Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




यर्मिया 49:17 - नेवाः बाइबल

17 “एदोम भयया खँ जुइ, अन जूगु नाश खनाः उकिया लिक्‍क जुयाः वनीपिं सकलें वातां जुइ, अले सकसिनं उकियात हेस्‍याइ।”

အခန်းကိုကြည့်ပါ။ ကော်ပီ




यर्मिया 49:17
16 ပူးပေါင်းရင်းမြစ်များ  

आः थ्‍व देगः ल्‍वहंया द्वं जुइ, थ्‍व देगःयागु न्‍ह्यःनें वनीपिं सकलें थ्‍व खनाः थारान्‍हुइ अले इमिसं थथे धाइ, ‘छाय् परमप्रभुं थ्‍व देशयात व थ्‍व देगःयात थथे यानादीगु जुइ?’


थुकथं इमिसं थःगु देशयात घच्‍चाइपुगु न्‍ह्याबलेंया निंतिं न्‍हिइकीगु खँ दय्‌कल। अनं जुयाः वये वने याइपिं सकलें वातां जुइ अले थःगु छ्यं संकी।


बोज्रा शहर नाशया द्वँ जुइ धकाः जिं थःगु हे नामय् पाफये। मनूत व शहर खनाः वातां जुइ, इमिसं थुकियात हेस्‍याइ, जिं इमित लिनाछ्वयागु फुक्‍क जातितय्‌गु दथुइ जिं इमित सराः, भय, गिल्‍ला व निन्‍दाया पात्र दय्‌के। थुकिया फुक्‍क शहरत न्‍ह्याबलेंया निंतिं झिजांमिजां जुइ,” परमप्रभुं धयादी।


परमप्रभुया तमं यानाः अन सुं च्‍वने खनी मखु, तर व झिजांमिजां दंगुथाय् जुइ। बेबिलोन जुयाः वनीपिं सकलें अजू चाइ, अले घाः खनाः इपिं ग्‍याइ।


बेबिलोन छगू नाशया द्वँ जुइ, ध्‍वंचात च्‍वनीगु थाय्, मनूत खनाः व वातां जुइ, व न्‍हीकीगु खँ व सुं मनू मच्‍वनीगु थाय् जुइ।


उकिं परमप्रभु परमेश्‍वरं थथे धयादी – जिं एदोमया विरोधय् थःगु ल्‍हाः ल्‍ह्वनाः अनयापिं मनूत व पशुतय्‌त स्‍यानाबी। जिं उकियात तहसनहस यानाबी, अले तेमानंनिसें ददान तक हे इमित तरवारं स्‍याइ।


जाति जातियापिं व्‍यापारीतय्‌सं छन्‍त हेस्‍याइगु, छ हाकनं गुबलें दइ मखुत, आः छंगु ग्‍यानापुक नाश जुइन।’”


इस्राएलया घरानाया सर्बय उजाड जूबलय् छ लय्‌ताल, उकिं जिं नं छन्‍त अथे हे याये। हे सेइर पर्वत, हे एदोमया फुक्‍क लागा, छ उजाड जुइ। अले छिमिसं जि हे परमप्रभु खः धकाः सी।’”


अले वयात थथे धा, ‘परमप्रभु परमेश्‍वरं थथे धयादी – हे सेइर पर्वत, जि छंगु विरोधय् दु। जिं थःगु ल्‍हाः छंगु विरोधय् ल्‍ह्वनाः छन्‍त झिजांमिजां दंगु व तहसनहस जूगु थाय् यानाबी।


सेइरया पर्वततय्‌त जिं सुनसान व तहसनहस यानाबी, अनं जुयाः वये वने याइपिन्‍त जिं स्‍यानाबी।


छिपिं ओम्रीया विधित व आहाबया घरानायागु दक्‍व खँ पालन यानाः इमिगु थितिकुथिया ल्‍यूल्‍यू जुयाच्‍वंगुलिं जिं छिमित नाश यानाबी। छिमि मनूत दक्‍वसिनं हेपय् याकाः च्‍वनाच्‍वने माली। अले जाति जातियापिं मनूतय्‌सं नं छिमित हेस्‍यानाच्‍वनी।”


थ्‍व छगू शहर खः, गुगु शहरं थःम्‍हं थःके गर्व यायेगु याइ अले मग्‍यासें च्‍वनाच्‍वनी, सुनां थःत थथे धाइ, “जि जि हे खः, जि बाहेक मेपिं सुं हे मदु।” आः स्‍व, व गज्‍याःगु उजाड जुल, गुँइ पशुत च्‍वनीगु थाय् जुल। व थाय् जुयावनीपिं फुक्‍कसिनं हेस्‍यानाः मुर्की क्‍यना वनी।


छिमि लिपा वइपिं मचाखाचा व यक्‍व तापाःगु देशं वःपिं परदेशीतय्‌सं छिमिगु देशय् वःगु विपत्ति व परमप्रभुं देशय् हयादीगु ल्‍वय् खनी।


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ