यर्मिया 48:41 - नेवाः बाइबल

⁴¹ किर्योतयात कब्‍जा याइ, अले किल्‍लात अधिकार याइ। उखुन्‍हु मोआबया सिपाइँतय्‌गु नुगः मचाबू ब्‍यथा जूम्‍ह मिसाया नुगः थें जुइ।

यर्मिया 48:41 ပူးပေါင်းရင်းမြစ်များ

यशैया 13:8

मिसातय्‌त मचाबू ब्‍यथा जू थें इमित कष्‍ट व भय जुइ। ग्‍यानाः इपिं छम्‍हय्‌सिनं मेम्‍हय्‌सित छक्‍क जुया स्‍वइ अले इमिगु ख्‍वाः मि च्‍याःथें ह्याउँसे च्‍वनी।

यशैया 21:3

अनंलि जिगु म्‍ह तसकं कष्‍टं जायावल। व दुःखकष्‍ट मचाबू ब्‍यथा जूम्‍ह मिसायागु थें च्‍वं। जिं छु न्‍यना उकिं जिगु छ्यं क्‍वछुल जिं छु खनाः उकिं जिगु नुगः क्‍वतुन,

यर्मिया 30:6

छकः न्‍यनाः ला स्‍व! सुं मिजंम्‍हय्‌सिनं मचा बुइके फइ ला? छाय् जिं सकलें मिजंतय्‌सं मचाबू ब्‍यथा जूम्‍ह मिसां थें थःगु प्‍वाथय् ल्‍हाः तःगु खना? छाय् सकसिगु ख्‍वाः सीम्‍ह थें म्‍हासुसे च्‍वंगु?

यर्मिया 4:31

मचाबू ब्‍यथा जूम्‍ह मिसायागु थें हाःसः, न्‍हापांम्‍ह मचा बुइकूम्‍ह मिसायागु थें ख्‍वःसः जिं ताल। स्‍वाँ स्‍वाँ यानाः थःगु ल्‍हाः फयाः बांलाःम्‍ह यरूशलेमं थथे धयाच्‍वंगु जिं ताल, “जि बेहोश जुयाच्‍वंगु दु, आः जि गथे याये! इपिं जितः स्‍यायेत वयाच्‍वंगु दु।”

यर्मिया 4:9

“उबलय् जुजु व नायःतय्‌गु नुगः क्‍वतुनी। पुजाहारीत वातां जुइ, अगमवक्तात अजू चाइ,” परमप्रभुं धयादी।

यर्मिया 48:24

किर्योत, बोज्रा व मोआबया लिक्‍क व ताताःपाःगु फुक्‍क शहरयागु।

यर्मिया 49:22

स्‍व! छम्‍ह इमा हथासं ब्‍वयावइ, बोज्राया च्‍वय् वं थःगु पपू चक्‍कंकी। उखुन्‍हु एदोमया सिपाइँतय्‌गु मन मचाबू ब्‍यथा जूम्‍ह मिसायागु थें जुइ।

यर्मिया 49:24

दमस्‍कस कमजोर जूगु दु। व बिस्‍युं वनेत्‍यंगु दु। भयनं वयात ज्‍वंगु दु। मचाबू ब्‍यथा जूम्‍ह मिसायात थें च्‍यूताः व सास्‍तीं वयात ज्‍वंगु दु।

यर्मिया 50:37

वया सलत व रथत व वया दथुइ दुपिं विदेशी सिपाइँतय्‌गु विरोधय् छपु तरवार! इपिं मिस्‍त थें बमलाइ। वयागु धन सम्‍पत्तिया विरोधय् छपु तरवार चलय्‌ जुइ, इमित लुतय् याइ।

यर्मिया 50:43

बेबिलोनयाम्‍ह जुजुं इमिगु बारे न्‍यन, वयागु ल्‍हाः याग्‍लाप्‍याग्‍ला जुल। मचाबू ब्‍यथा जूम्‍ह मिसा थें वयात धन्‍दा जुल।

यर्मिया 51:30

बेबिलोनया सिपाइँतय्‌सं लडाइँ यायेगु त्‍वःतूगु दु। इपिं ला थथःगु किल्‍ला दुने हे च्‍वनीगु। इमिगु बल कम जुइ धुंकल। इपिं मिस्‍त थें जूगु दु। इमिगु च्‍वनीगु थाय् मिं नकाबी धुंकल, उकिया ध्‍वाखाया गजबारत त्‍वथुलाबी धुंकल।

यर्मिया 6:24

थ्‍व खँ न्‍यनेवं जिमिगु ल्‍हाः याग्‍लाप्‍याग्‍ला जुल। जिमित तसकं कष्‍ट जुल। जिपिं मचाबू ब्‍यथा जूम्‍ह मिसा थें जुल।

आमोस 2:2

जिं मोआबय् मि तयाबी, अले उकिं किर्योतया किल्‍लात भज्‍यंक नाश याइ। लडाइँया हो हल्‍ला, तःच्‍वगु लडाइँया सः व तुरहीया सःया दथुइ मोआबया मनूत नाश जुइ।

१ थेसलोनिकी 5:3

मनूतय्‌सं प्‍यखें “शान्‍ति दु, ग्‍याये माःगु मदु” धया च्‍वनीबलय् लाक्‍क हे इमिके प्‍वाथय् दुम्‍ह मिसायात मचाबुइ ब्‍यथा जू थें आकाझाकां विनाश जू वइ। अले इपिं छुं यानाः नं बचय् जुइ फइ मखु।