यर्मिया 5:28 - नेवाः बाइबल

²⁸ इपिं यक्‍व नयाः ल्‍ह्वंगु दु। इमिसं मभिंगु ज्‍या यायेगु गुबलें त्‍वःती मखु। इमिसं मांबौ मदुपिनिगु हक लाका काइ, मगाःमचाःपिनिगु न्‍याय याइ मखु।

यर्मिया 5:28 ပူးပေါင်းရင်းမြစ်များ

अय्‍यूब 12:6

दाखुँत थःगु पालय् याउँक च्‍वनाच्‍वनी, अले परमेश्‍वरयात तं चाय्‌कीपिं सुरक्षित जुयाच्‍वनी, इमिगु लागिं इमिगु बल हे इमि द्यः खः।

भजनसंग्रहया सफू 119:70

इमिगु नुगः छाःगु दु, अय्‌नं जि ला छिं स्‍यनातःगु खँया कारणं लय्‌ताः।

भजनसंग्रहया सफू 72:4

जुजुं चीमिपिन्‍त नं उतिग्‍यंक बिचाः यायेमा, मगाःमचाःपिन्‍त ग्‍वाहालि यायेमा अले इमित क्‍वत्‍यलातःपिन्‍त न्‍हंकाछ्वयेमा।

भजनसंग्रहया सफू 73:12

दुष्‍टत धयापिं थज्‍याःपिं का स्‍व। इपिं न्‍ह्याबलें याउँक च्‍वनी, अले धनसम्‍पत्ति जक मुंका जुइ।

भजनसंग्रहया सफू 73:4

इमिसं दुःख सी मखु, इपिं बल्‍लाः व स्‍वये नं ज्‍यू। अले इमिगु उसाँय् नं बांलाः।

हितोपदेश 15:25

घमण्‍डीतय्‌गु छेँयात परमप्रभुं नाश यानादी, भाःत मदुपिं मिसातय्‌गु सम्‍पत्ति धाःसा रक्षा याना तइ।

यशैया 1:23

छिमि न्‍ह्यलुवाःत विद्रोही व खुँतय् पासापिं जुइ धुंकूगु दु। इमिसं न्‍ह्याबलें कोस्‍यालि व घुस नयेत माला जुइ। न्‍याय जुइबलय् इमिसं मांबौ मदुपिनिगु पँली मखु। भाःत मदुपिनिगु मुद्दा इमिथाय् थ्‍यनी मखु।

यर्मिया 12:1

हे परमप्रभु, जिं छिथाय् मुद्दा हइबलय् छिं न्‍ह्याबलें जितः न्‍याय बियादीगु दु। अय्‌नं जितः छिनापं छिगु इन्‍साफया बारे खँ ल्‍हाये मास्‍ति वः। दुष्‍टत छाय् अपाय्‌सकं जियावःगु? मभिंपिं मनूत छाय् याउँक म्‍वानाच्‍वंगु?

यर्मिया 2:33

मतिनामि माला जुइत छ गुलि सः। छं मभिंपिं मिस्‍तय्‌त नं अथे यायेगु स्‍यंगु दु।

यर्मिया 22:3

परमप्रभुं थथे धयादी – खःगु व पाय्‌छिगु ज्‍या या! लुतय् याकाच्‍वंम्‍ह मनूयात अत्‍याचारीया ल्‍हातं बचय् या! परदेशी, मांबौ मदुपिं व भाःत मदुपिन्‍त क्‍वत्‍यके बी मते! थ्‍व थासय् दोष मदुपिनिगु हिबाः वय्‌केबी मते!

यर्मिया 7:6

छिमिसं विदेशी, मां बौ मदुपिं व भाःत मदुपिं मिस्‍तय्‌त क्‍वमत्‍यल धाःसा वा थ्‍व थासय् दोष मदुपिन्‍त मस्‍यात धाःसा अले थःत स्‍यंकीपिं मेपिं द्यःतय्‌त पुजा यायेगु त्‍वःतल धाःसा,

आमोस 4:1

अय् सामरिया डाँडाय् च्‍वनीपिं बाशानया ल्‍ह्वंपिं सात, छिपिं मिसात, गुपिन्‍सं चीमिपिन्‍त क्‍वत्‍यलाच्‍वन अले मगाःमचाःपिन्‍त दुःख बियाच्‍वन। अले थः भाःतयात धयाच्‍वन, “जिमित त्‍वनेत छुं हयाबियादिसँ।”

जकरिया 7:10

भाःत सी धुंकूपिं मिस्‍त व मांबौ मदुपिं मस्‍त, परदेशी वा मगाःमचाःपिन्‍त क्‍वत्‍यले मते। छम्‍हय्‌सिनं मेम्‍हय्‌सित स्‍यंकेगु योजना दय्‌के मते।’

१ कोरिन्‍थी 5:1

छिमिगु दथुइ व्‍यभिचार जुयाच्‍वंगु दु धकाः जितः धाःगु दु। थज्‍याःगु व्‍यभिचार ला यहूदीमखुपिनि दथुइ नं जुइ मखु। छम्‍हय्‌सिनं ला थः हे चिरिमांयात कलाः तयाच्‍वंगु दु हं।

व्‍यवस्‍था 32:15

यशूरून बांलाक नयेत्‍वने दयाः तसकं ल्‍ह्वनावल। अले इमिसं थःपिन्‍त सृष्‍टि यानादीम्‍ह परमेश्‍वर, बल्‍लाःम्‍ह रक्षकयात त्‍वःताहल।