यर्मिया 5:1 - नेवाः बाइबल

¹ “यरूशलेमया लँय् लँय् थाहां क्‍वहां हुँ, प्‍यखेरं स्‍व अले बिचाः या! उकिया चुक चुकय् माला स्‍व, छं छम्‍ह जक नं विश्‍वास यायेबहः जुयाः ज्‍या याइम्‍ह व सत्‍य मालीम्‍ह मनू गनं लुइके फत धाःसा जिं व शहरयात क्षमा यानाबी।

यर्मिया 5:1 ပူးပေါင်းရင်းမြစ်များ

१ राजा 19:10

वं लिसः बिल, “दक्‍व शक्ति दुम्‍ह परमप्रभु परमेश्‍वरया निंतिं जिके यक्‍व जोश दु, इस्राएलीतय्‌सं छिगु बाचायात त्‍वःतूगु दु, छिगु वेदीत थुनाब्‍यूगु दु अले छिकपिनि अगमवक्तातय्‌त तरवारं स्‍याःगु दु। जि जक ल्‍यंदनि, इमिसं जितः नं स्‍यायेत स्‍वयाच्‍वंगु दु।”

२ इतिहास 16:9

छाय्‌धाःसा गुम्‍हय्‌सिगु नुगः परमप्रभुया निंतिं विश्‍वास यायेबहः जू, इमिगु निंतिं थःत बल्‍लाःम्‍ह क्‍यनेत वय्‌कलं थःगु मिखा पृथ्‍वीया फुक्‍क थासय् थुखे उखे ब्‍वय्‌का च्‍वनादी। थुकी छिं मूर्ख ज्‍या यानादिल। उकिं आवंलि छिगु निंतिं लडाइँ हे लडाइँ जुइ।”

भजनसंग्रहया सफू 12:1

हे परमप्रभु! जिमित ग्‍वाहालि यानादिसँ। भिंपिं मनूत छम्‍ह हे मदये धुंकल। विश्‍वास यायेबहःपिं सुं हे मन्‍त।

भजनसंग्रहया सफू 14:2

भिंपिं सुं दु ला, अले परमेश्‍वरयात मालाजुइपिं सुं दु ला धकाः परमेश्‍वरं स्‍वर्गं क्‍वय् मनूतय्‌थाय् स्‍वयादी।

भजनसंग्रहया सफू 14:3

इपिं मखुगु लँय् वने धुंकल। इपिं स्‍यनावने धुंकल। भिंगु याइपिं छम्‍ह हे मदये धुंकल।

भजनसंग्रहया सफू 94:16

दुष्‍टतय्‌गु विरोधय् जिनापं सु दनी? मभिंगु ज्‍या याइपिनिगु विरोधय् जिगु निंतिं सु दनी?

हितोपदेश 20:6

सकसिनं थःत विश्‍वास याये बहःम्‍ह मनू खः धकाः धयाजुइ। तर सुनां अज्‍याःम्‍ह मनू लुइके फइ?

हितोपदेश 23:23

सत्‍य, बुद्धि, दुग्‍यां व भिंगु खँ कायेगु स्‍व! थुमित मी मते।

हितोपदेश 8:3

शहरया ध्‍वाखाय् ध्‍वाखाय् च्‍वनाः वं धयाच्‍वंगु दु,

श्रेष्‍ठगीत 3:2

जिं फुक्‍क शहर चाःहुलाः माला स्‍वये, उकिया लँय् व चुक चुकय् माले। जिं जिमि प्रिययात यय्‌के, जिं वयात माला स्‍वयाः अय्‌नं वयात लुइके मफु।

यशैया 59:4

सुनानं न्‍याय फ्‍वंगु मदु। सुनानं विश्‍वास यायेबहः जुयाः न्‍याय याःगु मदु। इमिसं ज्‍यागलय् मज्‍यूगु खँय् भरोसा तइ व मखुगु खँ ल्‍हाइ। इमिसं मभिंगु जाः ग्‍वइ अले अधर्म बुइकी।

यर्मिया 2:29

“छिमिसं जितः छाय् पाः यानागु? छिपिं सकसिनं जिगु विरोधय् अपराध याःगु दु,” परमप्रभुं धयादी।

यर्मिया 44:15

अले उगु महासभाय् दुपिं मिजंतय्‌सं, थः कलाःपिन्‍सं मेपिं द्यःतय्‌गु लागि धुपाँय् च्‍याकूगु स्‍यूपिं मनूतय्‌सं व अन दनाच्‍वंपिं मेपिं सकलें मिसातय्‌सं अले मिश्रया उत्तरपाखे व दच्‍छिनपाखेयापिं सकलें यहूदाया मनूतय्‌सं यर्मियायात धाल,

यर्मिया 8:6

जिं ध्‍यान बियाः खँ न्‍यनागु दु, तर इमिसं खःगु खँ ल्‍हाः हे मल्‍हाः, सुनानं “थ्‍व जिं छु यानागु” धयाः थःगु मभिंगु ज्‍याया निंतिं पश्‍चाताप मयाः। लडाइँलय् वंम्‍ह सल थें सकलें थथःगु लँय् ब्‍वांवनाच्‍वंगु दु।

यर्मिया 9:2

जिके मरुभूमिइ लँजुवाःत च्‍वनीगु छगूथाय् दुगु जूसा, जि थः मनूतय्‌त त्‍वःताः तापाक च्‍वंवनेगु। छाय्‌धाःसा इपिं सकलें व्‍यभिचारी खः, विश्‍वासघातीतय्‌गु पुचः।

यर्मिया 9:7

उकिं दक्‍व शक्ति दुम्‍ह परमप्रभुं थथे धयादी, “स्‍व! जिं थःम्‍हं हे इमित धातुयात थें शुद्ध याये अले जाँचय् याये। जिमि प्रजां मभिंगु ज्‍या याःगु दु। उकिं जिं इमित मेगु छु यायेगु?

इजकिएल 22:30

“पःखाः हाकनं दय्‌काबीम्‍ह व देश जिपाखें नाश मजुइमा धकाः देशया लागि जिगु न्‍ह्यःने पःखाःया ह्वतय् दनाबीम्‍ह छम्‍ह मनू इमिगु दथुइ जिं स्‍वया, तर जिं सुं मखना।

इजकिएल 9:9

वय्‌कलं जितः धयादिल, “इस्राएल व यहूदाया घरानाया पाप तसकं तःधं। देश मनू स्‍यायेगु ज्‍यां जाःगु दु अले शहर अन्‍यायनं जाःगु दु। इमिसं धाइगु, ‘परमप्रभुं देशयात त्‍वःतादीगु दु, परमप्रभुं मखं।’

दानिएल 12:4

हे दानिएल, छं थ्‍व सफू बन्‍द यानाः झौ छाप ति। अले अन्‍तया ई तक थुपिं वचन सुयातं सीके मते। उगु इलय् यक्‍व मनूत थःगु ज्ञान थकायेत थुखे उखे ब्‍वाँय् जुइ।”

योएल 2:9

इमिसं शहरय् हमला याःवइ। इपिं पःखाः च्‍वय् च्‍वय् ब्‍वाँय् वनी। अले छेँया झ्‍यालय् इपिं खुँत थें दुहां वनी।

आमोस 8:12

मनूत परमप्रभुया वचनयात मालेत छगू समुन्‍द्रंनिसें मेगु समुन्‍द्र तक, अले उत्तरंनिसें पुर्ब तक धेधे चुइका जुइ। तर नं इमिसं माले फइ मखु।

जकरिया 2:4

वं धाल, “ब्‍वाँय् वनाः उम्‍ह ल्‍याय्‌म्‍हम्‍ह मनूयात धा, ‘मनूतय्‌गु व पशुतय्‌गु ल्‍याः यक्‍व अप्‍वः जूगुलिं यरूशलेम पःखाः मदुगु शहर जुइ।

लूका 14:21

“च्‍यलं लिहां वनाः मालिकयात फुक्‍क खँ धयाबिल। तसकं तंम्‍वय्‌काः वं च्‍यःयात थथे धाल – ‘हुँ, शहरया लँय् लँय् व गल्‍लिइ गल्‍लिइ वनाः नये मखंपिं, ल्‍हाःतुति खूपिं व कांपिन्‍त ब्‍वना हजि।’

२ थेसलोनिकी 2:10

नाश जुया वनीपिन्‍त वं थथे यानाः मिखाय् धुलं छ्वाकि, छाय्‌धाःसा इमिसं मुक्ति बीगु सत्‍य खँयात मयय्‌कू।