यर्मिया 5:25 - नेवाः बाइबल

²⁵ छिमिगु मभिंगु ज्‍यां यानाः थुपिं खँयात तापाक तःगु दु। छिमिगु पापं यानाः छिमित थ्‍व भिंगु खं तापाकाब्‍यूगु दु।

यर्मिया 5:25 ပူးပေါင်းရင်းမြစ်များ

भजनसंग्रहया सफू 107:17

छुं मनूत थःगु हे विद्रोही पहलं यानाः मूर्ख जुल, अले थःगु अपराधं यानाः दुःख सिल।

भजनसंग्रहया सफू 107:34

वय्‌कलं लखं लाःगु बुँयात चि दुगु मरुभूमि यानादिल। थ्‍व धाःसा अन च्‍वंपिं मनूतय्‌गु मभिंगु ज्‍याया कारणं खः।

यशैया 59:2

तर छिमिगु अधर्मं यानाः छिपिं थः परमेश्‍वरपाखें अलग जूगु दु अले छिमिगु पापं यानाः वय्‌कःया ख्‍वाः छिमिगुपाखें त्‍वःपुया तःगु दु अले वय्‌कलं छिमिगु खँ न्‍यनादी मखु।

यर्मिया 14:1

वा मवःगु दँया बारे यर्मियायाथाय् वःगु परमप्रभुया वचन थ्‍व हे खः –

यर्मिया 14:7

जिमिसं यानागु मभिंगु ज्‍यां जिमिगु विरोधय् साक्षी ब्‍यूसां हे परमप्रभु, छिगु नां तःधंकेत छुं ज्‍या यानादिसँ। जिमिसं तःकः मछि हे छितः त्‍वःतागु दु। जिमिसं छिगु विरोधय् पाप यानागु दु।

यर्मिया 3:3

उकिं परमेश्‍वरं बसन्‍तया वा वयेगु दिकाब्‍यूगु दु, वा वइ मखु। अय्‌नं छंगु ख्‍वाः वेश्‍यायागु थें च्‍वं। छ लज्‍या चाये हे मसः।

यर्मिया 4:18

“हे यहूदा, छंगु ज्‍याखं थ्‍व खँ छं थःके हल। छंगु पापं छंके थ्‍व दुःखकष्‍ट हःगु खः। उकिं छंगु नुगलय् सूगु दु।”

विलाप 3:39

थःगु पापया सजाँयया निंतिं सीमानिपिं मनूतय्‌सं छाय् कचकच यायेगु?

विलाप 4:22

हे म्‍ह्याय् सियोन, छंगु अधर्मया सजाँय सिधल, हाकनं गुबलें छन्‍त देशं पितिना छ्वयादी मखु। तर हे म्‍ह्याय् एदोम, वय्‌कलं छंगु अधर्मया दण्‍डया सजाँय छन्‍त बियादी, अले छंगु पाप क्‍यनादी।