यर्मिया 49:18 - नेवाः बाइबल

¹⁸ परमप्रभुं धयादी, “सदोम व गमोरा अले उकिया जःखः च्‍वंगु शहरत नाश जूबलय् जूगु थें अन सुं नं मनू दइ मखु, सुं मनू नं अन च्‍वनाच्‍वनी मखु।

यर्मिया 49:18 ပူးပေါင်းရင်းမြစ်များ

भजनसंग्रहया सफू 11:6

वय्‌कलं दुष्‍टतय्‌थाय् मि व गन्‍धक गाय्‌कादी। तच्‍वकं क्‍वाःगु फय् छ्वयाः इमित सजाँय बियादी।

यशैया 34:10

व चच्‍छि न्‍हिच्‍छि हे च्‍यानाच्‍वनी। उकियागु कुँ न्‍ह्याबलें थाहां वनाच्‍वनी। पुस्‍तां पुस्‍ता तक व झिजांमिजां दनाच्‍वनी, अनं जुयाः सुं नं हाकनं वनी मखु।

यर्मिया 23:14

यरूशलेमयापिं अगमवक्तातय्‌के नं जिं छगू ग्‍यानापुगु खँ खना। इमिसं व्‍यभिचार याइगु अले मखुगु खँ ल्‍हाइगु। इमिसं मखुगु ज्‍या यायेत मनूतय्‌त ग्‍वाहालि याइगु। सुनानं मभिंगु ज्‍या यायेगु मत्‍वःतू। इपिं सकलें जिगु लागि सदोम थें खः, यरूशलेमयापिं मनूत गमोरा थें जूगु दु।”

यर्मिया 49:33

“हासोर सदांया निंतिं सुनसान जुइ, अन ध्‍वंचात जक च्‍वनी। सुं मनू अन च्‍वनी मखु, सुं मनू अन च्‍वनाच्‍वने फइ मखु,”

यर्मिया 50:40

“सदोम व गमोरा अले उकिया जःखः च्‍वंगु शहरतय्‌त जि परमेश्‍वरं नाश यानागु थें, बेबिलोनय् सुं मनू च्‍वनी मखु। सुं नं मनू अन च्‍वनाच्‍वनी मखु। परमप्रभुं धयादी,

आमोस 4:11

“जिं छिपिं मध्‍ये गुलिंसित सदोम व गमोरायात थें नाश याना। छिपिं च्‍यानाच्‍वंगु मिं लिकागु ह्यंग्‍वाः थें जुल, अथे जूसां छिपिं जिथाय् फहिला मवः,” परमप्रभुं धयादी।

सपन्‍याह 2:9

अथे जुयाः जि धात्‍थें म्‍वाःम्‍ह खः थें” दक्‍व शक्ति दुम्‍ह परमप्रभु इस्राएलया परमेश्‍वरं धयादी, “धात्‍थें मोआब सदोम थें व अम्‍मोनीत गमोरा थें न्‍हाय्‌कंमा बुया वइगु थाय् व चिया गा दुगु थाय् व सदांया निंतिं गंगु थाय् जुइ। अले जिमि ल्‍यंदुपिं प्रजातय्‌सं इमित लुतय्‌ याइ, अले इमिगु देय् अधिकार याइ।”

रोमी 9:29

यशैयां हानं थथे धयातःगु दु – “दक्‍व शक्ति दुम्‍ह परमेश्‍वरं झीत सन्‍तान ल्‍यंका मदीगु जूसा सदोम व गमोरायागु गति जू थें तुं झीगु नं अथे हे गति जुइगु खः।”

व्‍यवस्‍था 29:22

छिमि लिपा वइपिं मचाखाचा व यक्‍व तापाःगु देशं वःपिं परदेशीतय्‌सं छिमिगु देशय् वःगु विपत्ति व परमप्रभुं देशय् हयादीगु ल्‍वय् खनी।

व्‍यवस्‍था 29:23

थ्‍व देशया फुक्‍क जमिन चि व गन्‍धकं झौ जुइ। अन छुं पी नं मज्‍यू, छुं बुया नं वइ मखु, अन घाँय्‌ तक नं बुयावइ मखु। थ्‍व परमप्रभुं थःगु तंम्‍वय् नाश यानादीगु सदोम व गमोरा, अदमा व सबोयीम थें जुइ।

२ पत्रुस 2:6

अथे हे सदोम व गमोरा धाःगु शहरतय्‌त नं परमेश्‍वरं मिं छ्वय्‌काः भस्‍म यानादिल। मभिंपिं मनूत फुक्‍कं अज्‍याःगु हे गति जुयाः सिनावनेमाली धकाः संसारय् च्‍वंपिं मनूतय्‌त ख्‍याच्‍वः बियादिल।

यहूदा 1:7

अथे हे सदोम व गमोरा अले वया जःखः च्‍वंगु शहरयापिन्‍सं छगूया ल्‍यू मेगु यायां घच्‍चाइपुगु व्‍यभिचारया ज्‍या याना हल। परमेश्‍वरं इमित गुबलें मसीगु मिइ तयाः नमूना दय्‌कादिल।