यर्मिया 49:23 - नेवाः बाइबल

²³ दमस्‍कसया बारे, “हमात व अर्पाद अलमल जूगु दु, छाय्‌धाःसा इमिसं मभिंगु खबर न्‍यंगु दु। ग्‍यानाः इमिगु नुगः क्‍वतुंगु दु। शान्‍त जुइ मफइगु समुद्र थें इमिगु नुगः इतिमिति कंगु दु।

यर्मिया 49:23 ပူးပေါင်းရင်းမြစ်များ

उत्‍पत्ति 14:15

अब्रामं थः मनूतय्‌त पुचः पुचः दय्‌काः चान्‍हय् प्‍यखेरं हमला यानाः इमित बुकाछ्वत। अले दमस्‍कसया उत्तर पाखे च्‍वंगु होबा तक्‍क लिनाछ्वत।

उत्‍पत्ति 15:2

अब्रामं लिसः बिल, “हे परमप्रभु परमेश्‍वर, मचा हे मदय्‌क छिं जितः छु तःधंगु सिरपाः बियादी? जि सी धुंकाः जिगु फुक्‍क सम्‍पत्ति दमस्‍कसयाम्‍ह एलीएजरं काइ।

२ शमूएल 17:10

थुकथं जुइबलय् न्‍ह्याथें ज्‍याःम्‍ह बल्‍लाःम्‍ह व सिंहया थें ज्‍याःगु नुगः दुम्‍ह मनू जूसां नं ग्‍याइ छाय्‌धाःसा फुक्‍क इस्राएलं छिकपिनि अबु तसकं बल्‍लाःम्‍ह सिपाइँ खः धकाः स्‍यू। अले वया सिपाइँत नं तसकं बल्‍लाःपिं खः।

२ शमूएल 8:9

हमातयाम्‍ह जुजु तोऊनं सोबायाम्‍ह जुजु हददेजेरया फुक्‍क सेनायात दाऊदं बुकूगु खँ न्‍यन।

१ राजा 11:24

दाऊदं सोबाया सेनायात नाश यायेधुंकाः रेसोन मनूत मुंकाः विद्रोहीतय् नायः जुल। अले इपिं दमस्‍कसय् वन, रेसोनं दमस्‍कसय् राज्‍य यात।

२ राजा 17:24

अश्‍शूरयाम्‍ह जुजुं बेबिलोन, कूता, अव्‍वा, हमात व सपर्बेम शहरं मनूत हयाः इस्राएलीतय्‌गु थासय् सामरियाया शहर शहरय् तल। इमिसं उपिं शहरत अधीनय् कयाः अन च्‍वन।

२ राजा 18:34

हमात व अर्पादया द्यःत गन वन? सपर्बेम, हेना व इव्‍वाया द्यःत ग्‍व लय्? छु! इमिसं सामरियायात जिगु ल्‍हातं बचय् यात ला?

२ राजा 19:13

हमातयाम्‍ह जुजु, अर्पादयाम्‍ह जुजु वा लायरयाम्‍ह जुजु वा सपर्बेमयाम्‍ह जुजु वा हेना वा इव्‍वाया जुजुपिं गन दु लय्?”

२ राजा 5:12

छु दमस्‍कसय् च्‍वंगु अबाना व फारपर खुसि इस्राएलया खुसित स्‍वयाः भिं, मजू ला? छु जि उकी लुकुंबियाः शुद्ध जुइ मफइ ला?” उकिं व लिफस्‍वयाः तंम्‍वया वन।

२ इतिहास 16:2

अले आसां परमप्रभुया देगलं व लाय्‌कूया धुकुतिं लुँ, वहः लिकयाः दूतनापं दमस्‍कसय् राज्‍य याइम्‍ह अरामया जुजु बेन-हददयाथाय् छ्वयाः थथे धाल,

प्रस्‍थान 15:15

एदोमयापिं नायःत तसकं ग्‍याइ, मोआबयापिं थकालित थुरथुर खाइ। कनानयापिं फुक्‍क मनूतय् नुगलय् ध्‍यांग्रा थाइ,

यशैया 10:9

छु कल्‍नो, कर्कमीश थें मच्‍वं ला? छु हमात अर्पाद थें व सामरिया दमस्‍कस थें मच्‍वं ला?

यशैया 11:11

उखुन्‍हु परमप्रभुं अश्‍शूर, क्‍वय् व च्‍वय् मिश्र, कूश, एलाम, बेबिलोनिया, हमात व समुद्रया टापुतपाखें थः प्रजाया ल्‍यंदुपिन्‍त त्‍वःतकेत निक्‍वः खुसि थःगु ल्‍हाः हाकनं ल्‍ह्वनादी।

यशैया 13:7

अथे जुयाः फुक्‍क ल्‍हाःत बमलाना वनी, फुक्‍क मनूतय्‌गु नुगः भारा-भारा मिनाः तसकं ग्‍याइ।

यशैया 36:19

हमात व अर्पादया द्यःत गन वन? सपर्बेमया द्यःत ग्‍व लय्? छु! इमिसं सामरियायात जिगु ल्‍हातं बचय् यात ला?

यशैया 37:13

हमातयाम्‍ह जुजु, अर्पादयाम्‍ह जुजु वा लायरयाम्‍ह जुजु वा सपर्बेमयाम्‍ह जुजु वा हेना वा इव्‍वाया जुजुपिं गन दु लय्?”

यशैया 57:20

मभिंपिं धाःसा लबुत थाहां वःगु समुद्र थें खः, व सुम्‍क च्‍वनी मखु, वयागु लखं दाग व भ्‍यातनाः सिलाछ्वइ।

यशैया 7:8

छाय्‌धाःसा अराम वया राजधानी दमस्‍कस स्‍वयाः बमलाः अले दमस्‍कस धाःसा जुजु रसीन स्‍वयाः नं बमलाः। तर इस्राएल खुइ न्‍यादँ दुने थःगु नां हे ल्‍यं मदय्‌क कुचा कुचा दलाः नाश जुयावनी।

यर्मिया 39:5

तर बेबिलोनी सेनां इमित लित, अले सिदकियाहयात यरीहोया ख्‍यलय् लुइकल। इमिसं वयात ज्‍वनाः हमात देशया रिब्‍ला धाःगु थासय् बेबिलोनयाम्‍ह जुजु नबूकदनेसरयाथाय् हल। वं सिदकियाहयात सजाँय बीगु आज्ञा बिल।

इजकिएल 27:18

“‘छंके फुक्‍क कथंया मालताल व यक्‍व धनसम्‍पत्ति दुगुलिं दमस्‍कसं छलिसें व्‍यापार यात। इमिसं छंगु मालताल कयाः हेलबोनया दाखमद्य व जाहारया तँय

आमोस 6:2

कल्‍नेह शहरय् वनाः स्‍व। अनं तःधंगु शहर हमातय् हुँ। अले अनं पलिश्‍तीतय्‌गु गात शहरय् हुँ। छु उपिं राज्‍यत स्‍वयाः छिपिं भिंपिं खः ला? छु इमिगु इलाका छिमिगु स्‍वयाः तःधं ला?

नहूम 2:10

निनवे शहरयात लुतय् याःगु दु, अन झिजांमिजां दंगु दु व तहसनहस जूगु दु। मनूतय्‌गु नुगः ग्‍यानाः न्‍यले धुंकल, इमिगु तुति थुरथुर खानाच्‍वंगु दु, म्‍ह छम्‍हं खानाच्‍वंगु दु, इमिगु ख्‍वाः ग्‍यानाः म्‍हासुइ धुंकल।

गन्‍ती 13:21

अथे जुयाः इपिं अनं थहां वन, जीन धयागु मरुभूमिंनिसें लेबो-हमातया न्‍ह्यःने रहोब तक देशया चिवा काल।

प्रेरित 27:20

तःन्‍हु तक ला जिमिसं नगु व सूर्य तकं स्‍वये मखन। अले हानं ग्‍वःफय् मदिक्‍क वया तुं च्‍वंगुलिं जिमिसं ला म्‍वाइ हे मखुत धकाः धाये धुनागु।

प्रेरित 9:2

दमस्‍कसय् च्‍वंगु धर्मशास्‍त्र स्‍यनीगु छेँयाम्‍ह कजीयात येशूं धाःथें जुइपिं मिसात व मिजंतय्‌त ज्‍वनाः यरूशलेमय् हये दयेमा धकाः भ्‍वं च्‍वया बीत धाल।

२ कोरिन्‍थी 11:32

जि दमस्‍कसय् दुबलय् जितः ज्‍वनेत जुजु अरितसया तःधंम्‍ह हाकिमं शहरयागु ध्‍वाखाय् ध्‍वाखाय् पाः तया तल।

व्‍यवस्‍था 20:8

अले कप्‍तानतय्‌सं मनूतय्‌त थथे नं धा “थन सुं ग्‍याफ्रा व धन्‍दा काइम्‍ह दुसा थःगु छेँय् लिहां वनेमा। छाय्‌धाःसा वं यानाः मेपिं सेनातय्‌गु नुगः क्‍वतुनी।”

यहोशू 14:8

तर जिनापं वंपिं इस्राएलीतय्‌सं मनूतय्‌त ख्‍यात। जिं धाःसा दुनुगलंनिसें परमप्रभु परमेश्‍वरयागु आज्ञा मानय् याना।

यहोशू 2:11

थ्‍व खँ न्‍यनेवं जिमिगु नुगः क्‍वतुन, छिमिसं यानाः साहस हे मन्‍त, छाय्‌धाःसा छिकपिनि परमप्रभु च्‍वय् आकाशय् व क्‍वय् पृथ्‍वीइ परमेश्‍वर खः।