्राइम अन्‍न दाइबलय् लय्‌लय्‌ताइम्‍ह भाय् थूम्‍ह साचा थें खः। तर जिं वयागु बांलाःगु ब्‍वहलय् जुवा तयाबी। जिं एफ्राइमयात न्‍ह्याकाः यंके, यहूदां बुँपाली, अले याकूबं खः दाइ।

आमोस 4:1

अय् सामरिया डाँडाय् च्‍वनीपिं बाशानया ल्‍ह्वंपिं सात, छिपिं मिसात, गुपिन्‍सं चीमिपिन्‍त क्‍वत्‍यलाच्‍वन अले मगाःमचाःपिन्‍त दुःख बियाच्‍वन। अले थः भाःतयात धयाच्‍वन, “जिमित त्‍वनेत छुं हयाबियादिसँ।”

ओबदिया 1:12

छिमि किजायात आपत जूबलय् छ स्‍वयाच्‍वने मज्‍यूगु खः। यहूदाया सन्‍तानत नाश जूगु दिं छ लय्‌ताये मज्‍यूगु खः। इमिगु संकटया इलय् छं घमण्‍ड याये मज्‍यूगु खः।

हबकूक 1:15

दुष्‍ट शत्रुतय्‌सं इपिं दक्‍वसित बल्‍छीं ल्‍ह्वनायंकी अले इमित जालं तक्‍यंकी। इमित तःधंगु जालय् मुंकी। अथे जुयाः इपिं तसकं लय्‌ताइ।

जकरिया 14:12

यरूशलेमलिसें लडाइँ याइपिं जातितय्‌थाय् परमप्रभुं छगू ग्‍यानापुगु ल्‍वय् हयाबी। इपिं दनाच्‍वंबलय् हे इमिगु म्‍हयागु ला ध्‍वग्‍गिनाः वनी। इमिगु मिखा इमिगु मिखा ग्‍वलय् हे ध्‍वग्‍गिनावनी अले इमिगु मे इमिगु म्‍हुतुइ ध्‍वग्‍गिनावनी।

व्‍यवस्‍था 32:15

यशूरून बांलाक नयेत्‍वने दयाः तसकं ल्‍ह्वनावल। अले इमिसं थःपिन्‍त सृष्‍टि यानादीम्‍ह परमेश्‍वर, बल्‍लाःम्‍ह रक्षकयात त्‍वःताहल।