यर्मिया 48:21 - नेवाः बाइबल

²¹ तज्‍जाःगु माथंवंगु थाय्‌या न्‍याय वःगु दु अर्थात होलोन, यहसाह व मेपात,

यर्मिया 48:21 ပူးပေါင်းရင်းမြစ်များ

यशैया 15:4

हेश्‍बोन व एला तःसलं ख्‍वइ। इपिं ख्‍वःगु सः यहसा तक हे ताये दु। अथे जुयाः मोआबया ल्‍वाभः ज्‍वनातःपिं मनूत तःसलं हालाः ख्‍वइ अले इमिगु नुगः भाराभारा मिनाः ग्‍याइ।

यर्मिया 48:22

दीबोन, नेबो व बेथ दिब्‍लातैम,

यर्मिया 48:34

“हेश्‍बोनं इपिं ख्‍वःगु सः एलाले व यहश तक हे थ्‍यंगु दु, सोअरंनिसें होरोनैम व एग्‍लत-शलीशियाह तक हे, छाय्‌धाःसा निम्रीमया लः नं सुनावने धुंकल।

यर्मिया 48:8

अले परमप्रभुं धयादीगु थें नाश याइम्‍ह छिमिगु फुक्‍क शहरय् वइ, छगू शहर नं बचय् जुइ मखु। ब्‍यासि नं नाश जुइ, पहाडयागु माथंवंगु जमिनयात नं नाश याइ।

इजकिएल 25:9

उकिं जिं मोआबया पच्‍छिमयागु सिमानाय् हमला याकेबी। थुकी दुने मोआबया बांबांलाःगु शहरत बेथ-यशीमोत, बालमोन व किर्यातैम शहर नं लाः।

सपन्‍याह 2:9

अथे जुयाः जि धात्‍थें म्‍वाःम्‍ह खः थें” दक्‍व शक्ति दुम्‍ह परमप्रभु इस्राएलया परमेश्‍वरं धयादी, “धात्‍थें मोआब सदोम थें व अम्‍मोनीत गमोरा थें न्‍हाय्‌कंमा बुया वइगु थाय् व चिया गा दुगु थाय् व सदांया निंतिं गंगु थाय् जुइ। अले जिमि ल्‍यंदुपिं प्रजातय्‌सं इमित लुतय्‌ याइ, अले इमिगु देय् अधिकार याइ।”

गन्‍ती 21:23

अय्‌नं सीहोनं इस्राएलीतय्‌त थःगु देशं जुयावने मब्‍यू। वं थः सेना मुंकाः इस्राएलीतनापं ल्‍वायेत मरुभूमिइ वयाः यहसाय् थ्‍यंकाः अन हे इपिं नापं ल्‍वात।

यहोशू 13:17

हेश्‍बोन व माथुयागु फुक्‍क शहर, दीबोन, बमोत-बाल, बेथ-बाल-मोन,

यहोशू 13:18

यहसा, कदेमोत, मेपात,