यर्मिया 48:10 - नेवाः बाइबल

¹⁰ “अल्‍छी चाचां परमप्रभुया ज्‍या याइम्‍ह मनूयात सराः लायेमा! थःगु तरवारयात हि बाः वय्‌के मब्‍यूम्‍ह मनूयात सराः लायेमा!

यर्मिया 48:10 ပူးပေါင်းရင်းမြစ်များ

१ राजा 20:39

जुजु लिक्‍क थ्‍यनेवं अगमवक्तां वयात धाल, “छसपोल! जि लडाइँ यानाच्‍वनाबलय् छम्‍ह सिपाइँनं छम्‍ह शत्रुयात ज्‍वनाः जिथाय् हयाः थ्‍वयात स्‍वयाच्‍वँ! थ्‍व बिस्‍युं वन धाःसा छन्‍त स्‍यायेगु जुइ वा छं ३४ किलोग्राम वहः पुलेमाली धाल।

१ राजा 20:40

जि ज्‍यां लिमलाःबलय् व मनू बिस्‍युं वन।” जुजुं लिसः बिल, “छं छंगु सजाँय थःम्‍हं हे धयाच्‍वंगु दु, छं थःगु सजाँय फये हे माः।”

१ राजा 20:42

अनंलि अगमवक्तां जुजुयात धाल, “परमप्रभुं थथे धयादी, ‘जिं स्‍या धकाः धयाम्‍ह मनूयात छं त्‍वःताबिल। उकिं वयागु ज्‍यानया पलेसा छंगु ज्‍यान व वया प्रजाया पलेसा छंगु प्रजा जुइ।’”

२ राजा 13:19

अथे याःगुलिं परमेश्‍वरया मनू तंचाल, अले जुजुयात धाल, “छं न्‍याकः खुकः वाणं कय्‌के माःगु खः। थथे याःगु जूसा छं अरामीतय्‌त बुकीगु खः। अले इमित भज्‍यंक नाश याइगु खः। तर आः छं इमित स्‍वकः तक जक बुकी।”

यर्मिया 11:3

छं इमित धा, परमप्रभु इस्राएलयाम्‍ह परमेश्‍वरं थथे धयादी – ‘थ्‍व बाचाया शर्त मानय् मयाइपिं मनूतय्‌त सराः लायेमा।

यर्मिया 47:6

“छिमिसं ख्‍वख्‍वं धाइ, ‘हे परमप्रभुया तरवार, छं गुबलय् आराम कायेगु? छ थःगु दापय् लिहां हुँ, छ सुम्‍क च्‍वँ।’

यर्मिया 47:7

तर परमप्रभुं थ्‍वयात आज्ञा बियादी धुंकाः, वय्‌कलं थ्‍वयात अश्‍कलोनयात व समुद्र सिथय्‌यात हमला यायेगु आज्ञा बीधुंकाः थ्‍वं गय् यानाः आराम काइ?”

यर्मिया 50:25

परमप्रभुं थःगु ल्‍वाभःया धुकू चाय्‌कादीगु दु, अले थःगु तंया ल्‍वाभः पिकयादीगु दु। छाय्‌धाःसा दक्‍व शक्ति दुम्‍ह परमप्रभु परमेश्‍वरं बेबिलोनीतय्‌गु देशय् यायेमाःगु ज्‍या दु।

यर्मिया 50:27

वया फुक्‍क द्वहंचात स्‍यानाब्‍यु! उपिं स्‍याइगु थासय् यंकेमाः! इमित धिक्‍कार दु! छाय्‌धाःसा इमिगु दिं वःगु दु। इमित सजाँय बीगु ई थ्‍यंकः वल।

यहोशू 10:19

तर छिपिं दी मते, छिमि शत्रुतय्‌त लिना हे च्‍वँ, इमि ल्‍युने लाःपिन्‍त स्‍यानाछ्व। इमित थथःगु शहरय् दुहां वनेबी मते। छाय्‌धाःसा परमप्रभु छिमि परमेश्‍वरं इमित छिमिगु ल्‍हातय् बियादीगु दु।”

न्‍यायकर्ता 5:23

परमप्रभुया दूतं, ‘मेरोजयात सराः ब्‍यु’ धाल, ‘सराः ब्‍यु, वया मनूतय्‌त सराः ब्‍यु छाय्‌धाःसा इमिसं परमप्रभुयात भतिचा नं ग्‍वाहालि मब्‍यू, परमप्रभुयात बल्‍लाःपिंलिसें ल्‍वायेत ग्‍वाहालि मब्‍यू।’”

१ शमूएल 15:3

आः छिं अमालेकीतय्‌त हमला या हुँ अले इमिके दुगु फुक्‍क छुं नं ल्‍यंमदय्‌कः भज्‍यंक नाश यानाब्‍यु। इमि फुक्‍क मनूत, मिसात, ल्‍याय्‌म्‍ह ल्‍यासेपिं, मचात, दुरु त्‍वंपिं मचात, सा द्वहं, फै-च्‍वलय्, ऊँट व गधा फुक्‍कं नाश या।’”

१ शमूएल 15:9

तर शाऊल व वया सिपाइँतय्‌सं अगाग जुजुयात बचय् यात अले वया बांबांलाःपिं फै व सा द्वहं, ल्‍ह्वपिं साचा व भ्‍याःचा, गुलिखय् भिंगु भिंगु खँत धाःसा नाश मयासें तया तल। तर ज्‍याख्‍यलय् मजूगु व मू मवंगु फुक्‍क भज्‍यंक नाश यानाछ्वल।