यर्मिया 49:8 - नेवाः बाइबल

⁸ हे ददानय् च्‍वंपिं, फहिलाः बिस्‍युं हुँ, तज्‍जाःगु गुफाय् सुला च्‍वँ, छाय्‌धाःसा एसावयात सजाँय बीगु इलय् जिं वयाके विपत्ति हये।

यर्मिया 49:8 ပူးပေါင်းရင်းမြစ်များ

यशैया 2:21

पृथ्‍वीयात लिगिलिगि संकेत परमप्रभु दनादीबलय्, परमप्रभुया दण्‍डपाखें बचय् जुइत व वय्‌कःया महिमा व तःजिगु शक्तिपाखें सुपिलेत इपिं तग्‍वःगु ल्‍वहंया गुफाय् व जमिनया प्‍वालय् दुहांवनी।

यशैया 21:13

अरबया बारे अगमवाणी– अय् अरब देशया झालय् बाय् च्‍वनीपिं ददानी बन्‍जातय् पुचः,

यशैया 34:5

जिगु तरवार आकाशय् खनेदः वःगु दु। स्‍व, थुकिं गुकथं एदोमया सन्‍तानयात न्‍याय यानादी। थ्‍व जातियात जिं भज्‍यंक नाश याये त्‍यनागु दु।

यर्मिया 25:23

ददान, तेमा व बूज व ताताःपाःगु थाय् च्‍वंपिं सकसितं,

यर्मिया 46:21

वया ज्‍यालाय्‌ वःपिं सिपाइँत तग्‍वारापिं साचात थें च्‍वं। इपिं छक्‍वलं फहिलाः बिस्‍युं वनी। इपिं दी मखु, छाय्‌धाःसा इमिके विपत्तिया दिं, इमिगु सजाँयया दिं वयाच्‍वंगु दु।

यर्मिया 48:28

हे मोआबय् च्‍वंपिं, छिपिं थथःगु शहरत त्‍वःताः ल्‍वहंधिकय् च्‍वंहुँ! छिपिं गुफाया त्‍वाःया लिक्‍क स्‍वँ दय्‌कीपिं सुकुभत्तु थें जु!

यर्मिया 48:44

“ग्‍यानाः बिस्‍युं वनीपिं गालय् लाइ। गालं च्‍वय् थाहां वइपिं जालय् लाइ। छाय्‌धाःसा मोआबय् जिं वयागु सजाँयया दँ हये,” परमप्रभुं धयादी।

यर्मिया 48:6

बिस्‍युं हुँ! थथःगु ज्‍यान बचय् या! मरुभूमियागु नांगा झाः थें जु!

यर्मिया 49:30

“हे हासोरयापिं मनूत, याकनं बिस्‍युं हुँ! तज्‍जाःगु गुफाय् वनाः सुला च्‍वँ!” परमप्रभुं धयादी। “बेबिलोनया जुजु नबूकदनेसरं छिमिगु विरोधय् जाः ग्‍वःगु दु, अले छिमिगु विरोधय् छगू योजना दय्‌कूगु दु।

यर्मिया 49:32

इमि ऊँटत, यक्‍व सा द्वहं व फैच्‍वलय्‌त लुतय् यानाः यंकी। ताताःपाःगु थासय् च्‍वंपिन्‍त जिं प्‍यखेंपाखे छ्यालब्‍याल यानाबी। अले इमिगु प्‍यखेंपाखें इमिके विपत्ति हये,” परमप्रभुं धयादी।

यर्मिया 50:27

वया फुक्‍क द्वहंचात स्‍यानाब्‍यु! उपिं स्‍याइगु थासय् यंकेमाः! इमित धिक्‍कार दु! छाय्‌धाःसा इमिगु दिं वःगु दु। इमित सजाँय बीगु ई थ्‍यंकः वल।

यर्मिया 6:1

“हे बेन्‍यामीन कुलयापिं मनूत, बचय् जुइत बिस्‍युं हुँ! यरूशलेम शहरं बिस्‍युं हुँ! तको शहरय् तुरही पु! बेथहक्‍केरेमय् झण्‍डा धस्‍वाकि! छाय्‌धाःसा उत्तरपाखें विपत्ति व छगू तःधंगु नाश वयाच्‍वंगु दु।

इजकिएल 25:13

उकिं परमप्रभु परमेश्‍वरं थथे धयादी – जिं एदोमया विरोधय् थःगु ल्‍हाः ल्‍ह्वनाः अनयापिं मनूत व पशुतय्‌त स्‍यानाबी। जिं उकियात तहसनहस यानाबी, अले तेमानंनिसें ददान तक हे इमित तरवारं स्‍याइ।

मलाकी 1:3

एसावयात धाःसा मयय्‌का। जिं वयागु पहाडी देशयात खालिगु ज्‍याख्‍यलय् मदुगु थाय् यानाबिया, अले वयागु सर्बय मरुभूमिया ध्‍वँचातय्‌त त्‍वःताबिया।”

मलाकी 1:4

एदोमीतय्‌सं धया जुइफु, “झीपिं नाश जुइ धुंकूसां झीसं उपिं शहरत हाकनं दय्‌के।” दक्‍व शक्ति दुम्‍ह परमप्रभुं धाःसा थथे धयादी, “इमिसं हाकनं दय्‌कूसां जिं उपिं स्‍यंकाबी। मनूतय्‌सं एदोमयात दुष्‍ट देश धकाः धाइ। परमप्रभु इपिं लिसे न्‍ह्याबलें तंचायादी धकाः मनूतय्‌सं धाइ।

प्रकाश 6:15

अले पृथ्‍वीइ च्‍वंपिं जुजुपिं, ततःधंपिं मनूत, सेनापतित, तःमिपिं, बल्‍लाःपिं, दास व दासमखुपिं, फुक्‍कं गुफा व तःग्‍वःगु ल्‍वहंया कापिचाय्‌ सुचूवन।

न्‍यायकर्ता 6:2

मिद्यानीत इस्राएलीत स्‍वयाः बल्‍लानावन। मिद्यानीतय्‌सं यानाः इस्राएलीत पहाडया कापिचा, गुफात व झतांगालय् सुला च्‍वंवन।

१ शमूएल 13:6

इस्राएलीत तसकं संकष्‍टय् लात, छाय्‌धाःसा इपिं शत्रुतपाखें आपतय् लाःगु खः। अथे जुयाः इपिं गुफाय्, झालय् व लःकुथिइ, ल्‍वहं कापिचाय्‌ व तुंथिइ सुचुवन।