यर्मिया 46:4 - नेवाः बाइबल

⁴ सलया म्‍हय् लगाम च्‍यु! हे सलगइपिं, सल गयाः नँयागु तपुलि पुयाः थथःगु थासय् दँ! छिमिगु भाला च्‍वामुकि। छिमिगु म्‍हय् कवच फ्‍यु!

यर्मिया 46:4 ပူးပေါင်းရင်းမြစ်များ

२ इतिहास 26:14

फुक्‍क सेनाया निंतिं उज्‍जियाहं ढाल, भाला, तपुलि, छातिपाता, धनु व न्‍यातिइ तइगु ल्‍वहंचा तयार यात।

नहेम्‍याह 4:16

उखुन्‍हुंनिसें जिगु अधीनय् दुपिं बच्‍छि मनूतय्‌सं पखाः दय्‌केगु ज्‍या यानाच्‍वन। मेपिं मनूत धाःसा भाला, ढाल व वाण ज्‍वनाः नयागु पाता फिनाः च्‍वनाच्‍वनीगु। नायःत धाःसा यहूदाया फुक्‍क मनूतय् ल्‍युने च्‍वनीगु।

यशैया 8:9

हे जाति जातियापिं मनूत तसकं हा! थरथर खाखां छथाय् मुं! हे पृथ्‍वीया तापाक्‍क तापाक्‍क देशय् च्‍वंपिं मनूत, न्‍यँ, लडाइँ यायेत तयार जु तर भय का! खः धात्‍थें हे भय का।

यर्मिया 46:14

“मिश्र देशय् सुचं ब्‍यु! मिग्‍दोलय् घोषणा या, नोप व तहपनेसय् नं घोषणा या, ‘तयार जुयाः थथःगु थाय् कयाः दँ, छाय्‌धाःसा तरवारं छिमिगु प्‍यखेरं क्‍वापक्‍वाप नयाच्‍वंगु दु।’

यर्मिया 51:11

“वाण च्‍वामुकि! ढालत का! परमप्रभुं मादीतय् जुजुपिन्‍त ग्‍वाकादीगु दु, छाय्‌धाःसा बेबिलोनयात नाश यायेगु हे वय्‌कःया बिचाः खः। परमप्रभुं बदला कयादी, थःगु देगःया निंतिं बदला।

यर्मिया 51:3

धनुष वाणं कय्‌कीम्‍हय्‌सिनं थःगु धनुषय् वाण मतयेमाः। अले व थःगु नँपाता फिनाः मदनेमाः। वया ल्‍याय्‌म्‍हपिं मनूतय्‌त त्‍वःते मते! वया फुक्‍क सेनायात भज्‍यंक नाश यानाब्‍यु।

इजकिएल 21:28

“अय् सीमानिम्‍ह मनू, छं अगमवाणी यानाः धा, ‘अम्‍मोनीत व इमिगु अपमानया बारे परमप्रभु परमेश्‍वरं थथे धयादी, “‘छपु तरवार, छपु तरवार, दापं स्‍याये पालेत लिकाःगु दु। हाबलासा थें प्‍वालाक्‍क च्‍यायेत व थीकातःगु दु।

योएल 3:9

जाति जातितय्‌गु दथुइ थथे धकाः घोषणा या, लडाइँ यायेत तयार जु! बहादुर सिपाइँतय्‌त न्‍यंकि! दक्‍व सिपाइँतय्‌त मुंकि अले हमला या।

१ शमूएल 17:38

अनंलि शाऊलं दाऊदयात थःगु हे गा न्‍यय्‌कल, नँ पाताया लं फिकाः, कँय्‌यागु तपुलि छेनय् पुइकल।

१ शमूएल 17:5

वयागु छेनय् कँय्‌यागु तपुलि दु अले वं खुइगू किलोग्राम दुगु कँय्‌यागु कोट फिनातःगु दु।