यर्मिया 47:6 - नेवाः बाइबल

⁶ “छिमिसं ख्‍वख्‍वं धाइ, ‘हे परमप्रभुया तरवार, छं गुबलय् आराम कायेगु? छ थःगु दापय् लिहां हुँ, छ सुम्‍क च्‍वँ।’

यर्मिया 47:6 ပူးပေါင်းရင်းမြစ်များ

२ शमूएल 2:26

अबनेरं तःसलं हालाः योआबयात धाल, “छु स्‍यायेगु पालेगु यानां हे तुं च्‍वनेगु ला? उकिया लिच्‍वः लिपा तसकं बांमलाइ धकाः छं मस्‍यू ला? थःथितिपिन्‍त लियेगु त्‍वःति धकाः छु छं थः मनूतय् लित हये मखु ला?”

१ इतिहास 21:27

परमप्रभुं स्‍वर्गदूतयात थःगु ल्‍हातय् दुगु तरवार दापय् तयेत आज्ञा बियादिल, अले स्‍वर्गदूतं अथे हे यात।

भजनसंग्रहया सफू 17:13

हे परमप्रभु! झासँ, जिमि शत्रुतय्‌गु विरोधय् छुं यानादिसँ अले इमित बुकादिसँ। दुष्‍टतपाखें जितः छिगु तरवारं बचय् यानादिसँ।

यशैया 10:15

छु पां वयात छ्यलीम्‍ह मनू स्‍वयाः थःत तःधं याये फइ ला? छु कःतिं थःत छ्यलीम्‍ह स्‍वयाः थःत तःधं याये फइ ला? धाय्‌की तुतां छ्यलीम्‍हय्‌सित तुतांम्‍ह हे छ्यःगु थें अथवा गुगु सिँ मखु उकियात सिँयागु मुगःचां ल्‍ह्वंगु थें।

यशैया 10:5

परमप्रभुं धयादिल, “अश्‍शूरीतय्‌त धिक्‍कार, सुयागु ल्‍हातय् जिगु तंया कथि, तंया तुतां दु!

यर्मिया 12:12

मरुभूमियागु फुक्‍क नांगा डाँडाय् नाश याइपिं थाहां वःगु दु। परमप्रभुयागु तरवारं देशयागु छगू कुन्‍चांनिसें मेगु कुन्‍चा तक नाश याइ, अले सुं नं सुरक्षित जुइ मखु।

यर्मिया 12:4

देशय् गुबलय् तक वा मवयाच्‍वनीगु? ख्‍यलय् च्‍वंगु घाँय् गुबलय् तक गनाः सुकूचिना च्‍वनीगु? देशय् च्‍वंपिं मनूतय्‌सं याःगु मभिंगु ज्‍याया कारणं पशुत व झंगःत फुक्‍क नाश जुइ धुंकल। छाय्‌धाःसा मनूतय्‌सं “झीत छु जुइ, वय्‌कलं खनी मखु” धयाच्‍वंगु दु।

यर्मिया 15:3

परमप्रभुं धयादी, “जिं इमिगु विरोधय् प्‍यंगूकथंया नाश छ्वये। स्‍यायेत तरवार, इमिगु सीम्‍ह लुत्तुलुया यंकेत खिचात, नयेत व नाश यायेत झंगःपन्छि व जंगली पशुत।

यर्मिया 25:27

“अले छं इमित धा, ‘दक्‍व शक्ति दुम्‍ह परमप्रभु, इस्राएलया परमेश्‍वरं थथे धयादी – त्‍वँ, लगे जुइकि, ल्‍ह्व, ग्‍वतु अले हाकनं गुबलें दने मते। छाय्‌धाःसा थ्‍व जिं छिमिगु दथुइ चले यायेगु तरवारया कारणं जुइ।’

यर्मिया 4:21

जिं लडाइँया झण्‍डा गुबलय् तक स्‍वयेमाली? इमिगु तुरहीया सः गुबलय् तक न्‍यनेमाली?

यर्मिया 48:10

“अल्‍छी चाचां परमप्रभुया ज्‍या याइम्‍ह मनूयात सराः लायेमा! थःगु तरवारयात हि बाः वय्‌के मब्‍यूम्‍ह मनूयात सराः लायेमा!

यर्मिया 50:35

“बेबिलोनीतय्‌गु विरोधय् छपु तरवार!” परमप्रभुं धयादी, “बेबिलोनय् च्‍वंपिनिगु विरोधय् अले वया हाकिमत व बुद्धि दुपिं मनूतय्‌गु विरोधय्।

इजकिएल 14:17

“अथवा थ्‍व देशया विरोधय् तरवार हयाः ‘देशया प्‍यखें थ्‍व तरवार चले जुइमा’ धकाः जिं धाल धाःसा अले जिं अन च्‍वंपिं मनूत व पशुत स्‍यानाबिल धाःसा,

इजकिएल 21:30

“‘व तरवार दापय् ति! अय् तरवार, छन्‍त दय्‌कूगु थासय् हे, छं पुर्खातय्‌गु देशय् हे जिं छंगु इन्‍साफ याये।

जकरिया 13:7

“दक्‍व शक्ति दुम्‍ह परमप्रभुं धयादी, हे तरवार, दनाः जिम्‍ह फैजवाःयात हमला या, जिनापं दनाच्‍वनीम्‍ह मनूयात हमला या। वयात स्‍या, अले फैत उखेलाः थुखेलाः जुइ। अले जिं थःगु ल्‍हाः चीधिकःपिं भ्‍याचातय्‌गु विरोधय् ल्‍ह्वने।”

यूहन्‍ना 18:11

वय्‌कलं पत्रुसयात धयादिल – “तरवार दापय् स्‍वथँ। बाःनं जितः त्‍वनेत बियादीगु दुःखयागु ख्‍वला छु जिं मत्‍वनेगु ला?”

न्‍यायकर्ता 7:20

इपिं स्‍वंगू पुचलं हे तुरही पुल अले घः तछ्यात। खव ल्‍हातय् मिप्‍वाः व जव ल्‍हातय् तुरही कयाः इपिं थथे हाल, “परमप्रभुया व गिदोनया निंतिं तरवार।”