यर्मिया 48:13 - नेवाः बाइबल

¹³ गथे थःम्‍हं भलसा तःगु लुँयाम्‍ह द्वंहचाया मूर्तिपाखें बेथेलय् इस्राएल मछालेमाःगु खः, अथे हे मोआब नं वयागु मूर्ति कमोशपाखें मछालेमाली।

यर्मिया 48:13 ပူးပေါင်းရင်းမြစ်များ

१ राजा 11:33

जिं थथे याये, छाय्‌धाःसा इमिसं जितः त्‍वःताः सीदोनीतय् अश्‍तोरेत द्यःमय्‌जु, मोआबीतय् द्यः कमोश व अम्‍मोनीतय् द्यः मोलोखयात पुजा यात। इपिं जिगु लँपुइ जूगु मदु, जितः यःगु ज्‍या याःगु मदु, सोलोमनया अबु दाऊदं मानय् याःथें जिगु विधि व नियम इमिसं मानय् याःगु मदु।

१ राजा 11:7

यरूशलेमया पुर्बपाखेया पहाडय् वं घच्‍चाइपूम्‍ह मोआबी द्यः कमोश व अम्‍मोनीतय् घच्‍चाइपूम्‍ह द्यः मोलोखयात पुजा याइगु पुजा यायेगुथाय् दय्‌कल।

१ राजा 18:40

एलियां इमित धाल, “बालया अगमवक्तातय्‌त ज्‍वँ, इपिं छम्‍हय्‌सित नं त्‍वःते मते।” मनूतय्‌सं इमित ज्‍वन। अले एलियां इमित क्‍वय् कीशोन खुसिइ यंकाः स्‍यात।

२ इतिहास 25:15

उकिं यानाः परमप्रभु तंचायादिल, अले वय्‌कलं छम्‍ह अगमवक्तायात अमस्‍याहयाथाय् छ्वयादिल। उम्‍ह अगमवक्तां न्‍यन, “छिं छाय् थः हे मनूतय्‌त छिगु ल्‍हातं बचय् याये मफुपिं द्यःतय्‌त माला जुयागु?”

यशैया 16:12

मोआबया मनूत प्रार्थना यायेत च्‍वय् पुजा यायेगुथाय् वनाः ज्‍यालगय् मजूगु प्रार्थना यायां इपिं थाकय् जुइ तर उकिं इमित छुं भिं जुइ मखु।

यशैया 2:20

व दिंखुन्‍हु मनूतय्‌सं आराधना यायेत थःम्‍हं दय्‌कूगु वहः व लुँया मूर्तित छुं व चिकंलापाया न्‍ह्यःने वान्‍छ्वया बी।

यशैया 45:16

मूर्ति दय्‌कीपिं फुक्‍कं लाजय् लाइ अले इपिं फुक्‍कसिगु छकलं बेइज्‍जत जुइ।

यशैया 45:20

“छिपिं फुक्‍कं छथाय् मूंवा। छिपिं जात-जातियापिं शरण कायेत वःपिं, फुक्‍क जिगु न्‍ह्यःने वा। सिँया मूर्तित क्‍वबिया जुइपिं, अले बचय् याये मफुपिं द्यःतय्‌के प्रार्थना याइपिं छुं हे मस्‍यूपिं खः।

यर्मिया 48:12

तर स्‍व! ई वयाच्‍वंगु दु,” परमप्रभुं धयादी, “गबले जिं थलं प्‍वंकीपिं मनूत छ्वये, इमिसं व प्‍वंकी। इमिसं वयागु थलत खालि यानाबी अले वयागु थल चुंचुं यानाबी।

यर्मिया 48:39

“व गज्‍याःगु कुचा कुचा जूगु दु, इपिं गपाय्‌सकं ख्‍वयाच्‍वंगु दु। मोआब लज्‍या चाःगु दु व ध्‍वस्‍त जूगु दु, अले वया प्‍यखेरं च्‍वंपिं जातितय्‌सं वयात हेस्‍याइगु अले व खनाः वातां जुइ।”

यर्मिया 48:46

धिक्‍कार छन्‍त, अय् मोआब! कमोश द्यःया मनूत नाश जुल, छं काय् म्‍ह्याय्‌पिन्‍त ज्‍वनाः मेगु देशय् यंकल।

यर्मिया 48:7

छिमिसं थःगु ज्‍याय् व थःगु धन सम्‍पत्तिइ भलसा तःगुलिं छिमित नं ज्‍वना यंकी। अले कमोश द्यःयात नं थः पुजाहारीत व थः शासकतनापं ताताःपाःगु देशय् यंकी।

न्‍यायकर्ता 11:24

छिमि द्यः कमोशं छिमित छु बी छु व छिमिसं मकाइ ला? थुकथं हे जिमि परमप्रभु परमेश्‍वरं पितिना छ्वःपिं मनूतय्‌गु देश जिमिसं काये।