यर्मिया 5:9 - नेवाः बाइबल

⁹ जिं इमित थज्‍याःगु ज्‍याया लागि छाय् सजाँय मबियेगु? जिं थज्‍याःगु जातियात छाय् बदला मकायेगु?” परमप्रभुं धयादी।

यर्मिया 5:9 ပူးပေါင်းရင်းမြစ်များ

हितोपदेश 6:29

कर्पिनि कलाःलिसे द्यनेगु धयागु नं थथे हे खः। वयात थ्‍यूम्‍ह न्‍ह्याम्‍हय्‌सित नं सजाँय मजुइ हे मखु।

यशैया 1:24

अथे जुयाः प्रभु, दक्‍व शक्ति दुम्‍ह परमप्रभु, इस्राएलया बल्‍लाःम्‍हय्‌सिनं धयादी, “आहा! जिं जिमि शत्रुतय्‌त जिगु तं क्‍यने, अले जिगु विरोध याःगुया बदला काये,

यशैया 57:6

न्‍हसिकापय् च्‍वंगु पिच्‍चुसे च्‍वंगु ल्‍वहं हे छिमिगु भाग खः। छिमिसं इमिगु हे निंतिं त्‍वँसाबलि व अन्‍नबलि छाःगु दु। थज्‍याःगु खँ सीक सीकं छु जि मानय् जुइगु ला?

यर्मिया 23:2

अथे जूगुलिं थः मनूतय्‌त ज्‍वइपिं फैजवाःतय्‌त परमप्रभु इस्राएलयाम्‍ह परमेश्‍वरं थथे धयादी, “छिमिसं जिगु बथांयात छ्यालब्‍याल यानाबिल, छिमिसं इमित लिनाछ्वत, इमित मस्‍वः। उकिं छिमिसं याःगु मभिंगु ज्‍याया निंतिं जिं थःम्‍हं हे छिमित सजाँय बी,” परमप्रभुं धयादी।

यर्मिया 32:31

थ्‍व शहर दय्‌कूगु दिनंनिसें थौं तक थ्‍व शहरं जितः तसकं तंचाय्‌कूगु दु। उकिं थ्‍वयात जिगु न्‍ह्यःनं चीकाछ्वइगु जुइ।

यर्मिया 44:22

छिमिसं याःगु मभिंगु ज्‍या व घच्‍चाइपुगु ज्‍या परमप्रभुं यक्‍व अप्‍वः सह यानादी मफुत। अले छिमिगु देश झिजांमिजां दंगु, मनू मदुगु सुनसान थाय् जुल। अले मनूतय्‌सं छिमिगु नां कयाः सराः बियेगु यानावयाच्‍वंगु दु, थौं नं अथे जुयाच्‍वंगु दु।

यर्मिया 5:10

“वनाः इमिगु दाखक्‍यब स्‍यंकाब्‍यु, तर भज्‍यंक नाश याये मते! उकिया कचात त्‍वथुलाः वांछ्वयाब्‍यु। छाय्‌धाःसा थुपिं मनूत परमप्रभुया मनूत मखु।

यर्मिया 5:29

थुकिया लागि छु जिं थुमित सजाँय मबियेगु ला? छु जिं थज्‍याःगु जातियाके बदला मकायेगु ला? परमप्रभुं धयादी।

यर्मिया 6:11

तर जि परमप्रभुया तमं जाःगु दु, अले जिं थुकियात पनातये मफु। “थुकियात लँय् दुपिं मस्‍तय्‌थाय् व ल्‍याय्‌म्‍हपिं मनूत मुनाच्‍वंथाय् प्‍वंकाब्‍यु! छाय्‌धाःसा कलाः भाःतपिं सकसितं ज्‍वनाः यंकीगु जुइ। बाज्‍यःवंपिं व ज्‍याथपिं तकं बचय् जुइ मखु।

यर्मिया 6:6

दक्‍व शक्ति दुम्‍ह परमप्रभुं थथे धयादी, “यरूशलेमया सिमा पालाः पःखाः लिक्‍क घेरय् याइगु द्वम्‍बचात दय्‌कि! जिं थ्‍व शहरयात सजाँय बी छाय्‌धाःसा थन अत्‍याचार हे अत्‍याचार दु।

यर्मिया 9:8

इमिसं मखुगु खँ ल्‍हाइगु। सकसिनं थःगु म्‍हुतुं ला थः जःलाखःलानापं नाइक खँ ल्‍हाइगु, नुगलं धाःसा मभिंगु जाः ग्‍वयाच्‍वनी।

यर्मिया 9:9

छु! जिं थ्‍व खँया लागि इमित सजाँय मबियेगु ला? छु! जिं थज्‍याःगु जातियाके बदला मकायेगु ला?”

विलाप 3:42

“जिमिसं पाप याना, जिपिं विद्रोही जुया, अले छिं क्षमा यानादीगु मदुनि।

विलाप 4:22

हे म्‍ह्याय् सियोन, छंगु अधर्मया सजाँय सिधल, हाकनं गुबलें छन्‍त देशं पितिना छ्वयादी मखु। तर हे म्‍ह्याय् एदोम, वय्‌कलं छंगु अधर्मया दण्‍डया सजाँय छन्‍त बियादी, अले छंगु पाप क्‍यनादी।

इजकिएल 7:9

जिं माया यानाः छन्‍त स्‍वये मखु, जिं छन्‍त भचा नं माया याये मखु। छंगु पहःचहःकथं व छंगु दथुइ दुगु घच्‍चाइपुगु ज्‍याया निंतिं जिं छन्‍त सजाँय बी। “‘अले छन्‍त सजाँय बीम्‍ह परमप्रभु जि हे खः धकाः छं सी।

होशे 2:13

बालद्यःतय्‌त धूप थंगुलिं जिं वयात दण्‍ड बी। व इलय् वं तिसा तिनाः थः यःम्‍ह नाप ल्‍यूल्‍यू वनी, अले जितः ल्‍वःमंकी,” परमप्रभुं घोषणा यानादी।

होशे 8:13

इमिसं जितः बलि छाइ, अले व ला नइ, तर परमप्रभु इपिंनापं लय्‌तायामदी। आः जिं इमिगु दुष्‍ट ज्‍या लुमंकाः इमिगु पापया निंतिं सजाँय बी। इपिं मिश्र देशय् लिहांवनी।

लेवी 18:25

इमिगु देश नं अशुद्ध जुइ धुंकूगु दु। अथे जुयाः जिं इमिगु पापया सजाँय इमित हे बिया, अले व देशं थः मनूतय्‌त ल्‍ह्वयाः पितिनाछ्वल।

लेवी 26:25

छिमिसं जिगु बाचा त्‍वथूगुलीं जिं धात्‍थें हे छिमित सजाँय बी, अले गुबलय् छिपिं थथःगु शहरय् मुनाच्‍वनी, जिं छिमिगु दथुइ ल्‍वय् छ्वया हये। छिमित शत्रुतय्‌गु ल्‍हातय् बी।

नहूम 1:2

परमप्रभु नुगः मुइकादीम्‍ह व बदला कयादीम्‍ह परमेश्‍वर खः। परमप्रभु बदला कयादीम्‍ह व तम्‍वय्‌कादीम्‍ह खः। परमप्रभुं थः विरोधीतय्‌त बदला कयादी, शत्रुतय्‌गु निंतिं तःधंगु तं ल्‍यंकातयादी।

व्‍यवस्‍था 32:35

जिं थम्‍हं हे इमित बदला काये, जिं इमित सजाँय बी। इपिं भज्‍यंक नाश जुइगु ई वयेत्‍यंगु दु। याकनं हे इपिं खने मदयावनी।”

व्‍यवस्‍था 32:43

हे जातित! वय्‌कःया मनूतलिसें लय्‌ता। वय्‌कलं थः च्‍यःतय्‌त स्‍याःपिं फुक्‍कसिके पलेसा कयादी। वय्‌कलं थः शत्रुतय्‌त बदला कयादी। अले थःगु देश व थःमनूतय्‌गु लागिं प्रायश्‍चित यानादी।