यर्मिया 48:7 - नेवाः बाइबल

⁷ छिमिसं थःगु ज्‍याय् व थःगु धन सम्‍पत्तिइ भलसा तःगुलिं छिमित नं ज्‍वना यंकी। अले कमोश द्यःयात नं थः पुजाहारीत व थः शासकतनापं ताताःपाःगु देशय् यंकी।

यर्मिया 48:7 ပူးပေါင်းရင်းမြစ်များ

२ शमूएल 5:21

पलिश्‍तीत बिस्‍युं वंबलय् इमिसं अन थः द्यःतय्‌गु मूर्तित त्‍वःताथकल अले दाऊद व वया मनूतय्‌सं उपिं मूर्तितय्‌त कयायंकल।

१ राजा 11:33

जिं थथे याये, छाय्‌धाःसा इमिसं जितः त्‍वःताः सीदोनीतय् अश्‍तोरेत द्यःमय्‌जु, मोआबीतय् द्यः कमोश व अम्‍मोनीतय् द्यः मोलोखयात पुजा यात। इपिं जिगु लँपुइ जूगु मदु, जितः यःगु ज्‍या याःगु मदु, सोलोमनया अबु दाऊदं मानय् याःथें जिगु विधि व नियम इमिसं मानय् याःगु मदु।

१ राजा 11:7

यरूशलेमया पुर्बपाखेया पहाडय् वं घच्‍चाइपूम्‍ह मोआबी द्यः कमोश व अम्‍मोनीतय् घच्‍चाइपूम्‍ह द्यः मोलोखयात पुजा याइगु पुजा यायेगुथाय् दय्‌कल।

भजनसंग्रहया सफू 40:4

धन्‍य खः व मनू, गुम्‍हय्‌सिनं परमप्रभुयाके भलसा तइ, गुम्‍हय्‌सिनं मूर्ति पुजा याइ मखु, अले गुम्‍ह मखुपिं द्यःतय्‌त पुजा यानाजुइपिंलिसे जुइ मखु।

भजनसंग्रहया सफू 52:7

“स्‍व, थ्‍व व हे मनू खः गुम्‍हय्‌सिनं परमेश्‍वरयात थःगु किल्‍ला मदय्‌कू, तर थःगु धनय् भलसा तल, मेपिन्‍त स्‍यंकाः थः बल्‍लात।”

यर्मिया 13:25

छंगु ब्‍व थ्‍व हे खः, अर्थात जिगुपाखें छंगु लागि क्‍वःछिनागु ब्‍व” परमप्रभुं धयादी। “छाय्‌धाःसा छं जितः त्‍वःताः मखुपिं द्यःतय्‌गु भलसा काःगु दु।

यर्मिया 43:12

वं मिश्र देशया द्यःतय्‌गु देगलय् मिं नकाबी। वं इमिगु देगःत छ्वय्‌काबी, अले द्यःतय्‌त ज्‍वना यंकी। गथे फैजवाःतय्‌सं थःगु वसतय् च्‍वंगु ससि फुक्‍क लिकाइ, अथे हे वं मिश्र देशय् च्‍वंगु फुक्‍क लिकया छ्वइ अले व अनं छुं हे हानि मजुसें लिहां वइ।

यर्मिया 48:13

गथे थःम्‍हं भलसा तःगु लुँयाम्‍ह द्वंहचाया मूर्तिपाखें बेथेलय् इस्राएल मछालेमाःगु खः, अथे हे मोआब नं वयागु मूर्ति कमोशपाखें मछालेमाली।

यर्मिया 48:46

धिक्‍कार छन्‍त, अय् मोआब! कमोश द्यःया मनूत नाश जुल, छं काय् म्‍ह्याय्‌पिन्‍त ज्‍वनाः मेगु देशय् यंकल।

यर्मिया 49:3

“हे हेश्‍बोन, ख्‍व! छाय्‌धाःसा ऐ शहर नाश जुल। हे रब्‍बायापिं मनूत, चिल्‍लाय् दनाः ख्‍व! भांग्रा हिनाः दुखं च्‍वँ अले ख्‍वख्‍वं पःखाःया दुने थुखे उखे ब्‍वाँय् हुँ! छाय्‌धाःसा छिमि द्यः मोलोखयात, वया पुजाहारीत व हाकिमतनापं मेगु देशय् यंकी।

यर्मिया 49:4

हे विश्‍वास यायेबहः मजूम्‍ह म्‍ह्याय्, छाय् छं थःगु ब्‍यासिया निंतिं, थःगु यक्‍व सइगु ब्‍यासिया निंतिं घमण्‍ड यानागु? जितः सुनां हमला याइ धकाः ‘छं थःगु सम्‍पत्तिइ भलसा तयाः धाइगु?’”

यर्मिया 9:23

परमप्रभुं थथे धयादी, “बुद्धि दुपिन्‍सं थःगु बुद्धियागु खँय् तःधंछुइ मते, बल्‍लाःपिन्‍सं थःगु बलयागु खँय् तःधंछुइ मते, तःमितय्‌सं थःगु धनयागु खँय् तःधंछुइ मते!

होशे 10:13

तर छिमिसं ला अधर्मया पुसात पित, अन्‍यायया फल मुंकल। छिमिसं छलया फल नःगु दु। छिमिसं थःगु हे शक्तिइ भलसा तल, थःगु यक्‍व सिपाइँतय्‌के भलसा तःगुलिं,

गन्‍ती 21:29

हे मोआब, छन्‍त धिक्‍कार दु! कमोश द्यःया प्रजा, छ नाश जुल! वं थः काय्‌पिन्‍त बिस्‍युं जूपिं थें व थः म्‍ह्याय्‌पिन्‍त दासी थें एमोरी जुजु सीहोनयात बिल।

१ तिमोथी 6:17

थ्‍व संसारय् च्‍वंपिं तःमि धाय्‌का च्‍वंपिन्‍त अप्‍वः तःधंछुया जुइ मते धकाः धयाब्‍यु। इमिगु धनसम्‍पत्ति सदां दयाच्‍वनी मखु। उकिं इमित धनसम्‍पत्तिइ मखु, बरु झीत फुक्‍कं बियादीम्‍ह परमेश्‍वरयाके भरोसा तया च्‍वँ धकाः धयाब्‍यु।

प्रकाश 18:7

वं थथःम्‍हं तुं तःधं जुयाः गुलि मोज यात, उलि हे छिमिसं नं वयात दुःखकष्‍ट व ख्‍वबि ब्‍यु। वयागु मनं थथे धाः ‘जि ला महारानी जुयाच्‍वनागु दु। जि विधवा मिसा मखु। जिं गुबलें हे नं दुखं च्‍वनेमाली मखु।’

न्‍यायकर्ता 11:24

छिमि द्यः कमोशं छिमित छु बी छु व छिमिसं मकाइ ला? थुकथं हे जिमि परमप्रभु परमेश्‍वरं पितिना छ्वःपिं मनूतय्‌गु देश जिमिसं काये।