यर्मिया 49:28 - नेवाः बाइबल

²⁸ बेबिलोनया जुजु नबूकदनेसरं त्‍याकूगु केदार व हासोरया राज्‍यतय्‌गु बारे – परमप्रभुं थथे धयादी, “केदारय् हमला या, अले पुर्बयापिं मनूतय्‌त नाश या!

यर्मिया 49:28 ပူးပေါင်းရင်းမြစ်များ

उत्‍पत्ति 25:13

न्‍हापां बूकथं इमिगु नां थथे दु, नबायोत, केदार, अदबेल, मिब्‍साम,

उत्‍पत्ति 25:6

थः मसिवं हे अब्राहामं मेपिं कलाःपिनि पाखें दुपिं काय्‌पिन्‍त कोसेलि बियाः थःकाय् इसहाकया पाखें अलग यानाः पुर्बपाखे छ्वयाब्‍यूगु खः।

१ इतिहास 1:29

इश्‍माएलया काय्‌पिं झ्‍वःलिंक थुपिं हे खः – जेठाम्‍ह नबायोत अनंलिपा केदार, अदबेल, मिब्‍साम,

अय्‍यूब 1:3

वयाके न्‍हय्‌द्वःम्‍ह फै, स्‍वद्वःम्‍ह ऊँट, द्वःछिम्‍ह सा द्वहं व न्‍यासःम्‍ह गधा दु। वया यक्‍व दासदासीत नं दु। पुर्बयापिं मनूत मध्‍ये व दकलय् तःमिम्‍ह खः।

भजनसंग्रहया सफू 120:5

धिक्‍कार दु जितः, छाय्‌धाःसा जि मेशेकय् परदेशी जुयाः च्‍वनेमाली, अले केदारया पालतय्‌गु दथुइ च्‍वनेमाःगु दु।

श्रेष्‍ठगीत 1:5

जि हाकुसे च्‍वंम्‍ह खः अय्‌नं जि तसकं हिसि दु, हे यरूशलेमया मिसापिं, केदारया पालत थें जि हाकुसे च्‍वं, तर सोलोमनया देगःया पर्दा थें बांलाः।

यशैया 11:14

इपिं पच्‍छिमपाखे पलिश्‍त देशया पहाडय् स्‍वात्त क्‍वहांवनि। इपिं मिलय् जुयाः पुर्बया मनूतय्‌त लुतय् याइ। इमिसं एदोम व मोआबय् ल्‍हाः तइ अले अम्‍मोनीत इमिगु अधीनय् वइ।

यशैया 21:13

अरबया बारे अगमवाणी– अय् अरब देशया झालय् बाय् च्‍वनीपिं ददानी बन्‍जातय् पुचः,

यशैया 42:11

मरुभूमि व अन च्‍वंगु शहरत परमेश्‍वया प्रशंसा या! हे केदार च्‍वनाच्‍वंगु बस्‍तीत वय्‌कःया प्रशंसा या! सेलाय् च्‍वंपिं मनूत पर्वतया च्‍वका च्‍वकां ततःसलं लसताया म्‍ये हा!

यर्मिया 2:10

“पच्‍छिमपाखे पारि साइप्रसय् वनाः प्‍यखेरं स्‍व, वा पुर्बपाखे केदार देशय् दूत छ्वयाः बांलाक स्‍व, थज्‍याःगु ज्‍या अन गुबलें जूगु दु ला?

यर्मिया 25:23

ददान, तेमा व बूज व ताताःपाःगु थाय् च्‍वंपिं सकसितं,

यर्मिया 25:24

अरब देशयापिं सकलें जुजुपिन्‍त व मरुभूमिइ च्‍वंपिं विदेशीतय् सकलें जुजुपिन्‍त,

यर्मिया 49:14

जिमिसं परमप्रभुपाखें थ्‍व बुखँ न्‍यनागु दु। छम्‍ह दूतयात जाति जातितय्‌थाय् थथे धाय्‌के छ्वःगु खः, “दँ, झीपिं वनापं लडाइँ याः वनेनु।”

यर्मिया 49:33

“हासोर सदांया निंतिं सुनसान जुइ, अन ध्‍वंचात जक च्‍वनी। सुं मनू अन च्‍वनी मखु, सुं मनू अन च्‍वनाच्‍वने फइ मखु,”

इजकिएल 27:21

“‘अरब व केदारयापिं फुक्‍क शासकत छंगु गाहाकि खः। इमिसं छलिसें चीधिकःपिं भ्‍याःचात, भ्‍याःचात व दुगुत हयाः व्‍यापार याइगु।

न्‍यायकर्ता 6:3

इस्राएलीतय्‌सं बुँइ पुसा तइबलय् मिद्यानीत, अमालेकीत व पुर्बयापिं मनूत वयाः इमित हमला याइगु।