यर्मिया 47:4 - नेवाः बाइबल

⁴ छाय्‌धाःसा पलिश्‍तीत नाश जुइगु दिं वःगु दु, अले बचय्‌जूपिं मध्‍ये टुरोस व सीदोनयात ग्‍वाहालि बी फुपिं सकलें नाश जुइ। परमप्रभुं पलिश्‍तीतय्‌त नाश यानादीत्‍यंगु दु, कप्‍तोरया सिथं वःपिं सकसितं।

यर्मिया 47:4 ပူးပေါင်းရင်းမြစ်များ

उत्‍पत्ति 10:15

कनानं सीदोनयात बुइकल।

१ इतिहास 1:12

पत्रुसीत, कस्‍लूहीत (पलिश्‍तीत थुपिंपाखें वःपिं खः) व कप्‍तोरीतय् पुर्खा खः।

अय्‍यूब 9:13

परमेश्‍वरं थःगु तं क्‍वलाकादी मखु, राहाबया ग्‍वाहालिमितय्‌सं वय्‌कःया न्‍ह्यःने छ्यं क्‍वछुकी।

भजनसंग्रहया सफू 37:13

परमप्रभु मभिंपिं खनाः न्‍हिलादी, छाय्‌धाःसा वय्‌कलं स्‍यू, इपिं याकनं नाश जुयावनी।

यशैया 10:3

सजाँयया दिं व तापाकं वइगु आपत विपत वइबलय् छिमिसं छु यायेगु? छिपिं ग्‍वाहालिया निंतिं गन वनेगु? छिमिगु धन-सम्‍पत्ति गन त्‍वःतावनेगु?

यशैया 14:31

हे शहरया मू ध्‍वाखात तःसलं ख्‍व! छिपिं सकलें पलिश्‍तीतय्‌सं भय का! उत्तरपाखें कुँया सुपाँय् वयाच्‍वंगु दु, वया सिपाइँतय् झ्‍वलय् छम्‍ह नं ग्‍याइ मखु।

यशैया 20:6

व दिंखुन्‍हु समुद्रया सिथय् च्‍वंपिं फुक्‍क मनूतय्‌सं धाइ, ‘स्‍व, अश्‍शूरया जुजुपाखें बचय् जुइत सुयाके सुयाके झीसं भलसा तयागु खः व गुम्‍हय्‌सिथाय् ग्‍वाहालिया निंतिं झीपिं बिस्‍युं वयागु खः, इमिगु हे हालत थथे धाःसा झीपिं गुकथं बिस्‍युं वने फइ?’”

यशैया 31:8

“अश्‍शूरीत तरवारं क्‍वःदलीतिनि, गुगु तरवार मनूतय्‌पाखें मखु। व हे तरवारं इपिं नाश जुइतिनि, गुगु सीमानीपिं मनूतय्‌गु मखु। व तरवारया न्‍ह्यःनं इपिं बिस्‍युं वनी। अले इमि ल्‍याय्‌म्‍हपिं मनूतय्‌त दासयात थें ज्‍या याकी।

यर्मिया 46:10

तर व दिं प्रभु, दक्‍व शक्ति दुम्‍ह परमप्रभुया दिं खः, बदला काइगु दिं, थः शत्रुतय्‌त बदला काइगु दिं। लुमधंतले तरवारं नाश याइ, हि त्‍वनाः वं प्‍याःचाः लंकी। छाय्‌धाःसा उत्तरयागु देशय्, यूफ्रेटिस खुसि सिथय्, प्रभु, दक्‍व शक्ति दुम्‍ह परमप्रभुं बलि छानादी।

इजकिएल 21:25

“‘अय् इस्राएलयाम्‍ह अपवित्र व दुष्‍ट शासक, छंगु लिपांगु दिं व सजाँयया ई थ्‍यंकः वःगु दु।

इजकिएल 21:29

छंगु बारे मखुगु दर्शन खंसां तबि, छंगु लागि मखुगु ज्‍वखना स्‍वःसां तबि उपिं स्‍याये हे माःपिं दुष्‍टत, गुपिनिगु दिं वये धुंकल, गुपिनिगु लिपांगु सजाँयया ई वये धुंकल, इमिगु ककुइ पालेत व तरवारयात छ्यलीगु जुइ।

इजकिएल 25:16

उकिं जि, परमप्रभु परमेश्‍वरं धाये – जिं पलिश्‍तीतय्‌गु विरोधय् थःगु ल्‍हाः ल्‍ह्वने त्‍यनागु दु, जिं करेतीतय्‌त खतम यानाबी, समुद्र सिथय् ल्‍यनाच्‍वंपिन्‍त नाश यानाबी।

इजकिएल 30:8

जिं मिश्र देशय् मि तयाबीबलय् अले वयात ग्‍वाहालि बीपिं फुक्‍क चुंचुं जुइबलय् इमिसं जि हे परमप्रभु खः धकाः सी।

इजकिएल 7:12

ई वःगु दु, दिं लिक्‍क वये धुंकल। न्‍याइम्‍ह लय्‌मतायेमा। मीम्‍ह दुःखी मजुइमा। छाय्‌धाःसा तं इमि फुक्‍क भीडयाके लाःगु दु।

होशे 9:7

सजाँयया ई न्‍ह्यःने थ्‍यंकः वःगु दु। इमिगु पापया पलेसा काइगु ई वःगु दु। इस्राएलं थ्‍व खँ सी। छिमिगु यक्‍व पाप व तःधंगु इखयागु कारणं छंगु निंतिं अगमवक्तात मूर्ख व आत्‍मां जाःपिं मनूत वँय् थें जुइ।

आमोस 9:7

“अय् इस्राएलीत, छिपिं जिगु निंतिं कूशया सन्‍तान थें खः” परमप्रभुं धयादी। “छु जिं इस्राएलीतय्‌त मिश्र देशंनिसें, पलिश्‍तीतय्‌त कप्‍तोरंनिसें, अले अरामीतय्‌त कीरंनिसें लिकानाः हयागु मखु ला?

लूका 21:22

छाय्‌धाःसा थ्‍व धर्मशास्‍त्रय् च्‍वयातःगु फुक्‍कं पूवंकेत पलेसा काइगु दिं खः।

व्‍यवस्‍था 2:23

अले गाजा तक गांगामय् च्‍वनाच्‍वंपिं अव्‍वीतय्‌त कप्‍तोरं वःपिं कप्‍तोरीतय्‌सं नाश यानाबिल। अले इपिं इमिगु थासय् च्‍वन।)

यहोशू 22:30

रूबेन, गाद व मनश्‍शे कुलयापिं मनूतय्‌सं धाःगु खँ न्‍यनाः पुजाहारी पीनहास व इस्राएलया खलःया नायःत लय्‌ताल।