यर्मिया 49:29 - नेवाः बाइबल

²⁹ इमिगु पाल, फैया बथां, बल्‍चात व फुक्‍क मालसामान यंकीगु जुइ। इमि ऊँटत नं इमिगुपाखें लाकायंकी। मनूतय्‌सं तःसलं इमित धाइ, ‘प्‍यखेरं आतंक हे आतंक दु।’

यर्मिया 49:29 ပူးပေါင်းရင်းမြစ်များ

उत्‍पत्ति 37:25

इपिं नयेत फ्‍यतूबलय् तापाक गिलादं वयाच्‍वंपिं इश्‍माएलीतय्‌त खन। इमिगु ऊँटं नस्‍वाः वःगु मसला, पाय्‌गु वासः व मूर्र क्‍वबियातःगु दु। इपिं मिश्रपाखे वनेत्‍यंपिं खः।

अय्‍यूब 1:3

वयाके न्‍हय्‌द्वःम्‍ह फै, स्‍वद्वःम्‍ह ऊँट, द्वःछिम्‍ह सा द्वहं व न्‍यासःम्‍ह गधा दु। वया यक्‍व दासदासीत नं दु। पुर्बयापिं मनूत मध्‍ये व दकलय् तःमिम्‍ह खः।

भजनसंग्रहया सफू 120:5

धिक्‍कार दु जितः, छाय्‌धाःसा जि मेशेकय् परदेशी जुयाः च्‍वनेमाली, अले केदारया पालतय्‌गु दथुइ च्‍वनेमाःगु दु।

भजनसंग्रहया सफू 31:13

जिं जिगु बारे यक्‍व हे खँ न्‍यनागु दु। जितः प्‍यखें ग्‍यानापुयाच्‍वंगु दु। जिमि शत्रुतय्‌सं जिगु विरोधय् जाः ग्‍वयाः जितः स्‍यायेत स्‍वयाच्‍वंगु दु।

यशैया 13:20

अन हाकनं सुं बाय् च्‍वने फइ मखु। सुं चाचाःहिला जुइपिं मनूतय्‌सं अन पाल ग्‍वइ मखु। सुं जवालं अन पशु ज्‍वये यंकी मखु।

यशैया 60:7

केदारया फुक्‍क फैच्‍वलय्‌तय् बथां छन्‍थाय् मूंवइ। नबायोतया फैतय्‌सं छंगु सेवा याइ। इपिं बलिकथं जिगु वेदीइ नालेबहः जुइ। अले महिमां जाःगु जिगु देगःयात जिं समाः याये।

यर्मिया 10:20

जिगु पाल नाश जूगु दु। उकियागु फुक्‍क खिपः चबूगु दु। जि काय्‌पिं जिथासं वने धुंकल, आः इपिं मन्‍त। जिगु पाल ग्‍वयाबीम्‍ह व जि च्‍वनेगु थाय् दय्‌काबीम्‍ह आः सुं मन्‍त।

यर्मिया 4:20

छगू विपत्तिया लिपा मेगु विपत्ति वइ। छाय्‌धाःसा देश नाश जुइ धुंकूगु दु। आकाझाकां जिगु पाल नाश जुल, जि शरण कायेगु थाय् पलखं हे नाश जुल।

यर्मिया 46:5

तर जिं छु खनाच्‍वना? इपिं ला ग्‍यानाच्‍वंगु दु। इपिं लिचिलाच्‍वंगु दु। इमि सिपाइँत बुत। इपिं हथाय् पथासं बिस्‍युं वनाच्‍वंगु दु। इमिसं लिफः मस्‍वः, प्‍यखेरं आतंक हे आतंक दु,” परमप्रभुं धयादी।

यर्मिया 49:24

दमस्‍कस कमजोर जूगु दु। व बिस्‍युं वनेत्‍यंगु दु। भयनं वयात ज्‍वंगु दु। मचाबू ब्‍यथा जूम्‍ह मिसायात थें च्‍यूताः व सास्‍तीं वयात ज्‍वंगु दु।

यर्मिया 49:5

प्रभु, दक्‍व शक्ति दुम्‍ह परमप्रभुं थथे धयादी, “स्‍व! जिं थःम्‍हं हे छंगु प्‍यखें दुपिंपाखें छंके भय हये। छिपिं सकसितं लिनाछ्वइ। बिस्‍युं जूपिन्‍त मुंकिपिं सुं दइ मखु।

यर्मिया 6:25

बुँइ वने मते, लँय् नं वने मते! छाय्‌धाःसा शत्रु तरवार ज्‍वनाः च्‍वनाच्‍वंगु दु। प्‍यखें आतंक हे आतंक दु।

हबकूक 3:7

जिं कूशनया पालय्‌च्‍वंपिं मनूतय्‌त दुःख जुयाच्‍वंगु व मिद्यानया मनूत तसकं ग्‍यानाः थरथर खानाच्‍वंगु खना।

२ कोरिन्‍थी 4:8

जिमित प्‍यखें दुःखकष्‍ट वयाच्‍वंगु दु। अय्‌नं जिमिसं आशा मत्‍वःता। आछु-आछु कंसां जिमिसं आशा मत्‍वःता।

२ कोरिन्‍थी 7:5

माकेडोनियाय् वयाः नं जिमित सुख दुगु मखु। अन न्‍ह्याथासं नं दुःखकष्‍ट जक जूवल। पिने ल्‍वापु, दुने भय हे भय दु।

न्‍यायकर्ता 6:5

इपिं थःगु सा द्वहं व छाउनी ज्‍वनाः क्‍वःबुइँचाया हुलथें वइगु। इपिं व इमि ऊँटत अल्‍याख दइगु। इपिं लिहां वनीबलय् इमिसं देशयात भज्‍यंक स्‍यंकाथकीगु।

न्‍यायकर्ता 7:12

मिद्यानीत, अमालेकीत व पुर्बयापिं जातित क्‍वःबुइँचाया हुल थें ग्‍वाः ग्‍वाः मुनाः च्‍वनाच्‍वंगु जुयाच्‍वन। इमिके समुद्र सिथया फि ति हे अल्‍याख ऊँटत दु।

न्‍यायकर्ता 8:21

उकिं जेबह व सल्‍मुन्‍नां धाल, “छिं थः हे दनाः जिमित स्‍यानादिसँ, ‘मनू गथे च्‍वं वयागु बल नं अथे हे जुइ।’” उकिं गिदोनं इपिं निम्‍हय्‌सित स्‍यात अले वं इमि ऊँटया गःपतय् दुगु तिसा काल।

न्‍यायकर्ता 8:26

वयात ब्‍यूगु लुँयागु मार्वरितय्‌गु तौल निइगू किलोग्राम ति दुगु जुल। तर उकी मिद्यानी जुजुतय्‌सं पुनीगु तिसा, सिखः व बैजनी रंगयागु वसः अले उँटतय्‌गु गःपःयागु सिखःत मलाः।