यर्मिया 48:27 - नेवाः बाइबल

²⁷ छं इस्राएलयापिं मनूतय्‌त हेस्‍यानागु मखु ला? वा वयात खुँतय्‌गु दथुइ ज्‍वंगु खः ला? छाय्‌धाःसा छं वयागु बारे न्‍ववाक्‍व पतिकं छं वयात हेस्‍यानाः थःगु छ्यं संकीगु।

यर्मिया 48:27 ပူးပေါင်းရင်းမြစ်များ

अय्‍यूब 16:4

जि छिगु थासय् दुगु जूसा जिं नं छिं थें हे खँ ल्‍हाये फइगु। छिगु विरोधय् बांलाक भाषण बियाः छिगुपाखे थःगु छ्यं संके फइगु।

भजनसंग्रहया सफू 44:13

छिं जिमित जिमि जःलाखःलातय्‌त हेस्‍याके बियादीगु दु, जिमि जःखः च्‍वंपिन्‍सं जिमित हेपं ख्‍यानाः हेबाय्‌चबाय् याइगु।

भजनसंग्रहया सफू 64:8

इमिगु थःपिनिगु हे खं इपिं नाश जुइ। इमित खंपिं सकसिनं छ्यं फस्‍वकाः वनी।

भजनसंग्रहया सफू 79:4

जवंखवं च्‍वंपिं जातितय्‌सं झीत हिस्‍यानाच्‍वन। झीत हेबाय्‌चबाय् यानाः इपिं न्‍हिलाच्‍वन।

यर्मिया 18:16

थुकथं इमिसं थःगु देशयात घच्‍चाइपुगु न्‍ह्याबलेंया निंतिं न्‍हिइकीगु खँ दय्‌कल। अनं जुयाः वये वने याइपिं सकलें वातां जुइ अले थःगु छ्यं संकी।

यर्मिया 2:26

“गथे छम्‍ह खुँ ज्‍वनीबलय् लज्‍या चाइ, अथे हे इस्राएलया घराना, इमि जुजुपिं, हाकिमत, पुजाहारीत व अगमवक्तात लज्‍या चाइ।

विलाप 1:12

थ्‍व लँपु जुयावनीपिं सकलें मनूत, छु छिमित थुकियागु छुं वास्‍ता मदु ला? प्‍यखेरं स्‍व व बिचाः या, थःगु तःधंगु तंया दिनय्, परमप्रभुं जितः बियादीगु दुःखकष्‍ट थें ज्‍याःगु मेगु छुं दुःख दु ला?

विलाप 1:7

थःत दुःख जुयाच्‍वंबलय् व थःत आपत जुयाच्‍वंबलय् यरूशलेमं थःगु न्‍हापांगु गौरव लुमंकल। वया मनूत शत्रुतय्‌गु ल्‍हातय् लाःबलय् वयात ग्‍वाहालि याइपिं सुं हे मन्‍त, वया शत्रुतय्‌सं यरूशलेमयागु हासनास खन, अले इपिं व खनाः न्‍हिल।

इजकिएल 25:8

“परमप्रभु परमेश्‍वरं थथे धयादी, ‘मोआब व सेइरं थथे धाःगु दु, “स्‍व, यहूदाया घराना ला मेगु फुक्‍क जातित थें जूगु दु।”

इजकिएल 35:15

इस्राएलया घरानाया सर्बय उजाड जूबलय् छ लय्‌ताल, उकिं जिं नं छन्‍त अथे हे याये। हे सेइर पर्वत, हे एदोमया फुक्‍क लागा, छ उजाड जुइ। अले छिमिसं जि हे परमप्रभु खः धकाः सी।’”

इजकिएल 36:2

परमप्रभु परमेश्‍वरं थथे धयादी – शत्रुं ला छिमिगु बारे धाःगु दु, “आहा! आः ला उपिं पुलांगु पहाडत झीगु जुल।”’

इजकिएल 36:4

उकिं हे इस्राएलया पहाडत, परमप्रभु परमेश्‍वरया वचन न्‍यँ– छिमिगु प्‍यखेरं च्‍वंपिं जातितय्‌सं लुतय्‌ याःगु व क्‍वह्यंकूगु पर्वतत व डाँडात, खुसिचा व ब्‍यासित, दुनाच्‍वंगु छेँत व झिजांमिजां दंगु शहरतय्‌त परमप्रभु परमेश्‍वरं थथे धयादी –

सपन्‍याह 2:10

इमिगु घमण्‍डया हुनिं इमित थथे हे जुइतिनि छाय्‌धाःसा इमिसं दक्‍व शक्ति दुम्‍ह परमप्रभुया प्रजायात हेपे याःगु दु अले हेस्‍याःगु दु।

सपन्‍याह 2:8

“जिं मोआबीतय्‌सं जिमि प्रजायात हेपय् याःगु व अम्‍मोनीतय्‌सं हिस्‍याःगु न्‍यनागु दु, इमिसं जिमि प्रजायात गिजय् यानाः इमिगु देशय् हमला यायेगु ख्‍याच्‍वः ब्‍यूगु दु।

मत्ती 26:55

अले वय्‌कलं ज्‍वंवःपिं मनूतय्‌त धयादिल – “जि छम्‍हय्‌सित ज्‍वनेत थथे तरवार व कथि ज्‍वनावये माःगु छाय्? छु जि दाखुँ खः ला? जिं देगलय् च्‍वनाः न्‍हियान्‍हिथं स्‍यनेकने याना जुयाबलय् छिमिसं जितः छाय् मज्‍वनागु?

मत्ती 27:38

उबलय् हे इमिसं वय्‌कःयागु जवंखवं निम्‍ह दाखुँतय्‌त नं यख्‍खायाबिल।

मत्ती 7:2

छाय्‌धाःसा गथे छिमिसं मेपिन्‍त दोष बिल, अथे हे छिमित नं दोष बी। गुलि छिमिसं कर्पिन्‍त बिल, उलि हे छिमित नं बी।