यर्मिया 48:35 - नेवाः बाइबल

³⁵ पुजा यायेगु थासय् बलि छाइपिन्‍त व द्यःतय्‌त धुपाँय् च्‍याकीपिन्‍त जिं मोआबं भज्‍यंक नाश यानाबी,” परमप्रभुं धयादी।

यर्मिया 48:35 ပူးပေါင်းရင်းမြစ်များ

यशैया 15:2

दीबोन ख्‍वयेत देगलय् अले अन च्‍वंगु पुजा यायेगु थासय् थाहां वन। नेबो व मेदबाया निंतिं मोआब ह्वाँय्‌ह्वाँय् ख्‍वल। फुक्‍क सँ खाःगु दु, अले फुक्‍क दाह्री खाःगु दु।

यशैया 16:12

मोआबया मनूत प्रार्थना यायेत च्‍वय् पुजा यायेगुथाय् वनाः ज्‍यालगय् मजूगु प्रार्थना यायां इपिं थाकय् जुइ तर उकिं इमित छुं भिं जुइ मखु।

यर्मिया 11:13

हे यहूदा, छिमिगु गुलि शहरत दु, उलि हे छिमि द्यःत नं दु। यरूशलेमय् गल्‍लि गल्‍लि दु, मछालापुसे च्‍वंम्‍ह बालद्यःया लागि छिमिसं धुपाँय् च्‍याकीगु वेदीत नं उलि हे दय्‌कूगु दु।’

यर्मिया 48:7

छिमिसं थःगु ज्‍याय् व थःगु धन सम्‍पत्तिइ भलसा तःगुलिं छिमित नं ज्‍वना यंकी। अले कमोश द्यःयात नं थः पुजाहारीत व थः शासकतनापं ताताःपाःगु देशय् यंकी।

यर्मिया 7:9

छिमिसं खुइगु, स्‍याइगु, व्‍यभिचार याइगु, अदालतय् मखुगु साक्षी बीगु, बालद्यःया लागि धुपाँय्‌ थनीगु अले थःपिन्‍सं न्‍हापा म्‍हमस्‍यूपिं द्यःतय्‌त पुजा यानाजुइगु।

गन्‍ती 28:14

बां नाप माःगु त्‍वँसाबलि थथे जुइमाः, छम्‍ह छम्‍ह द्वहंचा नापं बच्‍छि हीन, भ्‍याःचानापं छगू हीनया स्‍वब्‍वय् छब्‍व, अले छम्‍ह छम्‍ह भ्‍याःचानापं छगू हीनया प्‍यब्‍वय् छब्‍व दाखमद्य छायेमाः। अमाइखुन्‍हु पतिकं छायेमाःगु होमबलि थ्‍व हे खः।