यर्मिया 45:1 - नेवाः बाइबल

¹ यहूदाया जुजु, योशियाहया काय्, यहोयाकीमं राज्‍य यानाच्‍वंगु प्‍यंगूगु दँय् नेरियाहया काय्, बारूकं यर्मिया अगमवक्तां च्‍वकेत नवाःगु थुपिं वचन छथू भ्‍वँतय् च्‍वये धुंकाः यर्मियां वयात धाल,

यर्मिया 45:1 ပူးပေါင်းရင်းမြစ်များ

२ राजा 24:1

यहोयाकीम जुजु जुयाच्‍वंबलय् बेबिलोनयाम्‍ह जुजु नबूकदनेसरं देशय् हमला यात। यहोयाकीम स्‍वदँ तक वयागु अधीनय् च्‍वन। तर स्‍वदँ लिपा वं थःगु मन हीकाः नबूकदनेसरया विरोधय् विद्रोह यात।

२ इतिहास 36:5

यहोयाकीम निइन्‍यादँ दुबलय् जुजु जूगु खः, वं यरूशलेमय् झिंछदँ राज्‍य यात। वं परमप्रभु थः परमेश्‍वरया मिखाय् मभिंगु ज्‍या यात।

यर्मिया 25:1

यहूदाया जुजु योशियाहया काय् यहोयाकीमं राज्‍य यानाच्‍वंगु प्‍यंगूगु दँय् (थ्‍व दँ नबूकदनेसर बाबेलया जुजु जूगु न्‍हापांगु दँ खः) यहूदाया फुक्‍क मनूतय्‌गु बारे परमप्रभुया वचन यर्मिया अगमवक्तायाथाय् वल.

यर्मिया 26:1

योशियाहया काय् यहूदायाम्‍ह जुजु यहोयाकीमया शासनया शुरुया इलय् थ्‍व वचन परमप्रभुपाखें वल,

यर्मिया 32:12

अले जिमि ककाया काय् हनमेल, बुँ न्‍यानागु भ्‍वँतय् सही याःपिं साक्षीत व पिवाःया चुकय् च्‍वंपिं फुक्‍क यहूदी मनूतय् न्‍ह्यःने व भ्‍वँ जिं नेरियाहया काय्, महसेयाहया छय् बारूकयात बिया।

यर्मिया 32:16

“जिं नेरियाहया काय् बारूकयात व बुँ न्‍यानागुया भ्‍वँ बीधुंकाः जिं परमप्रभुयात थथे प्रार्थना याना,

यर्मिया 36:1

यहूदाया जुजु योशियाहया काय् यहोयाकीमं राज्‍य यानाच्‍वंगु प्‍यंगूगु दँय् परमप्रभुपाखें यर्मियायाथाय् वःगु वचन थ्‍व हे खः,

यर्मिया 36:2

“छथू थूतुलातःगु भ्‍वँ कयाः उकी इस्राएल, यहूदा व मेगु फुक्‍क जातिया बारे जिं छन्‍त धयागु फुक्‍क खँ च्‍व। योशियाह जुजुया पालय् जिं छलिसें खँ ल्‍हानागु दिनंनिसें थौं तक जिं छु छु धया, व फुक्‍क खँ च्‍व।

यर्मिया 36:26

उकिया पलेसा जुजुं थःकाय् यरहमेल, अज्रीएलया काय् सरायाह व अबदीलया काय् शेलेम्‍याहयात च्‍वमि बारूक व यर्मिया अगमवक्तायात ज्‍वनाः हयेगु आज्ञा बिल। तर परमप्रभुं इमित सुचुकादीगु खः।

यर्मिया 36:32

अले यर्मियां मेगु छथू भ्‍वँ हयाः नेरियाहया काय् च्‍वमि बारूकयात बिल। वं यहूदायाम्‍ह जुजु यहोयाकीमं छ्वय्‌काब्‍यूगु भ्‍वंया थूयागु फुक्‍क वचन यर्मियाया म्‍हुतुं न्‍यँन्‍यं उकी च्‍वल। उपिं वचनय् उपिं वचन थें ज्‍याःगु मेमेगु वचन नं तन।

यर्मिया 36:4

उकिं यर्मियां नेरियाहया काय् बारूकयात सःतल अले बारूकं परमप्रभुं यर्मियायात धयादीगु फुक्‍क खँ यर्मियायागु म्‍हुतुं न्‍यनाः भ्‍वँतय् च्‍वल।

यर्मिया 45:2

“बारूक, परमप्रभु, इस्राएलया परमेश्‍वरं छन्‍त थथे धयादी –

यर्मिया 46:2

यूफ्रेटिस खुसि सिथय् च्‍वंगु कर्कमीशय् योशियाहया काय् यहूदाया जुजु यहोयाकीमं राज्‍य यानाच्‍वंगु प्‍यंगूगु दँय् बेबिलोनया जुजु नबूकदनेसरं त्‍याकूम्‍ह मिश्र देशयाम्‍ह जुजु फारो नेकोया सेनाया बारे,

यर्मिया 51:59

यहूदाया जुजु सिदकियाहं राज्‍य यानाच्‍वंगु प्‍यंगूगु दँय् मासेयाहया छय्, नेरियाहया काय् मू हाकिम सरायाह जुजुलिसें बेबिलोनय् वंबलय् यर्मियां वयात थ्‍व वचन बिल।

दानिएल 1:1

यहूदा देशय् यहोयाकीम जुजु जूगु स्‍वंगूगु दँय् बेबिलोन देशयाम्‍ह जुजु नबूकदनेसरं यरूशलेमय् वयाः उकियात घेरय्‌ यात।