यर्मिया 49:31 - नेवाः बाइबल

³¹ “छिपिं दँ! याउँक व मग्‍यासें च्‍वनाच्‍वंगु छगू जातियात हमला या,” परमप्रभुं धयादी। “इमि न ध्‍वाखा दु न गजबार दु। इपिं याकःचा च्‍वनाच्‍वंगु दु।

यर्मिया 49:31 ပူးပေါင်းရင်းမြစ်များ

भजनसंग्रहया सफू 123:4

तःमिपिनिगु पाखें जिमिसं हेबाय्‌चबाय् याकाच्‍वने माःगु दु। अले तःधंछुया जुइपिनिपाखें हिस्‍याका च्‍वनेमाःगु दु।

भजनसंग्रहया सफू 73:12

दुष्‍टत धयापिं थज्‍याःपिं का स्‍व। इपिं न्‍ह्याबलें याउँक च्‍वनी, अले धनसम्‍पत्ति जक मुंका जुइ।

यशैया 32:11

अय् याउँक च्‍वनाच्‍वंपिं मिसात, थुरथुर खा, हे याउँक च्‍वनाच्‍वंपिं म्‍ह्याय्‌पिं थुरथुर खा। थःगु वसः त्‍वःताः पचिंनांगा जु, अले थथःगु जँय् भांग्रा हिनाब्‍यु।

यशैया 32:9

हे याउँक च्‍वनाच्‍वंपिं मिसात, दँ, अले जिगु खँ ध्‍यान बियाः न्‍यँ, हे याउँक च्‍वनाच्‍वंपिं म्‍ह्याय्‌पिं जिं छु धाये व बांलाक न्‍यँ!

यशैया 42:11

मरुभूमि व अन च्‍वंगु शहरत परमेश्‍वया प्रशंसा या! हे केदार च्‍वनाच्‍वंगु बस्‍तीत वय्‌कःया प्रशंसा या! सेलाय् च्‍वंपिं मनूत पर्वतया च्‍वका च्‍वकां ततःसलं लसताया म्‍ये हा!

यशैया 47:8

“अथे जुयाः हे सुखय् भुलय् जुयाच्‍वंपिं, थःगु रक्षायात वास्‍ता मयासें च्‍वनाच्‍वंपिं, अले थःगु नुगलय् जि हे खः, ‘जि थें ज्‍याःम्‍ह सुं मदु’ धकाः धयाजुइपिं, ‘जि गुबलें भाःत सीम्‍ह थें जुइ मखु, वा काय्‌म्‍ह्याय्‌पिं त्‍वःता च्‍वनेमाली मखु धयागु खँय् ध्‍यान ब्‍यु!’

यर्मिया 48:11

“मोआब मचाबलय् निसें हे याउँक च्‍वनाच्‍वंगु दु। थलय् त्‍वःतातःगु दाखमद्य थें छगः थलं मेगु थलय् मप्‍वंकूगु थें, व देशयात गुबलें ज्‍वनाः यंकूगु मदु। वयागु सवाः न्‍हापायागु थें च्‍वं, वयागु बास्‍ना ह्यूगु मदु।

इजकिएल 30:9

“‘उखुन्‍हु याउँक च्‍वनाच्‍वंपिं कूशीतय्‌त ख्‍याइगु खबर बीत जिगु न्‍ह्यःनं दूतत नांचाय् च्‍वनाः पिहांवनी। मिश्र देश नाश जुइगु दिनय् इपिं ग्‍याइ, छाय्‌धाःसा व दिं धात्‍थें हे वइ।

इजकिएल 38:11

छं थथे धाइ, “पःखाः मदुगु गांत दुगु देशयात जिं हमला याये। पःखाःत, मू ध्‍वाखा व गजबार मदय्‌क शहरय् याउँक च्‍वनाच्‍वंपिं व शंका मयाइपिं जातियात जिं हमला याये।

इजकिएल 39:6

जिं मागोग व समुद्रया सिथय् याउँक च्‍वनाच्‍वंपिन्‍के मि छ्वयाहये, अले इमिसं जि हे परमप्रभु खः धकाः सी।

मीका 7:14

हे परमप्रभु, छिं कथि ज्‍वनाः थः प्रजायात ज्‍वयादिसँ, नायुगु ख्‍यलय् व गुँइच्‍वनीपिं छिगु सर्बयया फैच्‍वलय्‌त ज्‍वयादिसँ। कर्मेल डाँडाया गुँइ याकःचा च्‍वंनाच्‍वंसां इपिं न्‍हापा थें हे बाशान व गिलादय् च्‍वंगु घाँय्‌ख्‍यलय् वनाः ज्‍वयेमा।

नहूम 1:12

परमप्रभुं थथे धयादी, “अश्‍शूरीत बल्‍लाःसां व ल्‍याखय् यक्‍व दःसां इमित नाश याइ अले मदयावनी। अय् यहूदा, जिं छन्‍त दुःख बियागु दु, अय्‌सां आः हाकनं छन्‍त दुःख बी मखुत।

सपन्‍याह 2:15

थ्‍व छगू शहर खः, गुगु शहरं थःम्‍हं थःके गर्व यायेगु याइ अले मग्‍यासें च्‍वनाच्‍वनी, सुनां थःत थथे धाइ, “जि जि हे खः, जि बाहेक मेपिं सुं हे मदु।” आः स्‍व, व गज्‍याःगु उजाड जुल, गुँइ पशुत च्‍वनीगु थाय् जुल। व थाय् जुयावनीपिं फुक्‍कसिनं हेस्‍यानाः मुर्की क्‍यना वनी।

गन्‍ती 23:9

ततःग्‍वःगु ल्‍वहं च्‍वकां जिं इमित खना ततःजाःगु गुँच्‍वकां जिं इमित स्‍वया। इपिं ला अलग च्‍वनीगु जाति खः। इमिसं थःपिन्‍त मेपिं स्‍वयाः अलग स्‍वइगु।

व्‍यवस्‍था 33:28

अले इस्राएलीत याउँक च्‍वनाच्‍वनी, अन्‍न व न्‍हूगु दाखमद्यया देशय् आकाशं सुति लः कुतुं वइगु थासय् याकूबया सन्‍तान जक दयाच्‍वनी।