यर्मिया 49:16 - नेवाः बाइबल

¹⁶ छं हःपाः ब्‍यूगु भय व छंगु नुगःया घमण्‍डं छन्‍त ध्‍वंलाःगु दु। हे ल्‍वहंधीया कापिचाय् च्‍वनीपिं, हे डाँडाया च्‍वका च्‍वकाय् ढुक्‍क जुयाः च्‍वनीपिं, तर छ इमा थें च्‍वय् च्‍वय् ब्‍वःसां, अले नगुतय्‌गु दथुइ छेँ दय्‌का च्‍वंसां अनं जिं छन्‍त बँय् कुर्काबी,” परमप्रभुं धयादी।

यर्मिया 49:16 ပူးပေါင်းရင်းမြစ်များ

२ राजा 14:7

वं चिया ब्‍यासिइ झिद्वःम्‍ह एदोमीतय्‌त स्‍यात। अले लडाइँ यानाः सेला त्‍याका काल। अले उकिया नां योक्तेल तल, गुगु थौं तक दनी।

अय्‍यूब 39:27

गिद्धयात च्‍वय् च्‍वय् ब्‍वयेत व थःगु स्‍वँ तज्‍जाःगु थासय् दय्‌केत छं आज्ञा बियागु खः ला?

हितोपदेश 16:18

अप्‍वः घमण्‍डयात कि नाश जुइ, तःधंछुया जुल कि क्‍वःदली।

हितोपदेश 18:21

म्‍हुतुया वचनं जीवन व मृत्‍यु क्‍वःछी। उकिं थःगु वचनया फल थःम्‍हं फयेमाली।

हितोपदेश 29:23

घमण्‍डं मनूतय्‌त पतन यानाबी। क्‍वमिलु जुयाः जुइपिन्‍सं हनाबना काइ।

श्रेष्‍ठगीत 2:14

छ पहाडया कापि व तग्‍वःगु ल्‍वहंया पाःचाय् च्‍वनीम्‍ह सुकुभत्तु थें च्‍वँ, छंगु ख्‍वाः जितः क्‍यं, छंगु सः न्‍यने दयेमा, छाय्‌धाःसा छंगु सः तसकं न्‍यने यइपुसे च्‍वं व छंगु ख्‍वाः तसकं बांलाः।

यशैया 10:14

सुं छम्‍हय्‌सिनं चखुंया स्‍वँय् ल्‍हाः तः थें जिगु ल्‍हाः नं यक्‍व सम्‍पत्ति दुगु फुक्‍क देशय् थ्‍यंगु दु। त्‍वःताथकूगु खेँय् सुं मनुखं मुंका यंकु थें जिं फुक्‍क देशयात मुंकागु दु। अय्‌नं अन सुनानं पपू मसंकू अले चूँ-चूँ चीँ-चीँ हाला हःगु नं मदु।’”

यशैया 2:21

पृथ्‍वीयात लिगिलिगि संकेत परमप्रभु दनादीबलय्, परमप्रभुया दण्‍डपाखें बचय् जुइत व वय्‌कःया महिमा व तःजिगु शक्तिपाखें सुपिलेत इपिं तग्‍वःगु ल्‍वहंया गुफाय् व जमिनया प्‍वालय् दुहांवनी।

यशैया 49:25

तर परमप्रभुं थथे धयादी, “खः, सिपाइँतय्‌पाखें ज्‍वनायंकूपिं व छाःगु नुगः दुपिंपाखें लाकाः यंकूगु माल लित काये फइ। छनापं ल्‍वाइपिंनापं जि ल्‍वाये अले छिमि मस्‍तय्‌त जिं बचय् याये।

यर्मिया 48:14

“छिमिसं गय् यानाः धाये फुगु? ‘जिपिं बहादुर व बल्‍लाःपिं सिपाइँत खः धकाः।’

यर्मिया 49:15

“स्‍व, जिं छन्‍त जाति जातिया दथुइ चिधं यानाबी। छन्‍त दक्‍वसिनं हेपे याइ।

यर्मिया 50:29

“धनुष वाणं कय्‌किपिं सकलें मनूतय्‌त बेबिलोनया विरोधय् सःता हजि। वया प्‍यखेरं छाउनी तयाः घेरय् या, सुं नं बिस्‍युं वने मफयेमा। वयागु ज्‍या स्‍वयाः वयात बदला ब्‍यु! वं गथे याःगु दु, वयात अथे हे या! छाय्‌धाःसा वं इस्राएलया पवित्र परमेश्‍वरयात मभिंका खँ ल्‍हाःगु दु।

यर्मिया 51:53

बेबिलोन आकाश तक हे थ्‍यन धाःसां अले थःगु ततःधंगु किल्‍लातय्‌त बल्‍लाकल धाःसां जिं वयागु विरोधय् नाश याइपिं छ्वये,” परमप्रभुं धयादी।

आमोस 9:2

गाः म्‍हुयाः इपिं पातालय् क्‍वय् वंसां इमित जिं साला हये। इपिं आकाशय् हे थाहां वंसां जिं इमित साला क्‍वकाये।

हबकूक 2:9

“धिक्‍कार दु वयात, गुम्‍हं अन्‍याय यानाः कमय् याःगुलिं थःगु छेँ दय्‌की। वयागु छेँ तःजाःगु थासय् दय्‌की गुकिं यानाः नाश जुइगुपाखें सुरक्षा जुइ।

मलाकी 1:3

एसावयात धाःसा मयय्‌का। जिं वयागु पहाडी देशयात खालिगु ज्‍याख्‍यलय् मदुगु थाय् यानाबिया, अले वयागु सर्बय मरुभूमिया ध्‍वँचातय्‌त त्‍वःताबिया।”