यर्मिया 49:13 - नेवाः बाइबल

¹³ बोज्रा शहर नाशया द्वँ जुइ धकाः जिं थःगु हे नामय् पाफये। मनूत व शहर खनाः वातां जुइ, इमिसं थुकियात हेस्‍याइ, जिं इमित लिनाछ्वयागु फुक्‍क जातितय्‌गु दथुइ जिं इमित सराः, भय, गिल्‍ला व निन्‍दाया पात्र दय्‌के। थुकिया फुक्‍क शहरत न्‍ह्याबलेंया निंतिं झिजांमिजां जुइ,” परमप्रभुं धयादी।

यर्मिया 49:13 ပူးပေါင်းရင်းမြစ်များ

उत्‍पत्ति 22:16

“परमप्रभुं धयादीगु दु, जिं थःगु हे नामय् बाचा चिने। छं थथे जिगु लागिं थः याकः काय्‌यात तकं मधाःगुलिं जिं छन्‍त तःधंगु आशिष बी।

उत्‍पत्ति 36:33

बेला सी धुंकाः वयागु थासय् बोज्राय् च्‍वंम्‍ह जेरहया काय् योबाब अनयाम्‍ह जुजु जुल।

१ इतिहास 1:44

बेला सीधुंकाः बोज्रायाम्‍ह जेरहया काय् योबाब जुजु जुल।

यशैया 34:6

परमप्रभुया तरवार हिइ थुंगु दु। व दाःनं जाःगु दु, भ्‍याःचा व च्‍वलय्‌तय्‌गु हिलय्, फैतय्‌गु जलासेँया दाकय् थुंगु दु। छाय्‌धाःसा परमप्रभुं थ्‍व बलि बोज्राया शहरय् छायादी, अले वय्‌कलं एदोमया लागाय् यक्‍व स्‍यायेगु पालेगु यानादी।

यशैया 45:23

जिं थःगु हे नामं पाफयागु दु, जि विश्‍वास याये बहःम्‍ह जुयाः जिगु म्‍हुतुं छगू वचन घोषणा यानागु दु, गुगु जिं हाकनं लित काये मखु। फुक्‍क मनूतय्‌सं जिगु न्‍ह्यःने पुलिं चुइ। अले फुक्‍कसिनं जिगु भक्ति याये धकाः पा फइ।

यशैया 63:1

एदोमपाखें व बोज्रापाखें ह्याउँसे च्‍वंगु वसः पुनावःम्‍ह सु खः? झःझः धाःगु वसः पुनाः अले थःगु तःधंगु शक्तिं वयाच्‍वंम्‍ह सु खः? “धार्मिकतां न्‍ववाइम्‍ह व बचय् यायेत तसकं शक्ति दुम्‍ह जि हे खः।”

यर्मिया 18:16

थुकथं इमिसं थःगु देशयात घच्‍चाइपुगु न्‍ह्याबलेंया निंतिं न्‍हिइकीगु खँ दय्‌कल। अनं जुयाः वये वने याइपिं सकलें वातां जुइ अले थःगु छ्यं संकी।

यर्मिया 19:8

अले जिं थ्‍व शहरयात तहसनहस यानाः हेस्‍याइगु खँ यानाबी। शहर तहसनहस जूगु खनाः अनं जुयाः वये वने याइपिं सकलें वातां जुइ अले हेस्‍याइ।

यर्मिया 44:26

तर हे मिश्र देशयापिं सकलें यहूदाया मनूत, परमप्रभुया वचन न्‍यँ! परमप्रभुं धयादी, ‘जिगु तःधंगु नामय् जिं पाफयाच्‍वनागु दु कि मिश्र देशय् च्‍वनाच्‍वंपिं सुं नं यहूदाया मनूतय्‌सं नं “गथे परमप्रभु धात्‍थें म्‍वाःम्‍ह खः” धकाः आवंलि गुबलें जिगु नामं पा फइ मखु वा जिगु नां काइ मखु।

यर्मिया 48:24

किर्योत, बोज्रा व मोआबया लिक्‍क व ताताःपाःगु फुक्‍क शहरयागु।

यर्मिया 49:22

स्‍व! छम्‍ह इमा हथासं ब्‍वयावइ, बोज्राया च्‍वय् वं थःगु पपू चक्‍कंकी। उखुन्‍हु एदोमया सिपाइँतय्‌गु मन मचाबू ब्‍यथा जूम्‍ह मिसायागु थें जुइ।

यर्मिया 51:14

दक्‍व शक्ति दुम्‍ह परमप्रभुं थःगु हे नामय् पाफयादीगु दु – छिमिगु शहरय् जिं क्‍वःबुइँचात थें शत्रुत जाय्‌काबी, इपिं छंगु विरोधय् तःसलं हाली।

योएल 3:19

तर यहूदाय् च्‍वंपिं मनूतय्‌त अत्‍याचार याःगुलिं व द्वंमदुपिनिगु हि बाः वय्‌कूगुलिं, मिश्र देश उजाड जुइ व एदोम छुं बुया मवइगु मरुभूमि जुयावनी।

आमोस 1:12

जिं तेमान शहरय् मि तयाः छ्वय्‌काबी, उकिं बोज्राया किल्‍लात भज्‍यंक नाश याइ।”

आमोस 6:8

परमप्रभु परमेश्‍वरं थःगु हे नामं पाफयादीगु दु। दक्‍व शक्ति दुम्‍ह परमप्रभु परमेश्‍वरं घोषणा यानादी – “जिं याकूबया घमण्‍डयात यय्‌के मखु, अले वया किल्‍लातय्‌त तच्‍वकं मयय्‌के। जिं थुकी दुगु दक्‍वनापं थ्‍व शहरयात शत्रुतय्‌गु ल्‍हातिइ लःल्‍हानाबी।”

ओबदिया 1:18

याकूबया घराना व योसेफया घरानात दनदन च्‍याःगु मि थें जुइ, एसावया घराना छ्वख्‍वः जुइ, अले इमिसं उकियात मि तयाः भस्‍म याइ। एसावया घराना छम्‍ह नं म्‍वाइ मखु।” परमप्रभुं हे थथे धयादीगु दु।