यर्मिया 47:1 - नेवाः बाइबल

¹ मिश्रयाम्‍ह जुजु फारों गाजाय् हमला याये न्‍ह्यः पलिश्‍तीतय्‌गु बारे यर्मिया अगमवक्तायाथाय् वःगु परमप्रभुया वचन थ्‍व हे खः,

यर्मिया 47:1 ပူးပေါင်းရင်းမြစ်များ

उत्‍पत्ति 10:19

थुकथं कनान वंशयागु लागा सीदोनंनिसें दच्‍छिनपाखे गाजाया लिक्‍क च्‍वंगु गरार तक, पुर्बपाखे सदोम, गमोरा, अदमा व लाशाया लिक्‍क च्‍वंगु सबोयीम तक थ्‍यन।

१ राजा 4:24

वं यूफ्रेटिस खुसिया पच्‍छिमपाखेया फुक्‍क देश, अर्थात तिफसांनिसें कयाः पच्‍छिमपाखे गाजा तक शासन याइगु खः अले प्‍यखें शान्‍ति दु।

यशैया 14:29

हे फुक्‍क पलिश्‍तीत, छिमित दाइगु कथि त्‍वधूल धकाः लय्‌ताये मते, छाय्‌धाःसा छम्‍ह सर्प सी सा वया थासय् मेम्‍ह बिष दुम्‍ह सर्प वइ। वया खेँचं अप्‍वः बिष दुम्‍ह सर्प पिहां वइ।

यर्मिया 25:20

अले अन दुपिं फुक्‍क विदेशी मनूतय्‌त व ऊज देशयापिं सकलें जुजुपिन्‍त, पलिश्‍तीतय् सकलें जुजुपिन्‍त, (अश्‍कलोन, गाजा व एक्रोन, अले अश्‍दोदया म्‍वानाच्‍वंपिन्‍त),

इजकिएल 25:15

“परमप्रभु परमेश्‍वरं थथे धयादी, ‘पलिश्‍तीतय्‌सं बदला कायेगु ज्‍या यात, थःगु नुगलय् ईख तयाः बदला कायेगु ज्‍या यात, अले पुलांगु दुश्‍मनी कयाः यहूदायात नाश यायेत स्‍वल।

इजकिएल 25:16

उकिं जि, परमप्रभु परमेश्‍वरं धाये – जिं पलिश्‍तीतय्‌गु विरोधय् थःगु ल्‍हाः ल्‍ह्वने त्‍यनागु दु, जिं करेतीतय्‌त खतम यानाबी, समुद्र सिथय् ल्‍यनाच्‍वंपिन्‍त नाश यानाबी।

योएल 3:4

“हे टुरोस, सीदोन व पलिश्‍तीया फुक्‍क लागाय् च्‍वंपिं मनूत, जिनापं छिमिगु छु ज्‍या दु? छु छिमिसं जिं यानागु ज्‍यायागु पलेसा जिके कायेत्‍यनागु खः ला? छिमिसं कायेत्‍यनागु खः धयागु जूसा, व जिं याकनं हे छिमिगु छेनय् प्‍वंकाबी।