यर्मिया 5:5 - नेवाः बाइबल

⁵ जि हाकिमतय्‌थाय् वने, अले इमित कने, छाय्‌धाःसा इमिसं परमप्रभुया लँ व थः परमेश्‍वरया कानून स्‍यू।” तर इपिं सकलें मिलय् जुयाः जुवायात त्‍वथुलाब्‍यूगु दु, अले सिखःयात चफ्‍फुनाब्‍यूगु दु।

यर्मिया 5:5 ပူးပေါင်းရင်းမြစ်များ

२ इतिहास 36:14

पुजाहारीतय् फुक्‍क नायःत व मनूतय्‌सं नं मेमेगु जातिं याःगु थें घच्‍चायापुगु ज्‍या यानाः झन विश्‍वासघात यात। इमिसं परमप्रभुं थःम्‍हं हे यरूशलेमय् शुद्ध यानादीगु देगःयात अशुद्ध यात।

प्रस्‍थान 32:25

मोशां मनूत थः यःथें जुयाच्‍वंगु खन। हारूनं इमित कःमघासें थः यःथें वने ब्‍यूगुलिं इपिं थः शत्रुतय् न्‍ह्यःने न्‍हिलेगु हुनि जुल।

यशैया 1:23

छिमि न्‍ह्यलुवाःत विद्रोही व खुँतय् पासापिं जुइ धुंकूगु दु। इमिसं न्‍ह्याबलें कोस्‍यालि व घुस नयेत माला जुइ। न्‍याय जुइबलय् इमिसं मांबौ मदुपिनिगु पँली मखु। भाःत मदुपिनिगु मुद्दा इमिथाय् थ्‍यनी मखु।

यर्मिया 2:20

“यक्‍व न्‍हापा हे छं थःगु जुवा त्‍वःथुल, सिखःयात चफ्‍फुनाबिल, अले धाल, जिं छिगु सेवा याये मखुत। धात्‍थें फुक्‍क डाँडा डाँडाय् व फुक्‍क वाउँगु सिमाया क्‍वय् व वेश्‍या थें क्‍वछुल।

यर्मिया 2:31

“हे थ्‍व पुस्‍तायापिं मनूत, परमप्रभुयागु वचनय् ध्‍यान ब्‍यु। “छु जि इस्राएलया लागि मरुभूमि वा तसकं खिउँगु देश जुल ला? छाय् जिमि प्रजां थथे धाइगु, ‘जिपिं थःयत्‍थे वने दु। आः छिथाय् गुबलें वये मखुत।’

यर्मिया 30:14

छं फुक्‍क पासापिन्‍सं छन्‍त ल्‍वःमंके धुंकल। इमिसं छन्‍त वास्‍ता मयाः। छं तःधंगु अपराध याःगुलिं व यक्‍व पाप याःगुलिं जिं छन्‍त शत्रु थें कय्‌कागु दु। अले दयामाया मदुम्‍हय्‌सिनं थें छन्‍त सजाँय बियागु दु।

यर्मिया 6:13

“दक्‍कलय् चिधंम्‍हंनिसें दक्‍कलय् तःधंम्‍ह तक फुक्‍कं लोभी जूगु दु। अगमवक्तात व पुजाहारीत सकसिनं ध्‍वंलायेगु ज्‍या याइगु।

यर्मिया 8:7

आकाशय् सलांत्‍याः झंगलं ला छेँ लिहां वनेगु ई स्‍यू। सुकुभत्तु, इखुंचा व सारसं थः मेथाय् च्‍वंवनेगु ई स्‍यू। तर जिमि प्रजां परमप्रभुयागु विधि मस्‍यू।

यर्मिया 9:3

“इमिसं मखुगु खँ ल्‍हायेत थःपिनिगु मेयात धनुष थें बेक्‍वयेकीगु। इमिगु देशय् सत्‍य मखु, बेइमानी हे बेइमानी दु। इमिसं मभिंगु ज्‍या याना जुइ, इमिसं जितः म्‍हमस्‍यू,” परमप्रभुं धयादी।

इजकिएल 11:2

परमप्रभुं जितः धयादिल, “अय् सीमानिम्‍ह मनू, थ्‍व शहरय् मभिंगु ज्‍या यायेत ग्‍वसाः ग्‍वःपिं व मभिंगु सल्‍लाह ब्‍यूपिं मनूत थुपिं हे खः।

आमोस 4:1

अय् सामरिया डाँडाय् च्‍वनीपिं बाशानया ल्‍ह्वंपिं सात, छिपिं मिसात, गुपिन्‍सं चीमिपिन्‍त क्‍वत्‍यलाच्‍वन अले मगाःमचाःपिन्‍त दुःख बियाच्‍वन। अले थः भाःतयात धयाच्‍वन, “जिमित त्‍वनेत छुं हयाबियादिसँ।”

आमोस 6:1

सियोनय् मोजमज्‍जा यानाः आरामं च्‍वनाच्‍वंपिन्‍त व सामरियाया डाँडाय् थःत सुरक्षित ताय्‌कीपिन्‍त धिक्‍कार। छिपिं न्‍हापांगु जातिया नांजाःपिं मनूत खः, ग्‍वाहालि फ्‍वनेत छिमिथाय् इस्राएलया मनूत वयाच्‍वनी।

मीका 3:11

अनच्‍वंपिं नायःतय्‌सं घुस कयाः न्‍याय याइ। अन च्‍वंपिं पुजाहारीतय्‌सं ज्‍याला कयाः स्‍यनी। अले अगमवक्तातय्‌सं धिबाया लागि अगमवाणी याइ। अथे जूसां इमिसं परमप्रभुयाके भलसा कयाः थथे धाइ “परमप्रभु झीगु दथुइ च्‍वनादीगु दु, झीत मभिं जुइ मखु।”

मलाकी 2:7

“पुजाहारीया म्‍हुतुसिं ज्ञानया रक्षा यायेमाः। मनूतय्‌सं वयागु म्‍हुतुं व्‍यवस्‍था मालेमाः। इपिं दक्‍व शक्ति दुम्‍ह परमप्रभुया दूत खः।

लूका 18:24

वय्‌कलं वयात स्‍वयाः धयादिल – “धन-सम्‍पत्ति यक्‍व दुपिन्‍त परमेश्‍वरयागु राज्‍यय् दुहां वनेत गपाय्‌सकं थाकु।

लूका 19:14

अन च्‍वंपिं मनूतय्‌सं धाःसा वयात मिखां हे स्‍वयेमास्‍ति मवः। व वने धुंकाः इमिसं मनूत छ्वयाः ‘थ्‍व मनू जिमि जुजु जुइगु जिमित मयः’ धकाः धाय्‌के छ्वल।