यर्मिया 45:4 - नेवाः बाइबल

⁴ “उकिं परमप्रभुं धयादी – छं वयात थथे धा, ‘परमप्रभुं थथे धयादी – जिं छु दय्‌कागु दु, व जिं स्‍यंकाबी। जिं पृथ्‍वी न्‍यंक छु पिनागु दु व जिं लिनाकाये।

यर्मिया 45:4 ပူးပေါင်းရင်းမြစ်များ

उपदेशक 3:3

स्‍यायेगु छगू ई दु, लाय्‌केगु छगू ई दु। थुनेगु छगू ई दु, दय्‌केगु छगू ई दु।

यर्मिया 1:10

स्‍व, थौं जिं छन्‍त जाति जाति व राज्‍य राज्‍यया अधिकार बी, इमित लेहें थनेगु व स्‍यंकेगु, नाश यायेगु व वांछ्वयेगु, दय्‌केगु व पीगु अधिकार छन्‍त बी।”

यर्मिया 11:17

जि दक्‍व शक्ति दुम्‍ह परमप्रभुं, छिमित पिनागु खः, जिं छिमिथाय् विपत्ति हयेगु फैसला यानागु दु। छाय्‌धाःसा इस्राएलया घराना व यहूदाया घरानां मभिंगु ज्‍या याःगु दु। बालद्यःया निंतिं धुपाँय् च्‍याकाः जितः तंचाय्‌कूगु दु।

यर्मिया 12:2

छिं इमित पिनादिल, इमिसं हा नं काःगु दु, इपिं थाहां वइ अले फल नं बी। इमिगु म्‍हुतुइ छिगु नां ला दु, तर इमिगु मन छिपाखें तापाः।

यर्मिया 31:28

गथे जिं इमित कुतः यानाः लिनाकया, क्‍वथलाबिया, वांछ्वयाबिया, नाश याना व ध्‍वस्‍त याना, अथे हे कुतः यानाः पी, सुसाःकुसाः याये अले ब्‍वलंके।” परमप्रभुं धयादी।

विलाप 2:6

वय्‌कलं थः च्‍वनेगु थाय्‌यात क्‍यबयागु बल्‍चा थें स्‍यंकादीगु दु, वय्‌कलं थःगु नापलायेगु थाय् नाश यानादीगु दु, परमप्रभुं सियोनय् पवित्र नखःचखः व विश्रामबारत दिकादीगु दु। थःगु तसकं तःजिगु तम्‍वय् वय्‌कलं जुजु व पुजाहारी निम्‍हय्‌सित नं त्‍वःतादीगु दु।

होशे 2:14

“अथे जुयाः जिं वयात ह्यय्‌काः हाकनं मरुभूमिइ यंके, अले वलिसें नाइसे च्‍वंक खँ ल्‍हाये।

व्‍यवस्‍था 28:63

परमप्रभुं लय्‌ताःतां भिं यानादीगु व ल्‍याः अप्‍वयेकादीगु थें हे छिमित लय्‌ताःतां भज्‍यंक नाश यानादी। अले छिमिसं अधिकार यायेत दुहां वनेत्‍यंगु देशं छिमित लिनाः वांछ्वइ।