यर्मिया 48:31 - नेवाः बाइबल

³¹ उकिं जि मोआबया निंतिं ख्‍वये, सकलें मोआबीतय्‌गु निंतिं जि ख्‍वये। कीर-हरेशेतया मनूतय्‌गु निंतिं जिं नुगः मछिंके।

यर्मिया 48:31 ပူးပေါင်းရင်းမြစ်များ

२ राजा 3:25

इमिसं शहरत नाश यानाबिल। इमि फुक्‍कसिनं यक्‍व सइगु फुक्‍क बुँइ ल्‍वहँतं त्‍वःमपुतले ल्‍वहं वांछ्वल। इमिसं लःया फुक्‍क मुहान पनाबिल। अले फुक्‍क भिंगु सिमात पालाबिल। लिपतय् इमिगु राजधानी कीर-हरेशेत जक ल्‍यन। तर कप्‍तांचां कय्‌कीपिन्‍सं उकियात नं घेरय् यानाः हमला यात।

यशैया 15:5

जिगु नुगः मोआबया निंतिं ख्‍वइ। अन च्‍वंपिं बिस्‍युं वनाः सोअर तक अले एग्‍लत-शलीशियाय् तक थ्‍यंकः वन। गुलिं ख्‍वख्‍वं लूहीतपाखे थाहां वनीगु लँय् वन। होरानैमया लँय् इमिसं थःपिनिगु नाश जूगुया निंतिं बिलाप यात।

यर्मिया 48:36

“उकिं बाँसुरी थें जिगु नुगलं मोआबया निंतिं बिलाप याइ। कीर हरेशेतयापिं मनूतय्‌गु निंतिं बाँसुरी थें वं बिलाप याइ। इमिसं कमय् याःगु धन नाश जुल।