यर्मिया 46:14 - नेवाः बाइबल

¹⁴ “मिश्र देशय् सुचं ब्‍यु! मिग्‍दोलय् घोषणा या, नोप व तहपनेसय् नं घोषणा या, ‘तयार जुयाः थथःगु थाय् कयाः दँ, छाय्‌धाःसा तरवारं छिमिगु प्‍यखेरं क्‍वापक्‍वाप नयाच्‍वंगु दु।’

यर्मिया 46:14 ပူးပေါင်းရင်းမြစ်များ

यर्मिया 46:10

तर व दिं प्रभु, दक्‍व शक्ति दुम्‍ह परमप्रभुया दिं खः, बदला काइगु दिं, थः शत्रुतय्‌त बदला काइगु दिं। लुमधंतले तरवारं नाश याइ, हि त्‍वनाः वं प्‍याःचाः लंकी। छाय्‌धाःसा उत्तरयागु देशय्, यूफ्रेटिस खुसि सिथय्, प्रभु, दक्‍व शक्ति दुम्‍ह परमप्रभुं बलि छानादी।

यर्मिया 44:1

मिश्र देशया उत्तरय् च्‍वंगु शहरत मिग्‍दोल, तहपनेस, नोप व मिश्रय् दच्‍छिनपाखे च्‍वंपिं सकलें यहूदाया मनूतय्‌गु बारे परमप्रभुयागु थ्‍व वचन यर्मियायाथाय् वल।

नहूम 2:13

दक्‍व शक्ति दुम्‍ह परमप्रभुं धयादी, “जि छंगु विरोधय् दु। जिं छंगु रथतय्‌त च्‍याकाबी अले अन कुँया कुं जुइ, अले ल्‍याय्‌म्‍ह सिंहतय्‌त तरवारं स्‍याइ। जिं छंगु निंतिं पृथ्‍वीइ शिकार त्‍वःते मखु। अले छन्‍त खबर हइम्‍हय्‌सिया सः आवंलि न्‍यनेदइ मखु।”

यर्मिया 2:30

“छिमि मनूतय्‌त मफतय् जिं सजाँय बिया, भिंकेगु जिगु शिक्षायात इमिसं नाला मका। क्‍वाप्‍प नइम्‍ह सिंहं थें छिमि अगमवक्तातय्‌त छिमिसं स्‍याःगु दु।

यशैया 1:20

तर छिमिसं मानय् मयात व जिगु विरोध यात धाःसा छिमित तरवारं पालाः स्‍यानाछ्वइ। परमप्रभुं हे थ्‍व खँ धाःगु खः।”

यर्मिया 12:12

मरुभूमियागु फुक्‍क नांगा डाँडाय् नाश याइपिं थाहां वःगु दु। परमप्रभुयागु तरवारं देशयागु छगू कुन्‍चांनिसें मेगु कुन्‍चा तक नाश याइ, अले सुं नं सुरक्षित जुइ मखु।

यशैया 34:6

परमप्रभुया तरवार हिइ थुंगु दु। व दाःनं जाःगु दु, भ्‍याःचा व च्‍वलय्‌तय्‌गु हिलय्, फैतय्‌गु जलासेँया दाकय् थुंगु दु। छाय्‌धाःसा परमप्रभुं थ्‍व बलि बोज्राया शहरय् छायादी, अले वय्‌कलं एदोमया लागाय् यक्‍व स्‍यायेगु पालेगु यानादी।

यशैया 31:8

“अश्‍शूरीत तरवारं क्‍वःदलीतिनि, गुगु तरवार मनूतय्‌पाखें मखु। व हे तरवारं इपिं नाश जुइतिनि, गुगु सीमानीपिं मनूतय्‌गु मखु। व तरवारया न्‍ह्यःनं इपिं बिस्‍युं वनी। अले इमि ल्‍याय्‌म्‍हपिं मनूतय्‌त दासयात थें ज्‍या याकी।

२ शमूएल 2:26

अबनेरं तःसलं हालाः योआबयात धाल, “छु स्‍यायेगु पालेगु यानां हे तुं च्‍वनेगु ला? उकिया लिच्‍वः लिपा तसकं बांमलाइ धकाः छं मस्‍यू ला? थःथितिपिन्‍त लियेगु त्‍वःति धकाः छु छं थः मनूतय् लित हये मखु ला?”

प्रस्‍थान 14:2

“इस्राएलीतय्‌त थथे धा, थ्‍व हे लं फस्‍वयाः मिग्‍दोलपाखे हुँ। अले मिग्‍दोल व लाल समुद्रया दथुइ पी-हहीरोत सतिक्‍क, अले बाल-सेफोनया चुलिंचू लाकाः समुद्र सिथय् पाल ग्‍वयाः च्‍वँ।

व्‍यवस्‍था 32:42

जिगु वाणतय्‌त हि त्‍वंके बी, अले जिगु तरवारं ला नइ। जिं फुक्‍क शत्रुतय्‌त स्‍यानाबी, कैदीतय्‌त तकं नं अले शत्रुतय् नायःतय्‌गु छ्यं ध्‍यनाबी।”

यशैया 19:13

सोअनया हाकिमत मूर्ख जुइ धुंकल। नोपया नायःतय्‌सं धोखा नयेधुंकल। इपिं थः मनूतय् मू ल्‍वहं थें जुयाः मिश्र देय्‌या मनूतय्‌त मखुगु लँय् यंकूगु दु।

यर्मिया 46:2

यूफ्रेटिस खुसि सिथय् च्‍वंगु कर्कमीशय् योशियाहया काय् यहूदाया जुजु यहोयाकीमं राज्‍य यानाच्‍वंगु प्‍यंगूगु दँय् बेबिलोनया जुजु नबूकदनेसरं त्‍याकूम्‍ह मिश्र देशयाम्‍ह जुजु फारो नेकोया सेनाया बारे,

यर्मिया 46:19

हे मिश्र देशय् च्‍वंपिं, कैदी जुयाः वनेत थःगु सामान प्‍वःच्‍यु, छाय्‌धाःसा नोप नाश जुइ, मनू मदयाः व झिजांमिजां जुइ।

इजकिएल 21:28

“अय् सीमानिम्‍ह मनू, छं अगमवाणी यानाः धा, ‘अम्‍मोनीत व इमिगु अपमानया बारे परमप्रभु परमेश्‍वरं थथे धयादी, “‘छपु तरवार, छपु तरवार, दापं स्‍याये पालेत लिकाःगु दु। हाबलासा थें प्‍वालाक्‍क च्‍यायेत व थीकातःगु दु।

इजकिएल 30:13

“‘परमप्रभु परमेश्‍वरं थथे धयादी – “‘जिं मूर्तितय्‌त नाश यानाबी। नोपय् दुगु झ्‍वातात मदय्‌काबी। मिश्र देशय् हाकनं गुबलें शासक दइ मखु, थुकथं जिं थ्‍व देशय् आतंक थ्‍यंकाबी।

होशे 9:6

इपिं आपत बिपतपाखें बिस्‍युं वःसां मिश्र देशय् च्‍वंपिन्‍सं इमिगु सीम्‍ह मुंकी अले नोपय् इमित थुनाबी। इमिगु वहःया धुकुतिइ, अले न्‍हापा इमिगु छेँ दुगु थासय् घाँय्‌घिइ व कंया झाः बुया वइ।

यर्मिया 2:16

अज्‍ज नोप व तहपनेशयापिं मनूत वयाः छिमिगु छ्यंया मुकुटयात तछ्याना ब्‍यूगु दु।