यर्मिया 5:7 - नेवाः बाइबल

⁷ “जिं छिमित छाय् क्षमा यायेगु? छिमि काय् म्‍ह्याय्‌पिन्‍सं जितः त्‍वःतूगु दु अले ईश्‍वर मखुपिनिगु नामय् पाफःगु दु। जिं इमित प्‍वाः जाय्‌क नका, अय्‌नं इमिसं व्‍यभिचार यात, वेश्‍यातय्‌गु छेँय् ग्‍वाः ग्‍वाः वन।

यर्मिया 5:7 ပူးပေါင်းရင်းမြစ်များ

२ इतिहास 13:9

छिमिसं हारूनया सन्‍तान परमप्रभुया पुजाहारीतय्‌त व लेवीतय्‌त बिसिकेछ्वल। इमिगु थासय् मे मेगु जातिं थें छिमिसं थः पुजाहारीत ल्‍यल। थःत देछायेत छम्‍ह द्वहंचा व न्‍हय्‌म्‍ह भ्‍याःचा ज्‍वनावःम्‍ह न्‍ह्याम्‍ह मनूयात नं छिमिसं उपिं मखुपिं द्यःतय् पुजाहारी दय्‌कीगु।

अय्‍यूब 31:12

थ्‍व ला फुक्‍क कथं नाश याइगु मि थें खः, जिगु बालियात हांनिसें लिनाकाइगु मि।

भजनसंग्रहया सफू 50:18

खुँयात नापलाइबलय् छ खुँया हे पासा जुइगु, अले छ व्‍यभिचारीतनापं मिलय् जुयाः जुइगु।

यर्मिया 12:16

इमिसं न्‍हापा जि प्रजायात बालद्यःया नामं पाफयेगु स्‍यं थें ‘धात्‍थें परमप्रभु म्‍वाःम्‍ह खः’ धयाः जिगु नां कयाः पाफयाः जिगु प्रजाया पहःचहः धात्‍थें हे बांलाक सयेकाकाल धाःसा इमित जि प्रजाया दथुइ थाय् बी।

यर्मिया 13:27

जिं छ व्‍यभिचारी जूगु व येचाःगु खनागु दु। ख्‍यलय् ख्‍यलय् व डाँडा डाँडाय् छं घचाइपुगु मूर्तित पुजा याना जूगु जिं खनागु दु। हे यरूशलेम छन्‍त धिक्‍कार! गुबलय् तक छ अशुद्ध जुयाच्‍वनेगु?”

यर्मिया 16:11

अबलय् छं इमित थथे धा, ‘छिमि तापाःबाज्‍यापिन्‍सं जितः त्‍वःताः मेपिं द्यःतय्‌त पुजा यात अले सेवा यात,’ परमप्रभुं धयादी। ‘इमिसं जिगु व्‍यवस्‍था पालन मयाः।

यर्मिया 16:20

छु मनूतय्‌सं थः द्यःत दय्‌के फइ ला? फइ, तर इपिं ला परमेश्‍वर मखु।”

यर्मिया 2:11

मेगु छुं नं जातिं थः द्यःतय्‌त उपिं ईश्‍वर मखुसां हीगु दु ला? तर जिमि प्रजां थःगु महिमां जाःम्‍ह परमेश्‍वरयात ज्‍यालगय् मजूपिं द्यःतनापं हिल।

यर्मिया 2:31

“हे थ्‍व पुस्‍तायापिं मनूत, परमप्रभुयागु वचनय् ध्‍यान ब्‍यु। “छु जि इस्राएलया लागि मरुभूमि वा तसकं खिउँगु देश जुल ला? छाय् जिमि प्रजां थथे धाइगु, ‘जिपिं थःयत्‍थे वने दु। आः छिथाय् गुबलें वये मखुत।’

यर्मिया 23:10

छाय्‌धाःसा थ्‍व देश व्‍यभिचारी हे व्‍यभिचारीं जाःगु दु। सराः लाःगुलिं देश सुख्‍खा जूगु दु। मरुभूमियागु पशु ज्‍वयेगु थाय् गंगु दु। अगमवक्तात मभिंपाखे ब्‍वाँय् वंगु दु, इमिसं थःगु शक्ति मखुथाय् छ्यःगु दु।

यर्मिया 3:19

“जिं मनमनं धया, “‘हे इस्राएल, जिं छिमित थः मस्‍त दय्‌केगु व छगू सुख हे सुख जुइगु, संसारया दकलय् बांलाःगु देश बीगु बिचाः यानागु खः।’ जिं छिमिसं जितः अबु धाइ, अले जिगु ल्‍यू जुइगु त्‍वःती मखु धकाः मतिइ तयागु खः।

यर्मिया 3:8

जिं विश्‍वास यायेबहः मजूम्‍ह इस्राएलयात वं व्‍यभिचार याःगुलिं त्‍वःताछ्वयागु खंका नं वया विश्‍वासघाती केहेँ यहूदा मग्‍यात, तर वं नं वनाः व्‍यभिचार यात।

यर्मिया 7:9

छिमिसं खुइगु, स्‍याइगु, व्‍यभिचार याइगु, अदालतय् मखुगु साक्षी बीगु, बालद्यःया लागि धुपाँय्‌ थनीगु अले थःपिन्‍सं न्‍हापा म्‍हमस्‍यूपिं द्यःतय्‌त पुजा यानाजुइगु।

यर्मिया 9:1

जिगु छ्यं बुँगाःचा व जिगु मिखा ख्‍वबिया मुहान जूगु जूसा, स्‍याःपिं जिमि मनूतय्‌गु निंतिं जि चान्‍हि ख्‍वयाच्‍वनेगु।

यर्मिया 9:2

जिके मरुभूमिइ लँजुवाःत च्‍वनीगु छगूथाय् दुगु जूसा, जि थः मनूतय्‌त त्‍वःताः तापाक च्‍वंवनेगु। छाय्‌धाःसा इपिं सकलें व्‍यभिचारी खः, विश्‍वासघातीतय्‌गु पुचः।

विलाप 3:42

“जिमिसं पाप याना, जिपिं विद्रोही जुया, अले छिं क्षमा यानादीगु मदुनि।

इजकिएल 22:11

छंके गुलिसिनं थः जःलाखःलाया कलाःलिसें घच्‍चाइपुगु ज्‍या याइगु। गुलिसिनं थः भौयात स्‍यंकीगु, अले गुलिसिनं थः हे बौया म्‍ह्याय्, थः केहेँयात बलात्‍कार याइगु।

होशे 11:8

“अय् एफ्राइम, जिं छन्‍त गथे यानाः त्‍वःते फइ? अय् इस्राएल, जिं छन्‍त गथे यानाः दुष्‍टतय्‌गु ल्‍हातिइ लःल्‍हाये फइ? जिं छन्‍त गथे यानाः अदमायात थें नाश याये फइ? जिं छन्‍त गथे यानाः सबोयीमयात थें स्‍यंके फइ? जिगु मन जिगु दुने हिले धुंकल। जिगु मन दया मायां जाये धुंकल।

होशे 13:6

गुबलय् जिं इमित नका त्‍वंका, उबले इमि प्‍वाः जाल अले सन्‍तुष्‍ट जुल। इपिं घमण्‍डी जुल, अले इमिसं जितः ल्‍वःमंकल।

होशे 4:2

थन सराः बीगु, मखुगु खँ ल्‍हायेगु, मनूया ज्‍यान कायेगु, खुयाकायेगु, व्‍यभिचार यायेगु ज्‍या जक जुइ। छिमिगु मभिंगु ज्‍या झन अप्‍वया वनी, छगूया ल्‍यू मेगु स्‍यायेगु ज्‍या जुया हे च्‍वनी।

होशे 7:4

इपिं फुक्‍कं व्‍यभिचारीत खः। इपिं मरि छुइबलय् क्‍वाःकातःगु भुतू थें खः, गुकियागु मि मरि छुइम्‍हय्‌सिनं छ्वचुं न्‍हाःबलय् निसें फोंगाना मवतले मिलय् याये म्‍वाः।

लेवी 20:10

“‘सुनानं थः जःलाखःलाया कलाःनापं लसपस यात धाःसा मिसा व मिजं निम्‍हय्‌सितं स्‍यायेमाः।

आमोस 8:14

सामरियाया मूर्तितय्‌गु नामं पाफइपिं वा ‘दानया द्यःत व बेर्शेबाया द्यःतय्‌गु’ नामं पाफइपिं दक्‍वं क्‍वदली, अले हाकनं गुबलें दने फइ मखु।”

सपन्‍याह 1:5

छेँयागु कःसि च्‍वनाः नगुत पुज्‍याइपिन्‍त, क्‍वछुनाः परमप्रभुया नामं पाफया नं मोलोखया नामं नं पाफइपिन्‍त,

मलाकी 3:5

दक्‍व शक्ति दुम्‍ह परमप्रभुं धयादी, “अबलय् जि न्‍याय यायेत छिमिथाय् वये। अले तन्‍त्रमन्‍त्र याइपिं, व्‍यभिचारीत, मखुगु साक्षी बीपिं, ज्‍यामितय्‌त ज्‍यालाय् स्‍याइपिं अले भाःत मदुपिं मिस्‍त, मां-बौ मदुपिं मस्‍तय्‌त क्‍वत्‍यलातःपिं, परदेशीतय्‌गु न्‍याय लाका काइपिं, जि खनाः मग्‍याइपिं थुपिं सकसिगु विरोधय् जिं हथासं साक्षी बी।”

१ कोरिन्‍थी 6:9

मभिंपिं मनूतय्‌त परमेश्‍वरयागु राज्‍यय् दुकाइ मखु धकाः छिमिसं मस्‍यू ला? थःम्‍हं थःत थगय् याये मते, छाय्‌धाःसा व्‍यभिचार यानाजुइपिं, मूर्ति पुजा यानाजुइपिं, थः कलाः दय्‌कं कर्पिनि कलाःलिसे व्‍यभिचार यानाजुइपिं, मिजं मिजं हे व्‍यभिचार यानाजुइपिं,

१ कोरिन्‍थी 8:4

अय्‌जूगुलिं मूर्तियात छाःगु प्रसाद नये ज्‍यू ला कि मज्‍यू धयागु खँय् झीसं स्‍यू – “मूर्ति धयागु ला छुं नं मखु” कःमितय्‌सं दय्‌कातःगु जक खः। “परमेश्‍वर ला छम्‍ह हे जक दु” धकाः नं झीसं स्‍यू।

गलाती 4:8

न्‍हापा परमेश्‍वरयात म्‍हमस्‍यूगुलिं छिपिं परमेश्‍वर हे मखुपिं मेपिं द्यःतय् दास जुयाच्‍वंगु खः।

व्‍यवस्‍था 32:15

यशूरून बांलाक नयेत्‍वने दयाः तसकं ल्‍ह्वनावल। अले इमिसं थःपिन्‍त सृष्‍टि यानादीम्‍ह परमेश्‍वर, बल्‍लाःम्‍ह रक्षकयात त्‍वःताहल।

व्‍यवस्‍था 32:21

इमिसं द्यः मखुपिन्‍त पुजा यानाः जिगु नुगः मुइकल, अले ज्‍यालगय् मजूगु मूर्तिपाखें जितः तंचाय्‌कल। उकिं, आः जिं नं थः मखुपिं मनूतपाखें इमिगु नुगः मुइके। छगू मूर्ख जातियापाखें इमित तं चाय्‌के।

हिब्रू 13:4

ब्‍याहायात सकसिनं तःधंकेमाः। निम्‍हतिपूया दथुइ थःथवय् विश्‍वास दयेमाः, छाय्‌धाःसा व्‍यभिचार याइपिन्‍त व ब्‍याहा याये धुंकाः नं मेपिं नाप जुयाः स्‍यनिपिन्‍त परमेश्‍वरं न्‍याय यानादी।

याकूब 4:4

हे विश्‍वास त्‍वःतूपिं मनूत, संसारयात माया याइपिं परमेश्‍वरया शत्रु खः धकाः छिमिसं मस्‍यू ला? संसार नाप मिलय् जुइपिन्‍सं परमेश्‍वरयात शत्रु याइ।

यहोशू 23:7

छिमिगु दथुइ ल्‍यंदुपिं थुपिं जातितनापं स्‍वापु तये मते, इमि द्यःतय्‌गु नां काये मते, इमिगु नामय् पाफये मते। इमित पुजा याये मते अले इमित भागियाये मते।