यर्मिया 48:11 - नेवाः बाइबल

¹¹ “मोआब मचाबलय् निसें हे याउँक च्‍वनाच्‍वंगु दु। थलय् त्‍वःतातःगु दाखमद्य थें छगः थलं मेगु थलय् मप्‍वंकूगु थें, व देशयात गुबलें ज्‍वनाः यंकूगु मदु। वयागु सवाः न्‍हापायागु थें च्‍वं, वयागु बास्‍ना ह्यूगु मदु।

यर्मिया 48:11 ပူးပေါင်းရင်းမြစ်များ

भजनसंग्रहया सफू 123:4

तःमिपिनिगु पाखें जिमिसं हेबाय्‌चबाय् याकाच्‍वने माःगु दु। अले तःधंछुया जुइपिनिपाखें हिस्‍याका च्‍वनेमाःगु दु।

भजनसंग्रहया सफू 55:19

न्‍हापांनिसें राज्‍य यानावयाच्‍वंम्‍ह परमेश्‍वरं जिगु सः न्‍यनादी। सेला अले वय्‌कःया भय मकाइपिं व थःपिनिगु लँपु महिलीपिं जिमि शत्रुतय्‌त बुकादी।

हितोपदेश 1:32

बुद्धि मदुपिं मनूत जिपाखें तापानाच्‍वंगुलिं सिनावनी। मूर्खत छुं च्‍यूताः मकासे जूगुलिं नाश जुयावनी।

यशैया 16:6

मोआबया घमण्‍डया बारे जिमिसं न्‍यनागु दु, इपिं गुलि तःधंसू व फुइँ यायेमाःपिं खः धकाः नं जिमिसं स्‍यू तर इमिगु व फुक्‍क फुइँ व्‍यर्थ खः।

यशैया 24:3

पृथ्‍वी फुक्‍क नाश जुयावनी अले फुक्‍क थासय् लुतय् यायेगु याइ, परमप्रभुं हे थ्‍व खँ धयादीगु खः।

यशैया 25:6

थन सियोन पर्वतय् दक्‍व शक्ति दुम्‍ह परमप्रभुं पृथ्‍वीया फुक्‍क जातिया निंतिं छगू भ्‍वय् तयार यानादी। व भ्‍वय् तसकं साःगु चीजबीजं व दक्‍वसिबय् भिंगु दाखमद्यं जाःगु जुइ।

यर्मिया 22:21

छन्‍त सुख जुयाच्‍वंबलय् हे जिं छन्‍त ख्‍याच्‍वः बियागु खः। तर छं जिं न्‍यने मखु धाल। थ्‍व ला ल्‍याय्‌म्‍हबलय् निसेंया छंगु बानी खः, छं जिगु खँ न्‍यंगु मदु।

यर्मिया 48:12

तर स्‍व! ई वयाच्‍वंगु दु,” परमप्रभुं धयादी, “गबले जिं थलं प्‍वंकीपिं मनूत छ्वये, इमिसं व प्‍वंकी। इमिसं वयागु थलत खालि यानाबी अले वयागु थल चुंचुं यानाबी।

यर्मिया 48:29

“मोआब गुलि तःधं जुइमाःम्‍ह खः धयागु खँ जिमिसं न्‍यनागु दु। व तसकं तःधं जुइमाःम्‍ह खः। वयागु फुँइ व नुगःया तःधंछुया बारे जिमिसं न्‍यनागु दु।

यर्मिया 51:34

सियोनयापिं मनूतय्‌सं धाइ, “बेबिलोनयाम्‍ह जुजु नबूकदनेसरं जिमित नयाबिल, वं जिमित अलमल यानाबिल। जिमित वं छगः प्‍वंगु थल थें यानाब्‍यूगु दु। वं जिमित पपुदुपिं अजिङ्‌गरं थें नुनाछ्वल। साःगु नसायात थें जिमित नयाः थःगु प्‍वाः जाय्‌कल, अनंलि ल्‍ह्वयाः जिमित वांछ्वल।

नहूम 2:10

निनवे शहरयात लुतय् याःगु दु, अन झिजांमिजां दंगु दु व तहसनहस जूगु दु। मनूतय्‌गु नुगः ग्‍यानाः न्‍यले धुंकल, इमिगु तुति थुरथुर खानाच्‍वंगु दु, म्‍ह छम्‍हं खानाच्‍वंगु दु, इमिगु ख्‍वाः ग्‍यानाः म्‍हासुइ धुंकल।

नहूम 2:2

परमप्रभुं याकूबयात न्‍हापा इस्राएल झःझः धाःगु थें हाकनं झःझः धाय्‌कादी। छाय्‌धाःसा शत्रुतय्‌सं इमित लुतय् यात, अले इमिगु दाखमा भज्‍यंक नाश यात।

सपन्‍याह 1:12

उबले मत च्‍याकाः जिं यरूशलेमयात माले, अले याउँक च्‍वनाच्‍वंपिन्‍त, कः जुयाच्‍वंगु दाखमद्य थें जुयाच्‍वंपिन्‍त सजाँय बी, अले ‘परमप्रभुं भिं व मभिं छुं नं याइ मखु’ धकाः बिचाः याइपिन्‍त जिं सजाँय बी।

जकरिया 1:15

अय्‌नं जि सुरक्षित जुयाः याउँक च्‍वनाच्‍वंपिं मेमेगु जातितलिसे तसकं तंम्‍वयागु दु। जि थः मनूतलिसें भचा जक तम्‍वयागु खः। अय्‌नं जिं सजाँय बीगु यानागु उपिं जातितय्‌सं इमित बांमलाःगु व्‍यवहार यात।’