यर्मिया 49:10 - नेवाः बाइबल

¹⁰ तर जिं एसावयात नांगा याये, वं थःत सुचुके मफय्‌मा धकाः जिं व सुलाच्‍वनीगु थाय् खुला यानाबी। वया काय्‌म्‍ह्याय्‌पिं, थःथितिपिं व जःलाखःलापिन्‍त नाश याइ, छम्‍ह नं ल्‍यनी मखु।

यर्मिया 49:10 ပူးပေါင်းရင်းမြစ်များ

भजनसंग्रहया सफू 37:28

छाय्‌धाःसा परमप्रभु सत्‍य यःम्‍ह खः, वय्‌कलं थःत विश्‍वास याइपिन्‍त गुब्‍सं त्‍वःतादी मखु। वय्‌कलं इमित न्‍ह्याबलें बचय् यानादी। मभिंपिं मनूतय् सन्‍तान धाःसा नाश जुइ।

यशैया 17:14

सन्‍ध्‍याकाः इलय् छक्‍वलं भय वइ। सुथय् जुइ न्‍ह्यः तक उपिं दयाच्‍वनी मखु। जिमिगु देय् लुतय् याइपिनिगु गतिपति नं अथे हे जुइ।

यशैया 45:3

जिं छन्‍त सुनानं मखंथाय् सुचुका तयागु धन-सम्‍पत्ति बी। अले छन्‍त छंगु नां कयाः सःताम्‍ह परमप्रभु इस्राएलया परमेश्‍वर जि हे खः धकाः छं सी,

यर्मिया 13:26

उकिं जिं थःम्‍हं हे छंगु लज्‍या खनेदयेमा धकाः छंगु पतसि त्‍वःकाः छंगु ख्‍वालय् थ्‍यंकाबी।

यर्मिया 23:24

“छु सुं मनू जिं खंके मफय्‌क गुप्‍ति थासय् सुले फइ ला? छु स्‍वर्ग व पृथ्‍वीइ न्‍ह्याथाय् नं जि मदु ला?” परमप्रभुं धयादी।

विलाप 4:22

हे म्‍ह्याय् सियोन, छंगु अधर्मया सजाँय सिधल, हाकनं गुबलें छन्‍त देशं पितिना छ्वयादी मखु। तर हे म्‍ह्याय् एदोम, वय्‌कलं छंगु अधर्मया दण्‍डया सजाँय छन्‍त बियादी, अले छंगु पाप क्‍यनादी।

आमोस 9:3

इपिं कर्मेल डाँडाय् सुला च्‍वंसां जिं इमित मालाः ज्‍वने। इपिं जिपाखें सुलाः समुन्‍द्रया क्‍वय् वंसां जिं सर्पयात इमित न्‍यायेगु आज्ञा बी।

ओबदिया 1:6

तर एसावयागु दक्‍व धनसम्‍पत्ति गथे यानाः लुतय् यानायंकी! वयागु सुपिकातःगु धनसम्‍पत्ति गुकथं लुतय् यानायंकी!

ओबदिया 1:9

तेमानय् च्‍वंपिं वीर सिपाइँत सकलें तसकं ग्‍याइ, अले एसावया डाँडाय् च्‍वंपिं छम्‍ह छम्‍ह मनूयात पालाः स्‍यानाछ्वइ।

रोमी 9:13

“याकूबयात माया याना, एसावयात धाःसा मयय्‌का।”