यर्मिया 45:5 - नेवाः बाइबल

⁵ तर न्‍यँ! छं थःगु निंतिं ततःधंगु खँ माला च्‍वनागु ला? अथे माले मते! जिं थःम्‍हं हे फुक्‍क मनूतय्‌के विपत्ति हये, परमप्रभुं धयादी, तर छ न्‍ह्याथाय् वंसां जिं अन छंगु ज्‍यान बचय् यानाः छन्‍त म्‍वाकातये।’”

यर्मिया 45:5 ပူးပေါင်းရင်းမြစ်များ

१ राजा 3:11

अले परमेश्‍वरं वयात धयादिल, “छं थःगु लागि ताहाकःगु आयु वा धन-सम्‍पत्ति नां वा थः शत्रुत सीगु मफ्‍वंसें खःकथं जिमि प्रजायात न्‍याय यायेत बुद्धि फ्‍वन।

१ राजा 3:9

उकिं छिकपिनि प्रजायात खःकथं शासन यायेगु बुद्धि थः दासयात बियादिसँ। थुकिं जिं भिं व मभिंया दथुइ छु पाः व म्‍हसीके फइ। मखुसा गथे यानाः जिं थुलिमछि मनूतय्‌त शासन याये फइ?”

२ राजा 5:26

तर एलीशां धाल, “व मनू रथं क्‍वहां वयाः छन्‍त नापलाः वःबलय् जिगु आत्‍मा छनापं मदु धकाः ला? थ्‍व धिबा, वसः, जैतून व दाखक्‍यब, दास दासी, फइ व सा द्वहं कायेगु ई मखु।

भजनसंग्रहया सफू 131:1

हे परमप्रभु, जिगु नुगः फुइँक्‍क च्‍वंगु मदु, जिगु मिखा नं तःधंछु मजू। तःधंगु व जिगु लागि थाकुगु खँनापं जिं स्‍वापु मतया।

यशैया 66:16

मि व तरवारपाखें परमप्रभुं फुक्‍क मनूतय्‌गु न्‍याय यानादी, अले परमप्रभुपाखें सीपिं यक्‍व हे दइ।

यर्मिया 21:9

सु थ्‍व शहरय् च्‍वनाच्‍वनी व तरवार, अनिकाल वा महामारीं सी। तर सु पिहां वनाः छिमित घेरय् यानाच्‍वंपिं बेबिलोनीतय्‌थाय् शरण काःवनी व म्‍वाइ। वयागु जीवन धाःसा वयागु इनाम जुइ।

यर्मिया 25:15

परमप्रभु इस्राएलया परमेश्‍वरं जितः थथे धयादिल, “जिगु ल्‍हातं थ्‍व तंया दाखमद्यया ख्‍वला का, अले जिं छन्‍त गुगु गुगु जातियाथाय् छ्वये, उपिं फुक्‍क जातियात व त्‍वंकि।

यर्मिया 25:16

जिं इमिथाय् छ्वयागु तरवारं यानाः थ्‍व त्‍वनाः इपिं धेधे चुइ अले वें जुइ।”

यर्मिया 25:26

अले उत्तरपाखे सत्तीक व तापाक च्‍वंपिं सकलें जुजुपिन्‍त छकलं त्‍वंका, थुकथं पृथ्‍वीइ दुगु फुक्‍क राज्‍यया फुक्‍क मनूतय्‌त त्‍वंके बिया। इमिगु लिपा बेबिलोनयाम्‍ह जुजुं नं त्‍वनी।

यर्मिया 25:31

हल्‍लाया लिथ्‍वः पृथ्‍वीया ताताःपाःगु थासय् तक ताये दइ। छाय्‌धाःसा पृथ्‍वीया फुक्‍क जातितलिसें परमप्रभुया मुद्दा दु, वय्‌कलं फुक्‍क मनूतय्‌गु न्‍याय यानादी। दुष्‍टतय्‌त धाःसा वय्‌कलं तरवारं पालादी,’” परमप्रभुं धयादी।

यर्मिया 38:2

“परमप्रभुं थथे धयादी ‘सु थ्‍व शहरय् च्‍वनी व तरवार, अनिकाल व महामारीं सी। तर गुम्‍ह बेबिलोनीतय्‌थाय् वनाः आत्‍मसमर्पण याइ व म्‍वाइ। वं थःगु ज्‍यान बचय् याइ, अले व म्‍वाइ।’

यर्मिया 39:18

‘जिं छन्‍त बचय् याये। छन्‍त तरवारं स्‍याइ मखु, तर छ थःगु ज्‍यान बचय् यानाः बिस्‍युं वनी। छाय्‌धाःसा छं जितः भरोसा याःगु दु,’ परमप्रभुं धयादी।”

सपन्‍याह 3:8

अथे जुयाः परमप्रभुं धयादी, “बयान बीत जि मदंतले छिमिसं जितः पियाच्‍वँ। जाति जातित अले राज्‍य राज्‍यतय्‌त मुंकाः इमित जिगु तं, जिगु ग्‍यानपुस्‍से च्‍वंगु तं प्‍वंकेगु जिगु मनसुवा दु, छाय्‌धाःसा फुकं पृथ्‍वी हे जिगु नुगः मुया वःगु मिं झौ जुइ।

रोमी 12:16

छिपिं फुक्‍कं मिलय् चले जुयाः च्‍वनेगु या। तःधंछु जुइ मते, थःत जक यःथें याना जुइ मते, बरु चिधंपिं नाप बुला जुइगु बानी त्‍वःते मते। गुबलें घमण्‍डी जुइ मते।

हिब्रू 13:5

छिमिगु जीवनय् धिबायागु लोभं तापाक च्‍वँ। थःके गुलि दु उलिं हे लुधंका च्‍वँ। परमेश्‍वरं धयादीगु दु – “जिं छिमित गुबलें त्‍वःते मखु, जिं छिमित गुबलें त्‍यागय् याये नं मखु।”